ست الكل...

ست الكل



ست الكل وعود الفل يا عطرى و ورودى
يا روح الروح يا ساكنه القلب يا أمايا



انت يا أمى ومعاكى أبويا سر وجودى
نبضى ده نبضك ودمك يجرى جوايا



كلك حنان حضنك أمان أصلك جدودى
شال الطهارة وأخواتى شاهده ويايا



يا ما سهرتى وكنتى تدى وبالخير تجودى
ما غبتى ابدا وليا دايما فرشى وغطايا



لو مرة شوفتى ألاه عليا بالروح تذودى
وتشيلى همى وتدعى ربى يشفى ضنايا



تاتا تاتا جريت عليك لما قِوى واشتد عودى
قلبك رقص قولتى بفرح سعدى وهنايا





مديتى أيدك من الخوف عليا ليزيد شرودى
ومسكت ايدى وقولتى عمرك كله فدايا



شوفت بعينيكى دموع فرح فى يوم نجاحى
وقولتى يابنى مبروك يا عمرى ده كان منايا



ايدك أبوسها يا أحلى زهره بدنيتى و حياتى
أنا مهما بوست وعمرى هديتك قليل عليكى



وأشيل جمايلك على الراس يا طاهرة واجب
عليا رب العباد من فوق سماه وصانا بيكى



قلبى يا غالية بالدم يبكى مش بالدموع لو يوم
تعبتى أو حتى كان دمعه شجن جوه فى عينيكى



وان مره قولت كلمه تزعلك ! قلبك يسامح
بكل الحنان وبضحكه صافيه فاتحه ايديكى



أنا يوم ما شوفتك رايحه وجايه فى يوم
زفافى شايله فى ايدك الحلو كله تهدى جيرانك



بالفرحة طالة والضحكة هاله بوستى جبينى
ودعيتى قولتى أعيش يا ربى واشوف عيالك



ساعتها قولت ربى يصونك من عمرى ياخد
ليكى يا أمى ! ده أنا عمرى كله يرخص عشانك



أوعاك يا صاحبى وأنت يا اخويا فى يوم تزعل
ست الحبايب عليها قال طه الحبيب هى السعادة



وصانا بيها والبر ليها هى وأبويا ! قال يابن أدام
أحسن لأبوك والأم قبله إحسانها زايد قالها تلاته