إذا الشعب يوماً أراد الحياه

إذا الشعب يوماً أراد الحياه

وقرر يحرر أرضه وسماه

وصمم يرجع فجره اللى تاه

ساعتها هينجح فى الإمتحان

إذا الشعب يوماً أراد الخلاص

وكان ناوى فعلاً وقرر خلاص

آخر مايعمل حسابه الرصاص

ماعدش هيقبل ذل وهوان

إذا الشعب فعلاً قرر وعاز

ومن شر جُبنه وخوفه استعاذ

مالوش لازمة إنه يولع بجاز

مادام بعد ربه بصدقه استعان

لما الشعب فعلا يعوز الحياه

وياخد قراره بطرد الطغاه

ويقبل يضحى بأغلى ما يملك

ساعتها وبس يفر الجبان

عمر الخضوع ما وفر أمان

عمر الدموع ماتعمل كيان

والجبن عمره ما طول فى عمر

عمر الحيطان ما تملك ودان

إذا الشعب فعلاً قرر وقام

وبطل يبيع لروحه الكلام

وصحى الشعب اللى بلط ونام

ممكن نغير كل اللى كان

» قصة الرجل الذي أراد أن يغير العالم
» هذا الشاب أراد أن يحول مظهره الى هيئة شيطان.
» مستشرق أراد أن يبحث عن عيوب فى القرآن فأنظر ماذا وجد؟؟؟
» الي الشعب الليبي الصامد
» وقف الموبيلات الصيني . ضحك وتخويف الشعب فقط