كيفيه نسيان حبيب هجرك؟؟!!
انا هوجه كلامى للولاد لان المنتدى ماشاء الله المجروحين فيه كتيير "الكلام اللى هقوله مش هزار زى ماحصل موقف قبل كده الكلام اللى كان فيه كان هزار" المهم
وللعكس بردو لو فى بنت مجروحه
اول حاجه
انت اكيد كنت حاطط شروط لحبيبك ده وشايفه انه مثالى وفيه كل الصفات الحولة اللى مش ممكن تلاقيها فى اى شخص بعديه لا مش لازم تدور على نفس الشروط اللى انت كنت شايفها فى حبيبك ممكن تلاقى اقل او اكتر كمان ..فى ناس كتيير فيها صفات حلوة بس مفيش انسان كامل ..الكمال لله وحده
ثانى حاجه
طبعا الموسيقى مش هتفضل تسمع سابنى وراح ..وجرحنى ياهوا ..والكلام ده وتقول انا عايز انسى .طيب ازاى وانت كده بتغذى العقل بتاعك وبترمجه على نوعيه اغانى معينه كئيبه ..انت لازم تبعد عن كل اغانى الحزن والكآبه
ثالث حاجه
التخيل متفضلش قاعد لوحدك بالساعات قاعد بتتخيل فى حبيبك وتفتكر مواقف لك معاه ..لا حاول تندمج مع اصحابك واشغل اوقات فراغك بحجات
تفيدك
رابع حاجه
الهدايا طبعا مفيش حد معندوش هدايا من حبيبه مش كل شويه بقى تروح على الورده اللى عطتهالك ولا السلسله ولا ..ولا.. اى حاجه عامه انت كده بتجدد من مشاعرك وتزودها تجاه الحبيب ده حاول تتخلص من الهدايا اللى عندك مهما كانت غاليه
ولو كانت شكولاته ياريت تاكلها وتريحنا :D
خامس حاجه
الامل ..بص بقى انا عيزاك ميبقاش عندك امل واقطع اى امل للرجوع لان كل ماتزود الامل عندك مش هتلاقى غير الم وبس
حاجه اخيره
حاجه اخيره هقولها مش اى حد فقد شخص او انسان قريب منه ومات الحياه وقفت عنده لا الحياه بتمشى عادى متوقفهاش انت بتفكيرك فيه افتكرله الخير ويبقى ذكرى جمييله فى حياتك
كل الحجات دى بتعدى والايام بتجرى وبكره تلاقو وتقابلو الاشخاص اللى بتتمنوها فى حياتكم اختارو انتو بس صح عشان مترجعوش تندمو على اى لحظه ضيعتوها فى دموع او الم او حزن
اخييييراااا
بتمنى لكم حياه جمييييييله
mms : 
