أغاني بس بشكل تاني

لما تلاقى الشاب سجاره فى ايده ... و النحية التانية حزازة فى ايده
الشاب شاكلوا سيس وعلى طول شغال تهيس
لسه جايب جينز النهارده
و يجى صاحبه الانتيخ و يقولو يا بامبو ويمسك ايده و يشده
ويقولو معاك ورقة بفرا
ويقوله يالا بينا نشد

يبقى انت اكيد اكيد فى مصر ...يبقى انت اكيد اكيد فى مصر

لما تلاقى المدرسة جواها دافى و أصيل...وكل فصل فيه عيال مزوغين
هنا المدير والناظرة عاشوا بالسنين
فى وسط طلبه فاشلة و داحاحين

يبقى انت اكيد اكيد فى مصر... يبقى انت اكيد اكيد فى مصر

اما تلاقى فى اللجنة الف عين باصه عليك
ومراقب اللجنة شويه و حينط عليك
وتلاقى ناس كتير فى القطر... وبايعين جواه ملهمش حصر








عمرو دياب -- قالتلي قول


قالتلي فوووول .. بالسلطة ولا الحبهان.. قولتلها يع .. قالتي ايه دا الحبهان دا طعمه جنان
طب جرب حبة.. واستطعم الأكل يا مان ..خدلك حتة وانجز ..ماتبئاش حيوان
قولتلها غوري في داهية .وكفاية جنان







عمرو دياب -- ضحكت



عطست.. يع دي جالها زكام .. وكل شوية تروح حمام .. طب وآدي دأني ان شوفتك مرة.. جتك داهية ألبتي الحال
مستني أيه بعد العطسة.. دي العطسة مليانة بتفة ..مش هي دي اللي انتا عارفها وبقالها ساعة في الحمام










تامر حسني -- حضن الغريب



خليه يمشي يا فهمي .. ويبعد ويبطله يومين
بكرة حيرجع زي الكلب ..مزلول على نفسين
ماتسيبه يروح هناااك
ويدور ع المزاااج
ماهيلائا زينا
مهما يروح أو يغيب
بردو قرش الغريب
مش زي قرشناااا







تامر حسني -- اعتذري



اعتذري للي هياكل بعدي خليه يسامحني اصل انا مسبتش ولا لقمه في طبقي ومبقاش فيه اكل عندنا
انا مش قلقان عليكو عارف اكيد هتتصرفوا هتطلبو ديليفري يجيكو وبالسم الهاري تطفحوا
متنسونيش طب في بطاطساية أحبس بيها اللقمه
ولا هتبقوا جنتل معايا واخد منكم قطمه







لؤي -- واحد من الناس



كان ساندويتش فراخ.. زي أي فراخ .. عليه كاتشب ومستردة ومايونيز وخلاص
بس الجبنة مش سايحانة ..سايحانة بحالها ..والكاتشب دا عليه دبانة ..دبانة طايرة في حالها
سمنة وملح وخل وشطة هي الحاااال .. واللي يدوق يحتاس..يحتاااااس




محمود العسيلي -- تررم



كان مرة فة مادة اسمها فزيا غاباوتها مش طبيعية
كل ماجى اذاكرها احس انها هندية
تعبانا وقرفانا
ومسائلها مبهدلانا
تبصلنا و تقول ما تحلونى فى ايه
مش فاهمه منها حاجة ..و لا ايه اخرتها معانا
نفسنا نرتاح من اللى احنا فيه
الراخمة و التاناحة والغاباوه و القباحة
كل الناس اللى ذاكروها يبقو خلاص حيقطعوها
او يوروحو يحرقوها و يخلصوا من ابوها

لو كان وزيرنا شالها من المنهج
كان قصر ونيمنا
بدل نعد نذاكر وعيونا كده وجعانا
كارهنا ومش طايقنها ومخنؤين منها
وبنفضل نقول بتعملى كده ليه
حتفضل كده معانا قارفانا و خانئانا بس نبقى عارفين اخرتها ايه


الراخمة و التاناحة والغاباوه و القباحة
كل الناس اللى ذاكروها يبقو خلاص حيقطعوها
او يوروحو يحرقوها و يخلصوا من ابوها

realy it's sooooooooo funy
thanx sooo much :lol: :lol: :lol:

ههههههههههههه
اغاني جميلة وواقعية
الف شكر على الموضوع

اكتر اغنيه عجبتنى تررم
اصل انت مش عارف
انا والفزيا بنحب بعض اوى اوى اوى
طبعا انت فاهم قصدى :albino: :albino: