ايوا انا مش بصاحب

حابس نملة ومعذبها كتب:: قبل ما اي حد يقرأ الكلام ده .. انا عايز اوضح حاجة

متفهمش من معنى الكلام اللي انت حتقرئه ده انك ولد مش كويس او خلاص راحت عليكي .. بالعكس

ربما فتح عليك باب الطاعه وما فتح لك باب القبول وقضى عليك بالذنب فكان سببا في الوصول

يعني ذنبك ده لو توبت منه تسبقنا كلنا و تبقي احسن واحد فينا
فمتنزليش دموعك على حد ميستهلش خلاص ده كان امبارح اما النهاردة بقى فانت واحد تانى خالص
ربنا يقهر قلوبنا لحبه و يثبتنا ياااارب

و يسعد كل الشباب النبي بأزواج يشيلوهم من عالأرض شيل و يتقوا فيهم ربنا
بس صدقونى والله يا جماعة وعن تجربة مفيش احسن من قعدات الشباب مع بعضيها لم تقعد مع البنت تحس ان القعدة فيها تكلف تاخد باك من طريقة كلامك تاخد بالك بتاكل ازاى ايه رايكم نعيش حياة شبابى بصراحة مش طالبة بنات

أيوه حقولها بأعلى صوتي

وحفضل أكرر فيها لحد موتي

و ميهمنيش يتقال عليا مغرور

او ولد شايف نفسه و منفوخ

ليا حق اني ارفع راسي و على عفتي ابقى مسنود

ايــــــوة انـــــا مـــبـــــصــــاحــــبــــش

و مش مدايق او مخنوق

واياك تقول عليا مكبوت

او من المتعة محروم

بالعكس ده من غيري محسود

و من اللي بيفهموا مطلوب

انا راجل عشت و حعيش شريف

و حيائي ليا ميزة

عالأخلاق حفضل ماسك

و عالقيم دايما حكون ثابت

انا عشت و حعيش بعفتي و بيها حفضل فخور

ايدي متمسكتش و عمرها ما حتبقى ممسوكة

انا جسمي عليا غالي

ميبانش الا لحلالي

و عمري ما حفكر اني أخونها

او اضيع حق من حقوقها

ده انا ابن ناس طيبين

متعوب عليا كتير

مبعش نفسي بالرخيص

عشان حنيّه لوحدتي تكون تعويض

او كلمة حلوة تخلي ثقتي ف نفسي تزيد

و كل ده لحد ميستاهلنيش

بس عايز يلعب بيا

و يضيّع وقت فراغه عليا

انا أضحيله بنفسي وهو يبيعني و يجرح فيا

ماعاش اللي يفرض نفسه و سيطرته عليا

انا روحي للمعصية أبيّه

وجسدي لحلالي و لغيره دي حاجة منسيه

الطاعه بالنسبالي هي الحريه

انـــا قـــلــــبـــي مـــلــــك ربـــــي

و ربـــي ده حـــبـــيـــب قـــلـــبـــي

فابعدى عني يا بنتى

و اياكى تحاولى تكسبني

ده انا رضايا صعب الوصول

و النظر ليا ده شيء ممنوع

أما حبي بقى

فيحتاج حروب

واوعى تفتكرى انك عليا تلفى و تدورى

و تفضلى تقولى فى كلام معسول

لا لا

انا مش من دول

انا اللي احترامي جزء من كياني

انا اللي علاني جعل الجنة تحت أقدامي

وقالك اوعى تلمس ده انت حتى عليا متبصيش

و اللؤمة تحطها ف بقي تبقالك صدقة و تكون منك رومانسية

و ان جربت تخلي ايدك تحضن ايديا

تنزل ذنوبك من بين دفى العشق اللي هو طاعة ليا

بص يا بنت الحلال انا غير طريق بيتنا معرفش اوصف
و غير حلالى مبحبش

و لحضن غيره مبحنش

طريقي واحد مليش لغيره سبيل

يا حلال و ربي راضي

يا تشوفلك غيري وواضح كلامي

انا قلت كل ده عشان عاوزك تحافظى عليا

ومتشوفنيش سهل او لحبك مستني

صححى مفهومك انا عن رضا ربي و حب النبي مش مستغني

ياريت تقدر ان ضعفي ده قوة موجودة فيا

و حياتى مش حيكون ليها طعم الا بيكى زى ما وصانا المصطفى وقال استوصوا بالنساء خيرا

و عمرك ما حتعيش سعيد الا برضا ربنا عليك و عليا

بقلم :

