خير اللهم اجعله خير

خير اللهم اجعله خير قالها الدكتورعثمان محمد عثمان وزير التنميه الاقتصاديه
بعد ان شاهد نفسه فى حلم جميل وهو يركب الحصان الابيض وبجواره كوكبه من وزراء الحكومه الذكيه وهم يسيرون فى فى سرب

استيقظ الوزير من نومه وذهب الى زميله الدكتور زقزوق وزير الاوقاف ليفسر له الحلم فدار هذا الحوار بينهم
والذى نقله لكم صديقه عبده شفافيه المتحدث الرسمى لمحدودى الدخل

د زقزوق :يادكتور عثمان انت عشان وزير بركه وقريب من ربنا وبعيد عن الشعب ربنا حب يطلعك على مستقبلك مبكرا لكن انا عاوز استفسر منك عن تفاصيل الحلم
مثلا كنت ماشى بسرعه كام فى الساعه ؟

د.عثمان :يادكتور زقزوق هو الحصان فيه عداد سرعه !؟ لكن انا كنت حاسس ان الحصان كان بيجرى بسرعه كبيرة

د.زقزوق فى سره : واضح انك هتخلع بسرعه ماعلينا طب انت كنت فى المقدمه ولا ولا حد قدامك ؟

دعثمان: والله الدنيا كانت ضلمهلان الحصان معندوش كشافات انارة

د.زقزوق فى سره :ده كده يبقى مستقبل الحكومه الذكيه مظلم طب قولى شفت ايه على الطريق وانت راكب الحصان ؟

دعثمان :زالله انا شفت محل لعمر افندى وبعدين شفت فرع لبنك الاسكندريه وكمان شفت مصنع المعدات التليفونيه !

د.زقزوق :ده انت على كده كنت راكب قطارالخصخصه مش حصان ابيض …ماعلينا طب قولى شفت مين من الوزرا معاك ؟

دعثمان :والله انا شفت د بطرس غالى وزير الماليه والمغربى وزير الاسكان وطشاش كده الجبلى وزير الصحه وكان ساند على زميله فاروق حسنى
وكمان امين اباظه وزير الزراعه كان بيدردش مع رشيد محمد رشيد وزير الصناعه
اه وكان فيه احمد ذكى بدر وزير التربيه والتعليم وكان ماسك فى ايد د.احمد درويش وزير التنميه الاقتصاديه
وكمان شفت ………

د.زقزوق مقاطعا :لا والنبى كفايه اصل الحلم كده بيتحقق لما بتفسر ….والمشكله الا تكون شفتنى انا كمان ؟!!

د.عثمان:والله كان فى وزرا كتير بس نظرى ماجبهمش

د.زقزوق شوف يادكتور عثمان خلاصه الحلم ان ربنا هيكرمك قريب جدا ومعاك الحكومه الذكيه زى ماكرم حكومه د عاطف عبيد بس والنبى ابعد عنى فى احلامك !!!

الخلاصه يعنى اتحقق كل ده

يالا بالسلااااامة

» خير اللهم اجعله خير ......و انا نايمه
» هااااااام وخطير جدا (اللهم بلغت اللهم فاشهد)
» اللهم انصر اخواننا في غزه
» اللهم لآ تجعل الدنيا اكبر همنا
» اللهم ارنا فيهم عجائب قدرتك...كل غيور على دينه يدخل