راجع تاني..

راجع تاني تقولي بحبك مشبعتش تجريح فيا..
دورت علي غيري وجرحتك وراجع تقول عايزك ليا..
انا كنت زمان ملاك ومن الطيبة قلبي كان مليان..
بس خلاص الملاك مبقتش ملاك والبعد عنك خلانى فأمان..
الوقت بيعلم ناس كتير وان اتعلمت..
اتعلمت انسي وابكي من غير دموع..
عشان ميقولوش عني مكسورة وانطفت زي الشموع..
كنت عارفة انك فيوم هترجع ليا ندمان..
بس انا دلوقتي مش اللي عرفتها زمان..
انا واحدة غيرها جرحك وقواها ..
علمتها من غير ماتقصد
ازاي تقف ولايوم تنهار..
ازاي تحب وتختار..
وأدينى اخترت حبي وعايشة حياتي..
وعمري ما فيوم هندم ..
لأن دا كان اختياري..
مستغرب ليه قلتلك انا مش اللي عرفتها زمان..
وزي مابيقولوا كل وقت وله أذان..

انا لسة كاتبة الموضوع دا امبارح يارب تعجبكم..

ههههههههههههه
يا رب تعجبكم

انتى عندك شك اصلا جميله بجد يا ريت تفضلى تورينا الكلام ده بجد كلامك جميل
بس ليه متحوليش تغيرى مثلا فى فكره الكلام خصوصا انك قولتى انو مجرد كلام مش حاجه عليكى
متاكده انك برضو حتكتبيه حلو زى كتاباتك فى الموضوع ده

تسلميلي ياجميل..,وشكرا علي رأيك بجد بس انا عايزة اسأل سؤال طبعا الكلام زي مانتي عارفة مش عليا انتى قصدك انى مثلا اغير فالمضمون نفسه ويبقي عن قصة حب مثلا <وعلي فكرة انا كتبت في الفكرة دى قبل كدة> ولا قصدك انى اكتب مواضيع مش شعر؟؟مستنية ردك..

لا والله مش قصة عدوى ولا حاجة بس هي الفكرة اللي جات علي بالي كدة..
وبعدين طلما مفيش حاجة تستاهل امال ايه حكاية موعد مع الخيانة..ياسيدى كل سنة وانت طيب وخليك علي موعد مع رمضاان..

شكرا لمرورك ياعلي...

جاااااااااااااااااااااااااااااااااااامدة يا موءة

تسلميلي ياعمري..

الله ينور يا موءة وكل مليون سنة وانتى طيبة
استمرى على ضمانتى وفكك من اى راى يخنق

ههههههههههههههههههههههه

تسلملي يارضا وكل سنة وانت طيب..وجودك نور الموضوع..

استمرى على ضمانتى وفكك من اى راى يخنق
شوف انا مش هقولك حاجه

حلو اوي ياموؤة بجد انتى موهبة جميلة

تسلميلي ياقمر..شكرا لمرورك..