رجل يستمد قوته و ثباته من قوة رب العالمين
عاش و حيعيش عشان يرضيه

عند حق فى كل كلمه
بس العلاقات بين الراجل والبنت
مش كلها تنحصر فى الموضوع ده
اكيد فى علاقات
اوضح
واحسن بتكون اطول

وافتكر انت برده عارف كده

انا فاهم ثصدك يا محمد بس كثرة الاختلاط بغير المحارم بتعمل تجاذف فى الشخصية والدين بيمنع مصافحة ومخالطة النساء وكمان على عهد الرسول عليه الصلاة والسلام مكنش فى اختلاط وصداقة مشكور على مرورك

غلطان

وخليك معايا وحثبتلك
خولة بنت ثعلبة رضي الله عنها التى سمع الله جدالها مع رسوله من فوق سبع سماوات
وغيرها ا الكتير اللى كان النبى عليه افضل صلاه وتسليم
بيسمعهم وبيرد عليهم
من المسلمات وغير المسلمات

وبرده قصه سليمان عليه السلام وبلقيس

فهمتنى الحوار فى الاسلام بين اى طرفين
مفهوش مشكله
بس لازم الاول نعرف اداب الحوار ويكون حوار بقيمه

مش تفاهات

ولا انت شايف ايه

انا مش معاك يا محم
و ارجع لاصول الوقائع ديه ايه

العلاقة بين الرجل و المرأة أذا كان وراءها حاجة طبيعية مقبولة فلا حرج فيها كالعمل في شركة واحدة أو مدرسة واحدة أو كلية واحدة مع التحذير من تطور علاقات العمل إلي حد يشبه علاقة الأزواج أو الاحبة .

إن في القرأن صورة لطيفة لإطار التعامل بين الرجل و المرأة يظهر من خلال سيدنا موسي عندما رأي فتاتين تحتاجان المساعدة

((قال ما خطبكما قالتا لا نسقي حتي يصدر الرعاء و أبونا شيخ كبير فسقي لهما ثم تولي إلي الظل))

القصص --23--24

هكذا الحديث علي قدر الحاجة بلا تطويل و بعدما قدم لهما المساعدة تولي إلي الظل فلم يستعرض عضلاته أو يحاول التعرف عليهما.

و عندما جاءته إحداهما تدعوه لمقابلة أبيها جاءت تمشي مشية كلها حياء و تتحدث بكلام ملؤه الحياء

((فجاءته إحداهما تمشي علي استحياء قالت إن أبي يدعوك ليجزيك أجر ما سقيت لنا))

القصص --25

و كان ما كان بينه و بين أبيها من أتفاق علي العمل و الزواج هذا إطار لطيف يرسمه القرآن لطبيعة العلاقة بين الرجل و المرأة.

-الكلام للحاجة و الضرورة
-تقديم العون و المساعدة.
-الحياء و الجدية من جانب المراة.

ملحوظة هامة جدا

الحب في حد ذاته ليس حرام أطلاقا

بل الحرام هو ان تقوم علاقة غير شرعية بأسم الحب

و يجوز للشاب أذا كان يعرف فتاة علي دين و خلق أن يدعو الله ليتزوجها يدعو الله فقط أن يجعلها من نصيبه مش يروح يكلمها و يتعرف عليها و يتصل بيها

و العكس طبعا

لو فتاة تعرف شاب علي دين و خلق يجوز أن تدعو الله أن يجعلها من نصيبه تدعو الله فقط و ليس اقامة علاقة غير شرعية

و الحب في الاسلام معروف و مشهور

كانت السيدة خديجة تحب النبي صلي الله عليه و سلم

و كلنا نعرف كيف تم الزواج و كيف كان الحب بينهما

و نعرف أيضا

عندما جاء سيدنا عمرو بن العاص من أحدي الغزوات منتصرا فسأل النبي

من أحب النساء اليك قال عائشة

وقال الله عز وجل ‏‏‏‏{‏مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ‏}.

(......محصنين غير مسافحين ولا متخذين أخدان) .

