نتيجه الانتخابات لمحافظه البحيره 2010

السلام عليكم ورحمه الله وبركاته
اخبار الناس هنا ايه والانتخابات عامله ايه
مين راح ومين مرحش

وياترا عارفيين مين ال ناجح

اكيد هنقول علاء الشرقاوى
ولا علاء نوفل
ولا حسن الحسيني

ودلوقتي احب اعرفكم مين ال ناجح

تتخيلوا ممكن يكون مييييييييييييييييييييييييييييييييييييييييييييييييييييين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

محمد منيسي

و

امل عبد الوهاب

او

منال اسماعيل

دي اخر الاخبار لحد دلوقتي والله اعلم

اكيد طبعا كل واحد عايز مرشحه هو ال ينجح

وانا عن نفسي مرشحتش حد لان فعلا محدش يستاهل

ولو كنت رشحت كنت رشحت علاء الشرقاوي

هتابع معاكم بأذن الله هنا نتيجه الانتخابات لمدينه دمنهور

وربنا يستر

في رعايه الله

بتتكلم بجد
يا راجل حرام

دى الناس التانيه صرفه صرفه

معاك حق يا محمد

واحد زى علاء الشرقاوي صارف ملايين لحد دلوقتي

مش بس كده ده كمان ال كان يروح يرشحه كان بياخد 100 جنيه عايز ايه تاني

ولحد دلوقتي يا شباب

تعادل علاء الشرقاوي مع اسامه سليمان

وبكده اكيد علاء الشرقاوي هو ال هينجح

واحد دفع للحزب 5 مليون جنيه علشان رقم واحد

ودعايه قد ايه وكام مركز انتخابي يبقي اكيد ناجح

و تعادل علاء نوفل مع حسن الحسيني

وسمعت كمان ان علاء نوفل ناجح ب اكتساح

وكمان مين ال تنجح

منال اسماعيل

احب اعرفكم ان الاخبار انا متأكد منها بنسمه 75 %

علشان انا كنت هناك النهارده

وممكن برده مش اكيده والله اعلم

اوعي حد يروح هناك

مش ضامن انك ترجع سليم

وهرجع لكم تاني وربنا يستر

في رعايه الله

انا اى واحد ممكن ينجح
بس حسن الحسينى لا

تمام يا محمد انا معاك في دي

بس الغالب ان علاء نوفل هو ال هيكسب علاء نوفل من الشخصيات المحترمه

ويقولك الحاج حسن الحسيني

هو حج امتي انت تعرف بيشتغل ايه

ولا بلاش

وفي اخبار جديده تانيه

ان منال اسماعيل خلاص منجحتش

و ال دخل امل عبد الوهاب و عبير علي الزقم

لما نشوف اخرتها

دا البندر

اما مركز دمنهور

الاربعة بتوع الحزب اعادة الاربعة

علي عبد الواحد عتمان والدكتر معتز النجار اعادة فئات

مبروك زعيتر وابراهيم صدقى نوار عمال اعادة

ومن مصادر مؤكدة ان كان الحاج عادل يونس مستقل مكتسح في العمال وفايز

بس مبروك زعيتر كان ناوى يولع في دمنهور لو ما عداش

وقال للمستشار المسئول عن الفرز لما قالة انة رسب انة ياخد رجالتة ويروح

قالة انا مسئول عن نفسي لكن الرجالة الي برة دى مش مسئول عنهم

فالحزب نزل مبروك زعيتر بدل الراجل المستقل

زائر

يارب علاء نوفل ينجح يارب

الملاك البرئ كتب:

دا البندر

اما مركز دمنهور

الاربعة بتوع الحزب اعادة الاربعة

علي عبد الواحد عتمان والدكتر معتز النجار اعادة فئات

مبروك زعيتر وابراهيم صدقى نوار عمال اعادة

ومن مصادر مؤكدة ان كان الحاج عادل يونس مستقل مكتسح في العمال وفايز

بس مبروك زعيتر كان ناوى يولع في دمنهور لو ما عداش

وقال للمستشار المسئول عن الفرز لما قالة انة رسب انة ياخد رجالتة ويروح

قالة انا مسئول عن نفسي لكن الرجالة الي برة دى مش مسئول عنهم

فالحزب نزل مبروك زعيتر بدل الراجل المستقل

وفى دائرة مركز دمنهور إعادة بين كلا من إبراهيم محمد صدقى نوار (فلاح – وطنى) وحصل على 25703 صوتًا ومبروك محمد زعيتر (فلاح – وطنى) وحصل على 27244 صوتاً، وعلى مقعد الفئات إعادة بين كلا من على عبد الواحد عتمان (فئات – وطنى) وحصل على 28803 صوتا، ود. المعتز بالله على النجار (فئات – وطنى) وحصل على 27338 صوتا.

دي نتيجة الاصوات ولو كان مبروك زعيتر منجحش زي ما بتقول ودخلوه اعاده عشان خافوا كان هو اخد اقل الاصوات لكنه فارق عن صدقي نوار ب 2000 صوت ومعتز سابقة ب 100 صوت بس اعتقد تتاكد من كلامك قبل ما تظلم الناس

وياريتك كنت شوفت المسيرة اللي عملها احباب مبروك زعيتر في دمنهور قبل الانتخابات بيومين تقريبا كانت من الكوبري العلوي لمدخل دمنهور ومفيش ولا عضو الحمد لله المسيرة بتاعته تقارن بمسيرة مبروك زعيتر

وحاجة كمان مبروك زعيتر الحمد لله مش بيشتري اصوات روح وسط اهله وناسه وشوف مستعدين يعملوا ايه عشانه وهم اللي رشحوه والحمد لله الناس كلها بتحبه لانه واقف معاهم بالمجلس ومن غيره وعمر بابه ما اتقفل في وش حد

ولعلمك ان اللي وصلنا ان مبروك زعيتر كان مكتسح وفايز من اول مره بس في ناس مفيش داعي لذكر الاسامي اشترت صناديق والتزوير اشتغل علي ودنو المهم دخلوه اعاده والحمد لله مفيش شغب حصل تحت اسم مبروك زعيتر

يبقي قبل ما ترمي حد بالباطل اتاكد الاول يا اخي

انا سجلت مخصوص عشان ارد عليك واعرف مبروك زعيتر قبل ما تتكلم عنه وحش واسال عنه وشوف الناس هتقولك ايه

مع احترامى ليك طبعا والسيد المحترم مبروك زعيتر

الراجل عنده وجه نظر وقالها وانت دخلت ونفيت الكلام
عادى
طبيعيى
الحقيقه فين بقى
الله اعلم
ولا ايه

صح وبعدين الملاك البرى من نفس المنطقه دى

وحاجه كمان ما تزعلش منى
لو مسجل مخصوص علشان الرد ده
كان ممكن تبعت رساله للمدير
من غير تسجيل
وانا كنت ظبطلك الاداء

وعموما منور
وان شاء الله حيكسب

صح كلامك يا مدير وربنا وحده الاعلم بالحقيقة فين

ومكنتش اعرف انه ممكن ابعتلك رساله من غير تسجيل

وشكرا لردك

وانا مكنتش داخل اهاجم حد واعتذر لو اسلوبي كان هجومي

وزي ما انت قولت في الراي وفي الراي الاخر بس

صحيح انا سمعت ان مبروك زعيتر بعت رساله للوزير يقول له

يا البرلمان يا الومان

ايه راي حضرتك في الكلام ده

ياخى حرام عليك مبروك زعيتر الناس هى اللى جابته للانتخابات يبقى ازاى هيهدد ومترميش الناس بالباطل

فارس زعيتر كتب:: ياخى حرام عليك مبروك زعيتر الناس هى اللى جابته للانتخابات يبقى ازاى هيهدد ومترميش الناس بالباطل

