good girl....على كرسى الاعتراف..

منور الكرسي يا بوب
منور باصحابه يا حبيبى




س/ ازاي وصلت للمنتدى ؟؟؟
كنت قاعد اعك كدة على النت قولت يلا ممكن الكليه تكون عملا منتدى ولا حاجة
روحت كتبت(منتدى كليه علوم جامعة اسكندريه فرع دمنهور)
راح ظهر لى المنتدى دا و روحت مسجل نفسى فيه بسرعة
وعرفت طبعا بعد كدة انه بتاع الطباخ مش بتاع الكليه





س/ اسمك الحقيقي ايه ؟؟؟
محمد احمد




س/ ليه اختارت الاسم ده في المنتدى ؟؟؟
انا ف اول يوم كنت كاتبma7amd
وبعدين خلتهاma7amd ronaldo تانى يوم
وبعدين بأى تالت يوم كنت بتكلم مع واحد زميلى وعرف ان انا ف المنتدى وقالى اسمك ايه قولت له محمد رونالدو
قالى خليها ريكاردو احسن يا محمد ودا كان هزار يعنى
بس اما روحت جربتها ma7amd ricardo
لقتها اشيك من محمد رونالدو فعشان كدة سيبتها لغاية دلوأتى كدة
بس هى مش فارقة معايا ريكاردو ولا رونالدو
اهم حاجة لاعب من ريال مدريد وخلاص عشان انا مدمن حاجة اسمها ريال مدريد






س/ مين العضو اللي تهديه ورده حمرا ؟؟؟
انت يا بوب عشان انت اللى بتكلمنى دلوأتى وقاعد تسأل وانا محتاس فى الاجابه





س/ مين العضو العصبي ؟؟؟
دا ميبانش اوى عشان ممكن يكون عضو متعصب وبعدين يكتب رد يعبر عن العصبيه وبعدين اما يعمل ارسال يهدا شويه ويمسحة
بس لو اخدناها كدة ممكن يكون (حياتى فداك)بيكون متعصب اوى اول ما حد يغلط فى تامر




س/ مين العضو الحنون ؟؟؟
اكيد بأى وحدة من البنات يا ملاك وبصراحة معرفش شخصيتهم عشان احكم بصراحة




س/ مين العضو الترفيهي ؟؟؟
انت و ويكا والطباخ ورضا




س/ 4 اعضاء بتحبهم اوي ؟؟؟
على ويكا الملاك البرئ محمد الطباخ راضوووو
وحياتى فداك وائل
ذكريات كدابة
والله كلكم شخصيات زى العسل




س/ 4 مشرفين بتحبهم اوي ؟؟؟
ويكا
جوليت
سنوويت
مروه
هما دول المشرفين اللى باللون الاحمر






س/ مين العضو المحبوب ؟؟؟
اربعة مفيش غيرهم
ويكا
الملاك
الطباخ
رضا

اولا الملاك:

""بطاقتكــ الشخصيهــ""
نجبلك ليها صوره يعنى ولا ايه
المهم مكتوب فيها ذكر الحمد لله
عشان فى واحد اعرفة ما اوصفلكش بص كل وشه شعر كدة
بس ف البطاقة بتاعته مكتوب انثى :سس:
يا لهوى دا كان يوم مسخره والله وفضحناه فى المدرسه كلها
بس راح تانى يوم بسرعة وجاب واحدة تانيه
هههههههههههههههههههههه
غيرها يعنى
معلش خرجت بره الموضوع




الاسمــ::
والله العظيم اسمى
محمد احمد
يا جدعان
فيه عشروميت واحد قبلك سألنى اسمك ايه



العمر::
17



الحالهــ الاجتماعيهــ::
الحمد لله



السكنــ::
المعديه بس كل ما اقول لواحد انا من المعديه يقولى اييييه
فبقيت اقول المعموره عشان بينى وبينها ربع ساعة بس
وبردوا ساعات بقول ان انا من ادكو
يعنى نعتبر اسكندرانى يا بوب عشان هوا بكون ف المنشيه يعنى نص ساعة بس
وعشان كدة زعلت جامد ان انا ما دخلتش علوم اسكندريه
عشان للاسف عنوانى بحيره بس حغيره
عشان انا بقعد ساعتين او ساعة ونص لغايه ما اروح دمنهور
بكافح والله يا جدعان





مستواكــ الدراسيــ::
السنه دى زباله خالص والحمد لله ليه عذر عشان بتعب جامد والله وبروح كل يوم متاخر وبنام و ماذكرتش خالص الترم الاول
لغايه دلوأتى لسه ما اتأقلمتش على نظام السفر ودمنهور يا جماعة
ساعتين مواصلات حرااااااااااااام
وعندى اسكندريه نص ساعة ومش طايل عشان كدة زعلان جامد






هواياتكــ::
كره القدم
النت
اتفرج على ريال مدريد
الشطرنج
ادخل سينما امير مع اصحابى بيبقى يوم مسخره بصراحة
البحر
اتفرج على التنس وبالذات بتمتع اما فيدرير بيكون بيلعب وبشجعة جامد وبحبه يكسب رفيال نادال





