فيه ناس كثير بتشتكي إن الحب قل في حياتهم ... ناس كثير نفسهم يحبوا و يتحبوا ... ناس كثير بتقول إن المجتمع لم يعد فيه حب ... و ناس كثير حاسة إنها بتحب الناس لكن الناس مش بتحبه
حلقة اليوم هدفها إننا كلنا نحب بعض ونحب كل شئ وكل واحد يجعل من نفسه رمز للحب..
الكون مبني علي الحب و الله تعالي أفعاله كلها حب ....
ربنا سبحانه وتعالي كريم لو رأي إنسان كريم .. ربنا حيكرمه ويجعل الناس تكرمه ....
ربنا ودوود... و لو رأي انسان يتودد للناس ... حيوده ويجعل الناس كلها تحب وتوده...
إذن لازم نعرف إن كل حاجة من عند ربنا هي حب....
خلق الله تعالي نعم كثيرة لنا حتي نحبه و جعل الابتلاءات كثيرة في حياتنا عشان نتذكره و نعود له بحب ..
خلق الله الطاعة لنا لنشعر بالقرب من الله و تشعر بحبه و أنت ساجد.خلق المعصية عشان تشعر بظلمات المعصية فتعود لله بحب و أنت نادم...
خلق النبي صلي الله عليه وسلم بحب و النبي حبيب الرحمن ....
" قد جاءكم رسول من أنفسكم عزيز عليه ما عنتم "
ولن يستقر الرسول في مقامه إلا بعد أن يدخل أمته الجنة...
حتي رب العالمين قال لن يدخل الجنة إلا من يحب لأنها مكان الحب...
" لن تدخلوا الجنة حتي تؤمنوا و لن تؤمنوا حتي تحابوا أولا أدلكم علي شئ إذا فعلتموه تحاببتم أفشوا السلام بينكم"
حتي أن رسول الله علمنا أن أعلي شئ في الدين هو الحب ...
" أي الإسلام خير ؟؟ قال أن تطعم الطعام و تلقي السلام علي من تعرف و من لا تعرف
يلا يا جماعة نجعل شعارنا بدل من خدعوك فقالوا " مفيش حد بيحبني " نجعل شعارنا " أنا الحب "...
حب الناس و حب نفسك ... صعب ان حد يحب الناس و هو مش حابب نفسه..أحب نفسي يعين أحب اختيار الله فيا...
أحب شكلي و اكون راضي عنه... أرضي بحياتي و أحب اختيار ربنا ليا....
الحب شئ مكتسب
أنا اللي أخلي الناس تحبني .
.حاول أن تفعل ما يسعد الناس.
.خليك في سلام نفسي.
لا تنتظر مقابلا من الناس..
كن جميلا فستري الوجوه جميلا....
في ناس كثير بتسأل أحب ازاي؟؟؟
دي بعض الوصايا اللي ممكن تخليك تحب و تتحب:
لا تسيئ الظن بالناس
افتح سجن سوء الظن ...
و انطلق بين الناس بالحب والتسامح
و انت تتحدث أشكر من أمامك و اذكر اسمه
القول اللين.
. اختار الكلمات الجميلة الرقيقة و أنت تتحدث مع الناس
اياك و الغضب
اياك و السخرية والنقد : لانها تجعل من معك لا يشعر بالأمان أثناء و جودك
خدعوك فقالوا " مفيش حد بيحبني"...
. شعارنا أنا الحب....حب كل شئ... حب أهلك و حب الناس و حب نفسك...
عيش في سلام مع نفسك... أرض بما اختاره الله لك... ولا تنتظر مقابلا من أحد
منقول عن الداعيه النابغ /مصطفى حسنى
وعلى فكره له برنامج على أقرا اسمه (خدعوك فقالوا) بيجى الجمعه
