مفييييييييييييييش امان

من غير اى حاجه بجد الدنيا دى غريبه اوى والناس حالهم اغرب
لما الواحد يتشرط ويعمل اللى مش بيتعمل يتشال عالراس ويبقى مش عاجبه كمان واللى معاه بيبقى عاوز يعمله اكتر من كده بكتير

وتبقى الواحده مش عاجبها واحسه ان ده اقل حاجه وانها تستاهل احسن من كده ودايما بتاخد بس ولا عمرها تدى ولا تعبر حد وبرضوا يجرى وراها

ويبقى مش قادر على بعادها

واللى تتنازل وتضحى وتتعامل بما يرضى الله وتقدر كل الظروف وتبقى بتحافظ على كل حاجه وبتحوط على حبها من هنا ومن هنا وبتحميه وتستحمل كتير

وتستحمل كلام من ده ومن ده وتتطنش عشان اللى بتحبه وعمرها ما تتغط عليه فى اى حاجه وتقدر دايما الظروف وتبقيه على نفسها وتحبه اكتر من اى حاجه واكتر من نفسها يبقى المقابل انها تتهان ومش تحس بالامان وكمان تحس انها سهله اوى وممكن تتباع وبدل ماتتشال عل الراس لاااااااااااااااااااااااااا

تتداس وتاخد فوق دماغها ومن الكل بس عشان هى طيبه وبتتقى ربنا فى اللى معاها ودايما يحسسها انه كتير عليها وانه شرف ليها انه اصلا وافق يرتبط بيها



ياااااااااااااااااااااااااااااااااااااااه

هى الدنيا دى وحشه ليه كده ليه الطيب بيتداس والوحش يتشال عالراس انا مش بقيت عارفه ايه الصح وايه الغلط وازاى الواحد يتعامل مع الناس فى الزمن ده

ابقى ماديه ومستغله عشان يتقال انى وحشه ومش بقدر الظروف

ولا ابقى كويسه ومقدره الحال واتعامل بما يرضى الله واتصدم فى اللى حواليا واخد كل الم اجمد من التانى

ولا ابقى بين البينين ويتقال انى منافقه ومش مسقره وبجامل

انا اتخنقت من حال الدنيا والناس انا لو اضمن انى اموت وربنا راضى عنى ولولا انه حرام انى ادعى على نفسى والله كنت عملت كده