طريقة عمل تورتة الايس كريم بس يارب ما تسيح

2 كيس كريم شانتيه
2 علبة بودرة آيس كريم فانيللا
4ملاعق كاكاو كبيرة
2و 3/2كوب حليب مثلج
2 باكو بسكويت سادة او اكتر زي ماتحب
اكوب متوسط حليب محلى بالسكر و الكاكاو و يكون ساخن
شوكولاتة سادة مبشورة و مكسرات للزينة
الطريقة..
يرص البسكويت السادة في صينية مقاس 24
ممكن طبقة او اتنين و بلاش تلاتة عشان ماتنشفش
بعد كدة نسقي البسكويت بالحليب اللي بالكاكاو الساخن..
و نستنى شوية و بعدين نحط الصينية في الفريزر..
و بعد ساعة
نضرب الايس كريم البودرة مع كوب و 3/2 حليب مثلج
نضربهم مع بعض لحد مايحصل تماسك.. اصبر و ماتستعجلش هياخد وقت شوية ..
و بعدين نحط الايس كريم على البسكويت اللي في الصينية
سيبهم في الفريزير 3 ساعات
و بعد كدة..
نجيب كوب لبن مثلج و نضرب الكريم شانتيه و ال4 ملاعق كاكاو معاه..
و نضربهم كويس لحد مايحصل تماسك برضه..
و بعدين نطلع الصينية و ندهن الايس كريم المتماسك بالكريم شانتيه..
و نرش الشيكولاتة المبشورة على وجه الصينية و المكسرات لو حابين..
و بعد كدة تترك في الفريزر لمدة ساعة
ثم تقطع عادي جداً بالسكين..
و هتلاقوا شكلها جميل و طعمها أجمل..
ملحوظة :
يمكن تبديل الشوكولاتة بالفانيليا او الفواكه..

طاب ودي تاثر على رجيم

هههههههههههههههههههههههههههههه لا متخفيش يا قمر حتدعيلى او حتدعى عليا

يا جماعا انا عملت كيكه شكولاته
واتحرقت
هيييييييييييييييييييييييييييييييييييييه

انتى فرحانة لالالالالالالالالالالالالالالالالالالالالالالالالالا :( :( :(

اه
اصلى كلتها لوحدى

هههههههههههه
ليه كدة يا عمري
كنتي رني علية اجي اكل معاكي

اصلا هى لا اتحرقت ولا حاجه
بس عشان هى بالشكولاته
بانت انها اتحرقت ومحدش اكل منها وكلتعا لوحدى هو اى نعم بطنى وجعتنى
بس طعمها كان يستاهل

لالالالالالالالالالالالالالالالالاخيانة هنت عليكى انا زعلان منك :( :(

انا جعت اوي..تسلم ايديكي ياجميل..

هاااااااا يا شيف
رمضان جيه
هتاكلنا ايه يا ريس