من حقى وكمان من حقك

من حقى


أبكى
لما ترمى سهم عليه
وتسيبه لحد ما يوصل ليه
ولما تزرع جنبى ورده
وتقولى ان دى ورده
ومتسميه على اسمك انتى
وفيها وعلى كل ورقه
ما اشوفش غير طيبه ومحبه
وأتارى....الالم شايفنى ومستخبى

...................................
من حقى


أحلم
وانور شموع احلامى جوه قلبى
فيه حلم شمعته نورها بيزيد ويدفى
وطيوره مع كل فجر بتزورنى وتغنى
وحلم تانى شمعته بتدوب جوه منى
وطيوره فى الغروب...بتبعد عنى
لكن
بنك الاحلام عمره ما قفل ونسانى
لما ادخل فيه بلاقى حلم احلى من الاولانى
واقف وعمال بيدور على عنوانى

...................................
من حقى


أخاف
على نفسى لما أسيب نفسى
فى نهر اليأس والأحزان
ولما الماضى من روحى يسرقنى
ويعيشنى فى مكان....ويسيب روحى فى مكان


واخاف اكتر
لما اسيب كلمة الفشل تتسطر على لسانى
انا عمرى ما كنت فاشله
والحياه بتعلمنى وانا لسه تلميذه وفى اولى تانى

......................................
من حقى

أحب
وازرع براعم حبى فى العيون
واسمع دقات قلبى
بتحكى عن مين ف لحظات السكون
وانشر الحب ف دنيتى
زى ما الهوا منتشر ف كل ركن ف الكون


.......................
من حقى ومن حقك ومن حقنا كلنا نعمل كل ده
واكتر من كل ده

لان ربنا خلقنا ف الدنيا دى بشر

وميزنا بحاجات كتير

تفرق ما بينا وبين الشجر والحجر