اي الله عز وجل بيأمر الرجال المسلمين بعدم اتخاذ صحبات وصديقات ومعشوقات
ويأمر النساء المسلمات بعدم اتخاذ اصدقاء واخلاء واصحاب من الرجال فهذا
هو قمة الفتنة والبلاء

قال رسول الله صلى الله عليه وسلم:
(ما تركت بعدي فتنة أشد على الرجال من النساء) أخرجه البخاري ومسلم

و ده رئي انا و بجد حاجه حلوه ان يكون التعامل مجرد في اطار الدراسه و المصالح المتبادله غير كده صراحه انا مش مقتنعه يمكن انا جيت فتره كنت عادي بس حاليا بعد ما فهمت و عرفت خلاص

يا محمد هاتلى حاجة فى الدين تثبت ان الصحوبية بين الشباب والبنات مفهاش حرمانية فى اية فى القران بتسمحلنا بكده فى حديث بيقول ممكن تصاحب بنت وتاخد رقم تلفونها الدين بيقول كده مفيش حاجة اسمها ديه زى اختى هى لو زى اختك فعلا حتحافظ عليها ومش حتكلمها لان الا منرضهوش على نفسينا منرضهوش على غيرنا
يقول النبى صلى الله عليه وسلم ما تركت بعدي فتنة أضر على الرجال من النساء
وقال صلى الله عليه وسلم ما اجتمع رجل وامراة الا وكان الشيطان ثالثهما قالوا يا رسول الله ولو كانت صالحة قال ولو كانت مريم بنت عمران
ان كيدهن عظيما ارجع كده لسورة سيدنا يوسف
كان يوجد رجل على عهد رسول الله اسمه جميل فالصحابة بيقولوا جاهد يا جميل بغزوة اطلع حارب معانا وهو قاعد يصافح النساء قال واى جاهد غيرهنا اريدا لكل حديثا بينهن حلاوتا وكل قتيلا بحبهنا شهيدا فين الرجولة بالله عليك ده تسميه راجل
قل للمؤمنين يغضوا من ابصارهم ويحفظوا فروجهم ذلك اذكى لهم إن الله خبيرا بما يصنعون
وزى ما قالت اختى الفاضلة
الكلام للحاجة و الضرورة
-تقديم العون و المساعدة.
-الحياء و الجدية من جانب المراة
‏‏ ‏
قال الله سبحانه وتعالى ‏‏
وعزتي لا أجمع على عبدي خوفين ولا أجمع له أمنين ‏
إن أمنني في الدنيا أخفته يوم القيامة ‏
وإن خافني في الدنيا أمنته يوم القيامة

اخى حابس احيك على طرح هذا الموضوه الهايل
بسم الله الرحمن الرحيم
اولا انا بحييك فى كل كلمة قلتها طبعا انا شايف ان كل كلامك مظبوط وصحيح بصرف النظر عن كل الردود المتوجهة عكس ردك مع احترامى الشديد لها
ان الله خلق الانسان ليعمر فى الارض وليس ليفسد وخلق العقل حتى به نفكر ونتأمل
انما النساء ما هى الا ناقصات عقل ودين وهذا هو حديث رسول الله اصلى الله عليه وسلم
وما من رجل وأمرأه اذا اجتمعوا فثالثهم الشيطان
وانما البيوت التى تحكمها النساء وليست الرجال فما هى الا دمار وخراب ياتى الى اهل الدار
اقصد من كلامى ان النساء ليست صالحات وليست بعقول كما يعتقد البعض انها كبيرة ومليئة بالذكاء
انا لا اقول هذا الكلام لغرض معين او لشيئ والعياذ بالله اسغفر الله انما اقول ما هو يواجهنا فى عصرنا هذا ومن احاديث نبوية قالها خير افضل خلق المرسلين عليه افضل الصلاة والسلام
لكل امرأه وفتاه اتقى الله يجعل لكى مخرجا اينما اتيتى وذهبتى
اتمنى ان لا يجعل هذا الحديث شيئ بينى وبين الاعضاء وانما اقول ما هو يحق قوله ليس اكثر ولا اقل

موضوع مناقشة رائع
انا رايي ان التعامل ف حدود (زمالة او عمل )مع الاحترام المتبادل ومراعاة ادب الحوار ويكون للضرورة

(اقصد من كلامى ان النساء ليست صالحات وليست بعقول كما يعتقد البعض انها كبيرة ومليئة بالذكاء)

انت شايف كدا !بجد نو كومنت ياريت تدور ع التفسير الصحيح للحديث

وانما البيوت التى تحكمها النساء وليست الرجال فما هى الا دمار وخراب ياتى الى اهل الدار على فكرة ده مش موضوعنا خالص انا مش بتكلم عن الزوج وزوجته انا بتكلم عن الصحوبية والحب الغير شرعى حضرتك خرجت عن نطاق الموضع تمام ده اولا
ثانيا
يا سيدى الفاضل هات حديث او اية فى القران تثبت صحة الكلام ده
اقصد من كلامى ان النساء ليست صالحات وليست بعقول كما يعتقد البعض انها كبيرة ومليئة بالذكاء لو النساء مكنوش صالحات مكنش وصانا بيهم الرسول عليه الصلاة والسلام وقال استوصوا بالنساء خيرا ومكنش قال اتقوا الله فى النساء طبعا حلالنا
وربنا وتعالى بيقول يايها الذين امنوا ان خلقنكم من ذكرا وانثى وجعلنكم شعوبا وقائل لتعارفوا إن اكرمكم عند الله اتقاكم
لو حضرتك داخل تكتب فى الموضوع لغرض معين والله اعلم بنية كل واحد ديه حاجة بترجعلك بس خليك عارف ان كل كلمة حتكتبها حتتحاسب عليها من الذى لا يغفل ولا ينام
وبعدين انا مش عامل الموضوع ده عشان نغلط فى البنات بالعكس الموضوع ده لحل مشكلة الصحوبية والاخنلاط ومفيش واحد فينا يرضى على اخته انها تقف او تتكلم مع شاب خليك واقعى يعنى بالله عليك انت لو هتخطب هتخطب وحده مصاحبة شباب والا هتخطب وحده مش بتكلم شباب وبترفض مبدا الصحوبية بين الولاد والبنات انا ولله الحمد واحد من الشباب عمرى فى حياتى ما حخطب وحده مصاحبة شباب حتى لو ملكة جمال الكون
اللة يرضى عليك لما تكتب حاجة لازم تكون متاكد منها 100% وخاصتا الكلام فى الدين
وياريت يا جماعة الايعلق على الموضع يكون بنية خالصة لوجه الله عز وجل

وقال استوصوا بالنساء خيرا ومكنش قال اتقوا الله فى النساء طبعا حلالنا اسف يا اخوانا انا اخطات المفروض الرسول عليه الصلاة والسلام وتعالى بيشمل كله اننا نتقى الله فى كل النساء

وقال استوصوا بالنساء خيرا ومكنش قال اتقوا الله فى النساء طبعا حلالنا اسف يا اخوانا انا اخطات المفروض الرسول عليه الصلاة والسلام وتعالى بيشمل كله اننا نتقى الله فى كل النساء

شكرا لك يا محمد علي موضوعك الرائع
وفعلا موضوع مهم جدا

العضوه Crazy Girl

انتى قولتى انا بختلف معاك ولما قريت كلامك ملقتش اى اختلاف
والاصول اللى حضرتك بتقولى عليها ياريت اعرف منك يمكن تكونى معلوماتى غلط

العضو حابس نمله
انا قولت ان الحوار مش عيب ما دام نعرف اداب الحوار
وما ذكرتش صحوبيه خالص

حياء انسان
اعذرنى رأيك متعصب جدا

قوله - صلى الله عليه وسلم -: (ناقصات عقل ودين) حدد النبي - صلى الله عليه وسلم - تفسيره بأمر محدد، وهو ما يعتريها من ترك الصيام والصلاة في الحيض والنفاس، فهذا نقص جزئي محصور في بعض العبادات، وليس على الدوام، فليس هذا قدح فيها أو منقصة، يقول الشيخ عبد العزيز بن باز - رحمه الله -: (ولكن هذا النقص ليست مؤاخذة عليه، وإنما هو نقص حاصل بشرع الله - عز وجل - وهو الذي شرعه - سبحانه وتعالى - رفقاً بها وتيسيراً عليها، لأنها إذا صامت مع وجود الحيض والنفاس أضرها ذلك

والتاريخ يزخر بنسوة اشتهر عنهن رجاحة العقل والحكمة والفهم والعلم،
لو فاضى ممكن اعمل موضوع وحط اسم كل واحده بس

