ممكن زيارة .. طب تليفون .. طب حتى دعوة

اللى خلانى أكتب الموضوع, إنى حاسه إنى مقصرة فى حق أصحابى وأحبابى ومعاكم ..

ممكن نقول, الدراسة واخدانا (بالنسبة للطلبة زى حالتنا)


ممكن برضه نقول الشغل واخدنا

وبرضه ممكن نقول الحياة واخدانا (كلنا بقى)


بس احنا فعلاً مش نقدر على زيارة اللى احنا مقصرين معاهم , عشان نحسس بعضنا إن احنا مش نسينا بعضنا؟؟ ..

يا ترى ممكن نقول إن الأسباب اللى فاتت هى السبب؟؟ ..



طب لو قلنا نرفع سماعة التليفون ونسأل عنهم ونشوف أحوالهم عاملة ايه, تعبانين, نفسيتهم تعبانه, ...........,
نقول لهم كلمة طيبة, نذكرهم بالله, ................. .

يا ترى ممكن نقول ساعتها إن الأسباب اللى فاتت هى السبب؟؟ ..



طب لا زيارة ولا تليفون, ممكن دعوة بظهر الغيب للى مقصر فى حقهم؟؟ ..

يا ترى كتير عليهم دعوة منك بظهر الغيب ؟؟

ولا ممكن نقول برضه الأسباب اللى فاتت هى السبب؟؟ ..


ممكن واحد صاحبك يكون تعبان بس أنت مش عارف عشان مش اتصلت بيه ..


وأنتى صاحبتك تكون زعلانه وعايزه تتكلم مع حد,

يا ترى ممكن يكون أنتى الشخص ده؟؟



صاحبتك اتجوزت وسافرت,

يا ترى سألتى عليها؟؟

يمكن اتصالك بيها يهون عليها شويه .. أو حتى سألتى عليها والدتها الحبيبة ..



وصاحبك سافر يشتغل,

يا ترى سألت عليه وشوفت هو عامل ايه ؟؟ ..



والله أجمل حاجة إننا إخوة متحابين فى الله ..

"إنما المؤمنون إخوة" ..




اللى مقصر مع حد, ياريت يرفع سماعة التليفون ويسأل عليه ..



وأخيراً, ياريت مش ننسى بعض من دعآئنا فى صلاتنا, عسى الله أن يتقبل من أحد منا دعآءه للآخر ..

ومش ننسى إخواننا فى غزة من دعآئنا ..



وبإذن الله –جلّ وعلا- لا أنساكم من دعآئى

ولا أنسى الأعضآء (الجيل الذى سبقنا) اللى اشتركوا فى المنتدى,

وتركوا بصمة تدل على أخلاقهم العالية وعلمهم الوفير ..

عسى أن يجعل الله من الجيل القادم من يذكرنا جميعاً بالخير ..


بجد ياريت لو ترفع سماعة التليفون وتسأل على صاحبك,

وياريت لو ترفعى السماعة وتسألى على صاحبتك ..


يعنى, حبيت أعاتب نفسى بس بصوت عالى معاكم إخوتى ..



حفظكم الله ورعاكم