*دى ملاك ونازل من السما*

مكنش بيا ولا عليا
وفجاه لقيتها قدامى

عنيها كمان جت فى عنيا
وسرحت معاها باحلامى

حاجه كده مقدرش اوصفها
حاجه اول مره اعرفها

خدت قرارى ساعتها وقلت
لازم اروح واكلمها
لقيتنى بقولها اى كلام

دقيقه اتكلم عشره سكت
مش سامع بس ببصلها
عيونها كانها فيها سهام

شغلت قلبى وخطفت روحى
زى البلسم داوى جروحى

بهرتنى بجد ببرائتها
يخرب بيت الرقه كمان

ولا صوتها وحنيتها
والله يا جماعه مش انسان

دى ملاك ونازل من السما
دى هديه من ربى

دى ملاك وبدعى انها
تبقى من حظ قلبى

مشفتهاش غير مره واحده
ومعرفش ايه الى جرالى

لا دى غير اى واحده
دى مبتغيبش عن خيالى

كل الناس حواليا بتسال
عن سر الفرح الى انا فيه

بعد ما كانوا شايفنى لوحدى
وبعيد دايما عن كل الناس

بقوا شايفنى واحد تانى
وبجاوبهم بالاحساس

كلمتها مره ومن يومها
نفسى اشوفها

معرفش عنها حاجه
ولا اعرف ايه ظروفها

بقيت يروح نفس المكان
الى سمعت صوتها فيه

يمكن الاقيها هى كمان
حاسه بشوق ولهفه عليه

عارفه ان انا دلوقتى بعيش
على امل ان هييجى اليوم
الى احكيلك فيه وتحكيلى

يمكن ييجى يمكن ميجيش
يمكن فرحى معاكى يدوم
وساعتها هقول امى بتدعيلى

ويمكن احلم الاقى مفيش
والاقى قلبى بقه مهموم
بكلمة لا جايه تقوليلى

مهما كان ايه الى يحصل
هفضل احلم ان انا هوصل
ولا يمكن عن حلمى اتخلى

من جوايا عاوزها بجد
منا قلت دى غير اى حد
والله خلاص ما بقيت بتسلى


دى ملاك وحتى اسمها
جاى من الايمان

نسيت معاها ان كنت مين
نسيت زمان

بقيت بحس ليها بحنين
وهموت كمان

خايف يا ناس كمان يومين
يجيلى جنان

دى ملاك ونازل من السما
دى هديه من ربى

دى ملاك وبدعى انها
تبقى من حظ قلبى


يارب تعجبكم
بس احب بس لعرفكم بنفسى
اسمى محمد
فرقه 5
طب بيطرى
وشكرا

اهلا بيك يادكتور محمد
نورت المنتدى والله

وموضوعك جميل جدا واكثر من رائع

هو حضرتك اللى كتبته ؟

اهلا بحضرتك واتشرف بمعرفتك
ومرسى كنير على رايك
واكيد انا الى كتيته يارب يكون عجب حضرتك

اكيد طبعا عجبنى
جميل جدا والله

فى انتظار الجديد ان شاء الله

ربنا يخليكى
وميرسى مره تانيه
وانتظرى الجديد