الوقفة الاحتجاجية للعلميين

ازيكم يا احلى شباب
شباب العلوم وبس

حركة
العلميين المتحدين وطلاب وخريجين من كل مكان في مصر ولجنة الشباب بنقابة
العلميين دعينا سابقاً ليوم غضب العلميين اما وزارة الصحه يوم الاحد
3/4/2011
وعملنا الوقفه الاحتجاجية ولكن كان يعيبها قلة اعداد العلميين الموجودين خصوصا من القاهره الكبرى
ومن الملفت للنظر ان طلاب علوم الاسكندريه كانوا الاكثر حضورا (اتوبيسين من علوم اسكندرية على حسابهم الشخصي)
ويلي علوم الاسكندرية علوم الازهر حيث كان هناك حضورا يدعوا للتفائل
وكان هناك ايضا طلاب من علوم القاهره وعين شمس وحلوان
وكان هناك ايضا وفد من نقابة العلميين وكان موجود نقيب العلميين ا.د. علي حبيش
وطبعا كان موجود اغلب اعضاء حركة العلميين المتحدون وعلى رأسهم د. احمد وجيه و د. اميرة هرديدي

ودي كانت صورة الدعوه



اهم حاجه
الوقفه دي ليه وعشان ايه ولمين

الوقفه دي عشان كرامة كل علمي
عشان مستقبل كل علمي

ومعاكم في الصورتين دول كل مطالب الوقفه دي





ودي بعض صور الوقفه الاحتجاجية


وده مشهد يبين قد ايه احنا محترمين وان وقفتنا كانت بتحافظ على كل الاداب حتى المرور كنا منظمينه جدا



واستمرت
الوقفه من الساعه 10 صباحا حتى السابعه مساءا تقريبا والسما مطرت علينا
امطار غزيرة اكتر من مرة وكنا بنهتف ساعة نزولها ونقول " تنزل مطرة ينزل
طين احنا هنا مش ماشيين "

واليكم بعض الهتافات التي كنا نرددها
- ياوزير الحزب الوطني :: ازاي تمسك صحة وطني
- هو وزيرنا عايز ايه :: عايز العلمي يبوس رجليه :: لا يوزير مش هنبوس :: وبكرة العلم عليك هيدوس
- يا زويل رد علينا :: العيب فيهم ولا فينا
- بتتكبر على مين :: هي نوبل خدها مين
- مطالبنا مش فئوية :: دي مطالب حرة قوية :: دي لمصلحة الدولة دي
- قالو هنعدل في الدستور :: قلشو زويل وقالو دستور
- السلمندح السمندح :: هو غلط واحنا صح
- الحزب الوطني : باطل :: كل اللي منه : باطل :: ووزير الصحه : باطل

واليكم ملخص احداث الوقفه
- وزير الصحه لم يستجب لنا بالنزول والتحدث الينا
- وزير الصحه اراد ان يملي علينا شروطه من البدايه وطلب مقابلة وفد مكون من 3 اشخاص فقط وهذا مستحيل
- الوفد الذي كنا نريده ان يقابل الوزير كان عدده 9 اشخاص وقلصنا العدد الى 7 اشخاص ولكن من دون استجابة من وزير الصحه
- توجه الوفد الى رئاسة الوزراء وساعتها هتفنا " يا وزير يا وزير احنا رحنا للكبير"
- رئاسة الوزراء اتصلت بوزير الصحه واكدت عليها ان يقابل الوفد كاملا ووافق الوزير
- رجع الوفد ولكن الوزير "لحس كلامه مع رئاسة الوزراء واصر على مقابلة 3 فقط"
-
توجه الوفد ثانية الى رئاسة الوزراء وقابل احد المسؤلين هناك وقام بعمل
جلسه معهم وطلب منهم مهله اسبوعين لمناقشة وتنفيذ هذه المطالب
- رجع
الينا الوفد امام وزارة الصحه وابلغنا ما توصل اليه وقررنا انهاء الوقفه مع
التأكيد على القيام باعتصام يوم الاحد بعد القادم 17/4/2011 ان لم تنفذ
رئاسة الوزراء ما تم الاتفاق عليه ... وسوف يكون الاحد 17/4/2011 يوم مختلف
حيث سندعو كل عمداء كليات العلوم والطلاب والعلميين العاملين بوزراة الصحه
في غير الاقسام الحرجه والعلميين العاملين في اي مكان للاعتصام ان شاء
الله حتى تنفيذ كل مطالبنا غير منقوصه

ودي صورة ا.د. علي حبيش وهو بيبلغنا ما تم الا تفاق عليه والمهلة الاسبوعين والاعتصام اللي هنعمله




اخيراااااااااااا وليس اخرا ان شاء الله
مـــــــــــا ضــــــاع حــــــتق وراءه مطــــــــالب
وده حقنا ولازم نشارك كلنا ونطالب بيه ونسترد كرامتنا من اللي عايزين يشغلونا فنيين عندهم

والاحد 17/4/2011 هيكون حاجه من الاتنين
- انتصار للعلميين وبدء عصر جديد ننعم فيه بالكرامه والمكانه العلميه والادبيه ان شاء الله
- او لا قدر الله هزيمة منكرة لكل العلميين وسوف نلقى معامله سيئة جدا من كل النقابات الاخرى في اي مهنه نعمل بها

يا شباب ده مستقبلنا كلنا
والحوار مش حوار مجال عمل والسلام الحوار حوار كرامتنا في اي مكان


منقووووووووووووووول