كل سنه وكل ام طيبه

بسم الله الرحمن الرحيم
................................

اخباركم ايه يا جماعه يارب تكونوا بخير

دايما بقول ان كلمه الحب دى
مش مجرد كلمه بتتقال بين حبيب وحبيبه بس
لكن كلمه الحب دى يعنى اى حاجه حلوه انت ممكن تحسها

واوفى واصدق حب ممكن الانسان يشوفه فى حياته

هو حب الام

اسمعها منك بقلبي وكل مشاعري
ليس كما يسمع الناس بالآذان
لوكنت أملك الدنيا وما فيها
لكانت تلك هديتي بكل امتنان
لكني لا أملك سوى قلب بسيط
يحمل لك كثيرًا من العرفان
أهديه إليك في يومك الحالي
نابضًا بالصدق مع أحلى الأماني
...........................
عيد الام
من المناسبات الجميله اوى لينا كلنا
كل واحد امه بالنسبه له النور اللى بينور ليه طريقه
الروح اللى ساكنه جواه
الهوا اللى بيتنفسه
فى عيدها لازم نقدم ليها اقل حاجه نقدر نعملها
حتى لو كلمه كل سنه وانتى طيبه يا امى
وربنا يخليكى لينا
وميحرمناش منك ابدا ومن عطفك وحنانك علينا

والى كل ام فى رحاب الله
ربنا يرحمك يارب ويسكنك فسيح جناته
ويصبر كل واحد فقد امه

مهما اتكلمنا عن حب الام وعن حبنا لامهامتنا مش هنعرف نعبر
كلمه بحبك يا امى مع انها اصدق كلمه
بس دايما هنحس انها مش بتعبر عن كل اللى جوانا
لان احيانا الكلام مش بيعبر عن اللى جوا القلب

انا مش جاى النهارده ادى دروس عن الام ولا عن حبنا لامنا

بس انا جاى النهارده عشان اقول

كل سنه وكل ام بخير وطيبه وبصحه وبسلامه
كل سنه وكل ام راضيه عن اولادها
كل سنه وكل ام فرحانه وسعيده
كل سنه وكل ام طيبه

...........................
السنه دى ممكن تعدى على امهات كتيره وابنها مش فى حضنها
السنه دى راح مننا شهداء امهاتهم هتموت من الحزن عليهم
تفتكروا كام ام ابنها فى الايام دى كان بيجبلها هديه
كام ام من امهات الشهداء ممكن تحتفل وابنها مش فى حضنها

على اد ما انا نفسى افرح واقول بحبك يا امى بصوت عالى
الا انى حاسس ان اخويا مات وامه زعلانه عليه وحاسه انها بقت وحيده
ربنا يصبرهم يارب

.................................
بس مش عايز اقلب التوبيك لحزن
وعايز اشكر كل الامهات على تربيتها وعلى تعبها وعلى مجهودها
يلا اسيبكوا تعيدوا على امهاتكم بقى

» كل سنه وانتى طيبه يا نهى
» طيبه القلب .... علي ماذا تدل
» كل سنه وانتى طيبه يا ساره
» دا انتي بلاد طيبه ....محمد منير