هههههههههههههه\
هو انا قولت لك اني متأكد

وباطل ايه وبتاع مين انا لو واثق من كده مكنتش خدت رأيك في الكلام ده
ولا ايه

وبصراحه انا معرفش مين زعيتر ده

بس احب اوضح لحضرتك حاجه ولا زعيتر ولا غيره ال هيعرف يحل مشاكل الناس كله داخل علشان مصلحته

الناس ربنا معاها

وحسبي الله ونعم الوكيل

هههههههههههه طيب رد انت علي نفسك

بقي في واحد يقدر يهدد الوزير بردو ههههههههههه

وبعدين دي مش اخلاق الحاج مبروك زعيتر

وزي ما فارس قالك الناس هي اللي جابت مبروك زعيتر مش هو اللي فرض نفسه عليهم

وربنا يقدم الخير

هههههههههههههههههههههه

بجد والله انا سمعت الموضوع دة فعلا

البرلمان يا اللومان

وانا اعرف عن ثقة ومن الزعترة نفسهم والله

ان الالي حيشتغل لو زعيتر ما كسبش

علي فكرة والله احنا كلنا ادينا الحاج مبروك

عائلة النجار في جميع انحاء مركز دمنهور

عايزين نعرف النتيجة يا زعترة

اول ما تتطلع تقولوا

ههههههههههههههههههههه
النتيجه
ههههههههههههههههههههه

انا بقي معطتش لحد صوتي لان فعلا محدش يستاهل

ووريني زعيتر ده لما ينجح هيعمل ايه

في الغالب زعيتر ناجح

وهتشوفوا

بس لما ينجح وريني هيعمل ايه

ال عايز يعرف مين زعيتر يروح عند دوران الاستاد ويقولي ايه رايه

انا كده اتأكد من الكلام ال انا قولته

يا البرلمان يا اللومان

هو مجلس الشعب ب الانتخاب ولا الدراع

بس بصراحه الله ينور

اسلام السعدني قايم ب الواجب وزياده

بس بصراحه لو تشوفوا منظر العربيات والله صورت فديو وصور بس الله يرحم الموبايل

انا مش عارف احنا في انتخابات ولا حرب

مش انا قولت مبروك لزعيتر وروني هيعمل ايه بعد ما دخل

انا مش متاكد علي فكره من المعلومه دي

مبروووووووووووووووووووووووووووووووووك
ل علاء نوفـــــــــــــــــــــــــــــــــــــــــــــــــل

الفـــــــــــــــــــــــــــــــــــــــــــــــــــــــــــــ
مبروووووووووووووووووووووووووووووووووووووووووك

والفــــــــــــــــــــــــــــــــــــــــــــــــــــــــــــــــــــــ

مبرووووووووووووووووووووووووووووووووووووووووووك

ل علاء الشرقاوي

الفــــــــــــــــــــــــــــــــــــــــــــــــــــــــــــــــــــــ

مبروووووووووووووووووووووووووووووووووووووووووك

دي النتيجه ال انا قولتها قبل كده لو تتفتكروا

كان معكم
عمر زايد من امام مدرسه عمر مكرم

esprit habib

صحيح انا هرشح نفسي الدوره الجايه بأذن الله

مين هيرشحني

في رعايه الله

السلام عليكم

الحمد لله الحاج مبروك نجح

وماشي يا باشا ابقي تعالي وشوف انجازاته في دورة 2000 وان شاء الله انجازاته هتكون اكبر المره دي والايام هتثبت

الحمد لله

الآلي والرشاش كان عشان المسيرة في البلد لما ينجح وقريب هنزلك الفيديو ان شاء الله عشان تشوف ناس اد ايه بتحبه وجايين شايلينه طول الطريق

كل حاجة ممكن تشتريها بالفلوس الا حب الناس دا من عند ربنا الحمد لله

الف شكر لكل من وقف مع الحاج مبروك والحمد لله وان شاء الله يكون اد المسئولية ويساعد كل الناس ان شاء الله

غريب اوي يا سبريت يعني فرحان للشرقاوي ولنوفل وجت علي زعيتر هو اللي يجي يوريك هيعمل ايه ههههههههه

طيب يا سيدي هو مش هيعمل عشان يوري حد هو هيعمل عشان دا حق ربنا انه يخدم الناس اللي شالته فوق دماغها ورشحته ووقفت معاه للنهايه الحمد لله

نتيجة جولة الاعادة في انتخابات مجلس الشعب محافظة البحيرة
حصد الحزب الوطني أول أربعة مقاعد في انتخابات الإعادة لمجلس الشعب 2010. في الدائرة الأولى ومقرها قسم شرطة دمنهور فاز كل من علاء رمضان أحمد الشرقاوي (وطني- فئات)، و حسن محمود محمد سالم (وطني – عمال).

