موضوع لبكره

بما ان كلنا تقريبا لسه بندرس فموضوع النهارده مش هيكون مهم اوى لينا بس هوا اكيد مهم للمستقبل والمضوع هوا البحث عن وظيفهوالحكايه هتكون ببساطه خالص و
1- هتقفل براج الشات اللى انتا فاتحها على الجهاز وهتركز مع نسك كام يوم كده
2-هتقعد تدور على الشركات اللى ممكن يكون مؤهلك مطلوب فيها
3- هتاخد ارقام الشركات دى وخصوصا الفرع الرئيسى اللى بيكون فيه غالبا ادراه الموارد البشريه
4-هتمسك ورقه وقلم وهتعمل لنفسك سى فى محترم كده وهتكرره على نفسك كام مره عشان تتاكد انك كتبت كل المعلومات اللى ممكن تكون مهمه وتؤهلك للعمل فى الشركه دى ودلوقتى فى مكاتب متخصصه بتدى دورات سيمنار وتعلمك ازاى تكتب سى فى وايه طريقه كتابته وترتيب المعلومات
5-هتتصل بالشركه اللى انتا اخترتها وهتسال على اسم مدير اداره الموارد البشريه طبعا السكرتيره هتغلس عليك شويه وتقولك عاوزه ليه وبمناسبه ايه عشان تعمل نفسها مهمه بس احنا مبيهمناش وهنتفضل وراها لحد ما تديك اسمه وكمان اميله
6-هتقفل معاها وتانى يوم تروح متصل بيهاوتقولها انا عاوز فلان الفلانى(مدير اداره الموارد البشريه) وهتقولها اسمك ثنائى من باب الثقه بالنفس وطبعا هيه هتقولك عاوزه في ايه وليه بس انتا هتقول موضوع شخصى ومتحكيش معاها اكتر من كده
7-هتوصلك بالمدير ده هتعرفه بنفسفك وهتقوله السى فى بتاعك كله مع ملاحظه انك تكون راسم على وشك ابتاسامه من الجنب للجنب واكيد الابتسامه دى اثرها هيوصل للى بيسمعك
8-فى ساعتها هتبعت السى فى بتاعك على اميل المدير ده الشخصى هتهدى خالص وتسيب الطبخه على نار هاديه وطبعا مفيش مانع انك من حين لاخر تشوف الطبخه جرا فيها ايه وتعمل علاقات عامه مع الناس فى الشركه وتقوى علاقتك بيهم
9-لازم تقدم للشركات دى عرض مغرى عشان يخدوك زى مثلا انا خريج جديد وعندى افكار وكمان واخد كورسات ومعايا ومعايا وكمان كنت بمارس انشطه فى الحياه الجامعهيه ودى حاجه مهمه اوى فى الشركات الخاصه
او انك تقولهم انا خريج جديد عاوز اشتغل معاكم ومن غير مرتب لفتره عشان ادرب عندو ونا ليا الشرف انى ادرب عندكو او انك تقول انك ممكن تشتغل بسعر اقل من سعر السوق وده لحد ما تثبت نفسك فى الشركه
10- دى بقا كانت المفروض تتحط رقم واحد وهيه انك تستعين بالله وتثق فيه وتتوكل عليه وليس انك تتواكل
واتمنى للكل انه لاقى الوظيفه اللى تسعده

عشان هما دول الناس المسؤله عن الناس اللى شغاله فى الشركه