كلـ مايخصـ شخصيتكــ::
ما ينفعش انا احكم على نفسى
شخصيتى بتتكشف قدام الناس مش قدامى
عشان كدة يبقى السؤال دا مالوش اجابه








_ _ _ _ _ _ _ _ _ _ _ _ _ _ _ _ _ _ _ _

اتفرج على التنس وبالذات بتمتع اما فيدرير بيكون بيلعب وبشجعة جامد وبحبه يكسب رفيال نادال
خد بقي عندك يا استاز ريكاردو مادام سيادتك بتحب التنس وبالزات جبت سيره روجر فيدرير
يعني عندك باك جروند في التنس يا ريت بقي تعدلي التصنيف بتوع الاوائل علي لعبه التنس باسماؤهم اسمين بس كفايه والدول طبعا وبداؤا لعب من سن كام وزوجاتهم طبعا المتجوزين منهم والمش متجوز يا ريت تقول برده بيحب مين وسنهم الحالي والبطولات المهوره بدايه من سنسناتي و كفايه عليك اوعي تعمل سيرش لاني هاعرف
وعلي فكره انا مش دفعتك انا تانيه علوم طبيعيه بس دخلت بدري سنه

ثانيا على ويكا

- من هو العضو اللي تتمنى تشوفه اون لاين اول ماادش المنتدى وتتضايق اذا مالقيته؟
على الملاك الطباخ رضا




- من هو العضو اللي يهمك وايد لدرجة انه ممكن يمر على بالك وتفكر فيه وانت خارج المنتدى؟
مفيش غير الاربعة اللى ماثرين ف اى حد
على الملاك الطباخ رضا





3-من هو العضو اللي يهمك رضاه ومايهون عليك تزعله؟
مفيش اغلى منكم انتوا الاربعة (على الملاك الطباخ رضا)
بجد رجاله وبدخل المنتدى مخصوص عشان اتسلى معاكم






-من هو العضو اللي تتمنى تتواصل معاه اكثر مثلاً من خلال( الايميل، الماسنجر،....)؟
هههههههههههههه
خلاص يا على ايدى اخدت على مكان الحروف بتاعت اساميكم
على الملاك الطباخ رضا





5-من هو العضو اللي تتمنى تتعرف عليه معرفة شخصية ويكون قريب منك؟
اكيد انتوا الاربعة
دا انتوا بجد احسن شله فى الكليه كلها بجد يا على بلا مجامله والله





- من هو العضو اللي تحب تغيضه وترفع ضغطه...؟
مفيش حد كل الاعضاء زى العسل





-من هو العضو الاكثر تميز في مشاركاته في نظرك؟
انت يا على اكتر واحد عامل مجهود واكتر واحد منزل مواضيع وكلها ما شاء الله متميزه








8-من هو العضو اللي يهمك يقرأ مشاركاتك؟
كل الاعضاء عشان بكون فرحان جدا اما اشوف ردود كتيره فى المواضيع اللى انا بنزلها




- من هو العضو اللي تتمنى يرسلك رسالة خاصة في يوم؟
انت والملاك والطباخ والحمد لله كل واحد فيكم بعتلى رسايل
ميرسى يا رجالة

جاوب عالاسئله بسرعه
فين اجابات اسالتي

ماشى حجاوب اهوه
هههههههههههههههههههههههههههههههههه
حلوه صوره فيدرير دى والله اللى انتى حطاها
المهم الاجابات وهى والله من دماغى ومدخلتش عشان اعمل سيرش ولا حاجة
فى التصنيف
1_فيدرير
2_نادال
كان نادال الاول بس فيدرير رجع مره تانيه
بالنسبه للزواج
ولا دا اتجوز ولا التانى اتجوز
هما كدة عايشين حياتهم
بس كل واحد فيهم ليه البنت بتاعتة والبنت بتاعة فيدرير زى القمر وانا بحب اتفرج على المتشات بتاعتة عشان المخرجين بيجيبوا رد فعلها على طول ما هى بنت زى الامر بأى وتقريبا كدة عنده طفل من صحبته دى
اما نادال لسه بدرى عليه اولا بيلعب بايدة الشمال وبحس انه متعصب كدة على طول وبيرفع حواجبه اتنين متر لفوق وهو بيتكلم فى برنامج ولا حاجة والبنت بتاعتة بردوا حلوة بس البنت بتاعة فيدرير احلى بكتير



فيدرير من سويسرا
نادال من اسبانيا

يلا اى خدمه
والله الاجابات دى من دماغى
يلا حلفتلك مرتين

ايه ده ايه ده دي بزمتك اجابات اتنين مصنفين وبزمتك روجر ما اتجوزش اومال مين ميلا وشارلين الي صورهم ماليه كل حته ايه ده انت ما تعرفش حاجه في التنس اساسا

