خبرات بيل جيتس و11 نصيحه
بيل جيتس وهو واحد من اغنى خمسه فى العالم دعوه لمدرسه ثانوى
عقبال ما نسمع هنا فى مصر عن رجال اعمال(نجيب سويرس -احمد عز-محمد ابو العين ) زارو مدرسه ثانوى
المهم
راح بيل جيتس مدرسه ثانوى والطلاب طلبو منه انه ينصحهم
قالهم انا هقولكم 11 نصيحه
1-خدو بالكم الحياه ليست عادله (اوعى تفتكر اول ما تطلع هتلاقى العدل والمساواه)
2- اوعو تفتكرو ان الحياه مهتميه بيكم الحياه مش هتهتم بيكم الا لما تبقو حاجه الحياه مش مستنياكم تتخرجو وتقلكم اهلا وسهلا مش هتستناكم الا اذا انتو ليكو معنى
3-(انت مش هتعمل 60 الف دولار فى السنه -يعتبر رقم كبير فى امريكا- الا لما تشتغل كتيير اوى
ومش هيبقى عندك تليفون فى العربيه الا لما تشتغل اكتر -عندهم التليفون فى العربيه حاجه جامده اووى يعنى-
4- اذا كنتو فاكرين المدرسين بتوعكم بايخين ورخمين استنو لما تشوفو المديرين بتوعكم
5- تقليب البرجر(ده زى قلى الطعميه يعنى عندنا) اوعو تخجلو انكم اول ما تطلعو تقلبو برجر انتو بتسموها تقليب برجر بس الناس اللى بنو امريكا قبلكم
يسموها فرصه . فرصه تبقى انسان . اجدادكم اللى عملو الفلوس بيسمو دى فرصه
6- متعملش دوشه كتيير على اخطاءك
7- متفتكروش ان اهاليكم مملين متفتكروش ان بابا وماما دمهم تقيل ده بقى دمهم تقيل لما انتو جيتو بقى عندهم فواتير ومدارس اما بابا وماما طول عمرهم كانو لطاف فمتفتكرش انكو كوول وبابا وماما دمهم تقيل
8- اوعى تفتكر ان الحياه هتتقسم لناس كسبانه وناس خسرانه الحياه بتتقسم لناس معاها وناس معهاش زى ما كنا بنقول زمان اللى معاه قرش يساوى قرش واللى معهوش ميلزموش
9- اوعو تفتكرو ان الحياه ترمات وفى اجازة صيف لما تتخرجو مفيش اجازة صيف
10- اوعو تفتكرو انكو هتطلعو تعقدو فى كوفى شوب ... الحياه مش كوفى شوب... الحياه بتطلع تشتغل شغل كتيير اووى عشان توصل
11- بيل جيتس كانو بيعتبروه من الناس اللى بيقرو كتيير وبتوع مذاكره.. قالهم اوعى تتريقو على الناس دوول ولا تفتكرو انهم اغبيا لانهم فى الغالب هيبقو الرؤسا بتوعكم
فزيييع الراجل ده بصراحه
يارب المقال يعجبكم
mms : 