حياء انسان

كنت عايز اسالك سؤال والاجابه ما تكتبهاش

وياريت تفكر الاول

ايه رأى حضرتك فى والدتك

ومعلش سؤال تانى عايز تقارن بين
السيده العظيمه والدتك

وبين انسان راجل مسلم
بالبطاقه

افضل ان لا اجاوب على هذه الاسئلة منعا لأختلاط الرد المختلف فى الدين
ولكن يا اخى العزيز الاسلام اختص ايضا على نعمة العقول التى وهبها الله لنا اى نعمة هذه نراها الان فى اى فتاه او امرأه
السؤال الذى تقصده بوالدتى لا اعلم ولكن الله عز وجل هو الذى يعلم
افتكر كده قدرت ارد على كل اسئلتك اللى حبيت تقلهالى والاخ حابس ايضا
تعقيب بسيط للأخ حابس
اخى حابس جزاك الله كل خير فيما قلته ولكن كنت اقصد بجوابى هو ان النساء ليست كما يعتقد البعض انهم صالحات ربما يكون لهم شيئ مصلح من جانب الايمان ولكن ماذا نعلم عنهم بعد ذلك من الضمير او الافعال
حفظك الله اخى وزاد من حسناتك

السلام عليكم ورحمة الله وبركاته

بصو يا شباب
الموضوع بيتكلم عن الصحوبية وآرائنا فيها
قد يكون ده بالنسبة لبعض الأسر شىء عادى
لكن بالنسبة لى ولأسرتى
ده شىء مرفوض تماما لأنى كده هبقى بقلل من قيمة نفسى
واحترامى ليها وبرضه ثقة اهلى فيا وكمان انا مش ضامنه ان ربنا يكملهالنا للآخر

اه على فكرة انا متفقه مع محمد فى كلامه

اقتباس :

بس العلاقات بين الراجل والبنت
مش كلها تنحصر فى الموضوع ده
اكيد فى علاقات
اوضح
واحسن بتكون اطول

نيجى بقى للأهم
انا ملاحظه من بعض الأعضاء ردود خرجت عن الفكرة الاصلية للموضوع
وصلت لحد مقارنات بين الرجل والمرأة والتقليل من شأن المرأة
وهكتفى بالرد على آخر رد فى الموضوع ده وهو

green]]

اقتباس :

الاسلام اختص ايضا على نعمة العقول التى وهبها الله لنا اى نعمة هذه نراها الان فى اى فتاه او امرأه

[/quote]

والله بعقل حضرتك وبكل بساطه ستجد نعمة العقل فى اكثر من فتاة

اقتباس :

كنت اقصد بجوابى هو ان النساء ليست كما يعتقد البعض انهم صالحات ربما يكون لهم شيئ مصلح من جانب الايمان ولكن ماذا نعلم عنهم بعد ذلك من الضمير او الافعال

أعتقد ان كلام حضرتك ينطبق على الرجال والنساء وليس قاصرا على النساء فقط

اما بالنسبة للردود الأخرى فرأيى فيها مش هيختلف عن رأيى محمد الطباخ

ايوا انا مش بصاحب 229921

النساء ليست كما يعتقد البعض انهم صالحات ربما يكون لهم شيئ مصلح من جانب الايمان ولكن ماذا نعلم عنهم بعد ذلك من الضمير او الافعال

حضرتك ليه بتحكم ع النساء عامة
يعني هو كل الرجال صالحين اكيد ف كدا وف كدا

مش ف مانع للحوار ما دام التزم باداب الاسلام
ع فكرة انا كنت الاول شايفة انه عادي صداقة بين بنت وولد ما دام ف حدود بس بعد مفكرت شوية وسمعت اراء عرفت ان سلبياتها اكترمن ايجابيتها

انا فاهم يا محمد بس اكيد كلنا واحد فينا عارف فين الصح وفين الغلط ولازم يكون فى حدود فى التعامل بس ده القصد يعنى للحاجة والضرورة
الاخ حياء انا مش زعلان منك بس لما تتكلم لازم تركزفى كلامك وتاخد بالك من كل كلمة بتقولها وخاصتا لو الكلام فى الدين مشكورعلى مرورك
مشكور اختى مسلمة على مرورك
تمام الله يفتح عليكى جبتى المفيد