وفي الدائرة الثانية عشرة ومقرها مركز شرطة كوم حمادة، فاز محمد عبد المطلب عثمان جبريل (وطني- فئات)، وعبد الفتاح على أحمد جبر (وطني- عمال).

باقي النتائج تباعا

كشفت المؤشرات الأولية لنتائج الفرز لجولة الإعادة لانتخابات مجلس الشعب بالبحيرة، والتى أجريت فى ثمان دوائر انتخابية، عن تقدم علاء الشرقاوى مرشح الحزب الوطنى على مقعد الفئات وعلاء نوفل على مقعد العمال (مستقل) بذات الدائرة وعلى عبد الواحد عتمان مرشح الحزب الوطنى على مقعد الفئات بدائرة مركز دمنهور وإبراهيم صدقى نوار مرشح الحزب الوطنى على مقعد العمال والفلاحين بذات الدائرة.

وفى دائرة كفر الدوار تقدم جمال عبد العاطى بسيونى مرشح الحزب الوطنى على مقعد الفئات عن منافسه الدكتور عيد بلبع مرشح الوطنى أيضا.

وفى دائرة الرحمانية، تقدم مرشحا الحزب الوطنى أحمد قرقورة (فئات) وسعد الحيوى (عمال).

وفى دائرة الدلنجات، تقدم الدامى عبد العزيز الدامى مرشح الحزب الوطنى على مقعد العمال والفلاحين على منافسه مرشح الوطنى محمود عتمان.

وفى دائرة كوم حمادة، تقدم مرشحا الحزب الوطنى محمد عبد المطلب جبريل وشهرته حسن جبريل (فئات) وعبد الفتاح جبر (عمال).

وفى دائرة حوش عيسى وأبو المطامير، تقدم فوزى المغازى مرشح الحزب الوطنى على مقعد العمال والفلاحين عن منافسه إبراهيم عبد الحميد عبد اللا.

وفى دائرة وادى النطرون، تقدم مرشحا الوطنى عبد الحليم النايض (فئات) وعطية مسعود (عمال).

يذكر أن الحزب الوطنى خاض الانتخابات فى هذه الجولة بالبحيرة بعدد 21 مرشحاً على 13 مقعداً.
: نتيجة جولة الاعادة في انتخابات مجلس الشعب محافظة البحيرة

الحمد لله اهوه الحاج مبروك نجح باكتساح وده اكبر تاكيد على انه مش بيهدد حد ولا انت ايه رايك؟
وعلى العموم انت تشكر على كل حال لانك بتحاول وبتجتهد علشان توضح لنا بعض الامور

ولى الشرف فى التواجد على صفحتك

والله انا مش عارف ايه هي لزمت الانتخابات لما الحكومه بتعمل ال هي عايزاه

يعني مثلا علاء نوفل بعد ما نجح خلاص قلك لا ده حسن الحسيني ال نجح ونوفل منجحش

طيب بلاش دي

حد يقدر يقولي الناس بتوع الاخوان راحم فين كلهم انسحبوا

حتي مرشحيين حزب الوفد انسحبم

طيب ليه

؟؟؟؟؟؟؟؟؟

» نتيجه شخصيتك
» نتيجه انتخابات المشرفين
» فضائح الانتخابات...حسبنا الله ونعم الوكيل
» توقع معانا نتيجه مباراه السوبر والتشكيل
» بروكسي 2010 كاسر البروكسى لفتح المواقع المحجوبة 2010