يوم النتيجه العالمى للضحك ومحدش ياخدها جد

تخيل وانت رايح تيجب نتيجه الامتحان من اول ما صحيت من النوم لحد ما
نمت تاني متهزأ من مامتك وباباك
تخيل كده يامعلم وانت مخلص امتحانات ورايق وفايق
ونايم بعد الفجر بقى ومريش نفسك ومعمر الطاسه وكله اليستا
وجيت تنام
فجأه بعد ساعه من نومك
جه السيد الوالد الفاضل وبيصحيييك
- اصحى يابنى .. انت يازفت
تروح انت قايل فى سرك
يانفخيييييي هو الراجل ده مستقصدنى بقى ولا ايه
- ايوه يا بابا نعم ؟
- قوم عشان تجيب النتيجه
- نتيجه ؟ ليه هو احنا فى راس السنه ؟
- راس السنه ايه يابنى قوم قووووووم قامت عليك قومه
تروح قايل فى سرك
كمان قامت عليه قومه ده انت بتحبنى اوي
- طيب قايم اهو قااايم
هو اليوم بيبان من اوله اما اقوم اكلم اى حد من صحابى يجي معايا
/
- الو .. انت ياحيوان .. تعالى معايا نجيب النتيجه
- يانفخييي ياعم قول صباح الخير صباح اللى بتغنى صباح الدين الايوبى هههههههههه
- طب يلا ياظريف عشان منتأخرش
/
- ماما .. ماماااا .. ياحاااجه .. ياعمره .. يادى النيله عليا مبتردش ليه دى
- هاا عايز ايه يابنى
- عاتى فلوز
- مين ياخويا ؟ ايه عاتى فلوز دى كمان
- يعنى شخللي جيوبك ونفضيها عليا
- ايه الكلام اللى محتاج كتالوج ده .. فين المترجم بتاعك يابنى
- يوووه ياماما هاتى فلوس ياماما
- طب متقول كده .. منصور يابنى انشاء الله
- هو انا رايح اجاهد ياحاجه ده ايه الناس الغريبه دى
/
وبعد ماانت نزلت بقى ورايح تجيب النتيجه ومعاك صاحبك
وفجأه شايف كله طالع يبص لدرجاته ويعيييييييط يعيييييط
راح صاحبك قال
- اهو هو ده بقى الفأل الحسن
- فأل حسن .. طب مفيش فأل حسين ههههههههه .. امشى ياعم شكلنا ضايعين
- طب مندور علينا هههههههههههههه
/
وهوبا جبت النتيجه وطلعت مليااانه كحك وساقط وحلتك بالبلاوي
ومروح البيت بقى وعامل نفسك عم سيلفستر استنونى انا جى اهو هههههههههه
ومامتك تقولك
- ها ياحبيبى عملت ايه فالنتيجه
- ماما عازمك على اكله كحك جامده مووت
- لابجد ؟ يبقى نجحت الف مبروك ياحبيبى
تروح قايل فى سرك
الوليه امى دى ست طيبه موووووووز
تروح قيلالك
- ورينى كده النتيجه
- طيب شوفيها اهو
- يالهوييييييي ياخراااشى تعالى شوف ابنك تعاااالى
ابنك فاااااااشل
- يوووه ياماما بضايق من الكلمه دى
- بتضايق منها ؟؟ يافاشل يافاشل يافاشل
/
ابوك جالك بقى
- يانهار ابوك اسود .. ايه الدرجات دى يالا
- ايه يابابا اكيد فى غلط فيها ولا حاجه
- فيها ايه ياعنيا ؟؟
- فيها فيل .. يووه اصدى فيها غلط .. بس متقولش لحد
- متقولش لحد ؟ .. طب تعلالى ياعم هيفاء وهبى
زوووو زووو وضرب من هنا ومن هنا ومن هنا
/
وآدى اخره المذاكره ياعم
الواحد بعد كده يرشح نفسه فى مجلس الشعب
عشان يبقى عنده حصانه من ابوه هههههههههههه

هههههههههههههههههههه


نايس توبيك يا دعاء

هههههههههههههههههههههههه
لا حلو والله
والله ربنا يستر علينا
ومنتقطعش يوم النتيجة

مين ده

مين الى بكره

ههههههههههههههههههه
منورين ياحلى اعضاء
بس صحيح النتيجه بكرة

كله الاسبوع ده
اولى الاول
وتالته بعد كده
واحنا فى الاخر
وبعديها حقدم على بعثه لاثيوبيا

مين الى كلو الاسبوع ده

النتيجه الاسبوع ده

ايوه
وانتى قلقلته ليه انتى ناجحه
وقى تالنه

مين الى قالك انها الاسبوع ده

ضربت الودع

انا سألت قالولى زى عادل امام

ربنا يستر
بس صدقنى هتطلع تالته

بس انا قريت الفنجان و قالوا ان النتيجه يوم الاثنين
و الباقي الاسبوع الجي
يلا ربنا معاكوا و بالتوفيق ان شاء الله
و الكل ناجح
مروه
و محمد و ويكا و شعبان و روز و جوليت و سنوويت و تويتي و كله ان شاء الله و يارب مش اكون نسيت حد

فكرتنى بماما ساميه
فاكرها
وتوتى وعلى وابراهيم من الجيزه
ومحمد سيد ورفعت من المنصوره
بيهنوا الاموره ندى بمناسبه ناجحها
وبيهدلهوا الفقره دى

اه بس اللى يعرف حاجه جديده يقول

وتالته احتمال اخر الاسبوع
عشان النتيجه كانت متاخره بسبب د امل عباس بتاعه الحيوان
وهى جابت النتيجه امبارح للكليه

طبعا اولى ظهرت
والف مبروك عليكوا كلكوا
وياترى ايه الاخبار
عملوا ايه فى البيت وقضيتوا يومكم ازاى