اما نادال لسه بدرى عليه اولا بيلعب بايدة الشمال وبحس انه متعصب كدة على طول وبيرفع حواجبه اتنين متر لفوق وهو بيتكلم فى برنامج ولا حاجة والبنت بتاعتة بردوا حلوة بس البنت بتاعة فيدرير احلى بكتير
وبعدين ما طلبتش منك تقارنلي بين البنتين

بتقولك ما اعرفش حاجة ف التنس :سس:
بس بس كفايه ان فيدرير بيحب يلعب فى الاراضى النجيله والصالات المغطاه
اما نادال بيحب يلعب فى الرمله

هههههههههههه
تصدق ما كنتش اعرف زودت معرفتي

ايه ده فين اللعبه

يلا لو عندك اساله بحد اسالينى عشان قاعد زهقان وعايز اسئله

يلا يا جماعة استغلونى انا حقعد لغايه يوم الاتنين اللى جاى بس
يلا اسألوا بسرعة

محمد ع الكرسي
وقعت و محدش سمى عليك

سؤال ما توقعت حد يساله لك واتسالك؟
سؤال اتوقعت انه يتسالك ومحدش قاله؟
ايه اجابة السؤال ده؟
سؤال تتمنى محدش يساله ليك؟
اعتبرني سالته ايه اجابتك؟

اول يوم ليك في الكلية كان عامل ازاي
اخر يوم امتحناتك كان عامل ازاي
يوم حصلك موقف خلاك تقول يا ريتني مجيت الكلية النهاردة؟
ايه هو الموقف المحرج ده؟


اكتر حاجة بتزعلك
اكتر حاجة بتبسطك

نفسك في ايه دلوقت حالا
امنية نفسك تحققها

كفاية عليك كدا النهاردة
انت معانا ليوم الاتنين

فى الاول يا روز يبقى عيب عليا لو ماقلدش اهم حاجة بتميزك فى المنتدى
انتى بصراحة بنت جدعة وبتقومى بمجهود جامد جدا



ربنا يخليك يا محمد ده من ذوقك بس

طاب لو انا منور يا ريت تقولى منور بكام فولت
وحاجة تانيه لو انا منور انتى شايفانى ازاى
لا لا بجد انتى اللى منوره والله


ده انت شكلك حكايه ب2 فولت ههه


لتاريخ اللى انت لا تسيه ايه الذكرى بتاعته ؟؟؟؟ اعترف ههههه
يعنى ايه كلمة لا تسيه دى يا ريت توضحى
بس لو اصدك ايه اهم تاريخ بالنسبه لى
هو تاريخ ميلادى 6 مايو

تاريخ عمرك ماهتنساه فى حياتك يعنى له ذكرى عندك بس ده كان معنى السؤال


ايه هو حلمك ؟؟؟
حلمى ان انا ابطل احلم شويه عشان الاحلام اللى انا بحلمها بتضيع وقت كتير منى وبروح لبعيييييييييييد
وفى الاخر دى مجرد احلام مش حقيقة


بايدك يا محمد تحول الحلم لواقع مهو حلمك ده بيبقى زى هدفك لازم تهتم بيه عشان تحققه


الليل:يعنى التفكير والعذاب والحب والعتاب زي ما قولت فوق
بس هضيف حاجة كمان المذاكره


مذاكرة بردو ولا نوم ههههههه

مش حقولك انا مين عشان مش عايز اخسرك

انت شكلك جدع اووى بس مش هتفل طول عمرك ساكت عشان خايف تخسر بس فى الفتره دى عندك حق

ردروك كانت حلوة اووى بتمنالك التوفيق فى حياتك

ويا ريت نسمع رأى اللى حاطة السؤال دا (روز دريم) ونعرف ايه وجهة نظرها

طُلب منك اختيار أحد هذين الشخصين للجلوس معه ورعايته ( رجلٌ مسن أو طفلٌ صغير ) أيهم ستختار ؟ ولماذا؟

انا طبعا هختار طفل صغر مش عشان انا بحبهم بس
لا لان هو لوحده مينفعش يعقد لوحده
مش لازم الطفل ده اعقد احكى معاه عن خبراتى
لا دى مجرد رعايه لفتره مؤقته والطفل مينفعش يتساب لوحده

اما الرجل المسن ممكن يستحمل الجلوس لوحده

ده رائى


السكنــ::
المعديه بس كل ما اقول لواحد انا من المعديه يقولى اييييه
فبقيت اقول المعموره عشان بينى وبينها ربع ساعة بس
وبردوا ساعات بقول ان انا من ادكو

قولهم المعديه عادى وقول ادكو عادى يابنى انت هتتكسف ولا ايه دى احسن من دمنهور اصلى ادكاويه بقى فلازم نقف فى صفك
والدماهره دلوقتى هيهيجو علينا دول احسن ناس بردو

وعشان كدة زعلت جامد ان انا ما دخلتش علوم اسكندريه
عشان للاسف عنوانى بحيره بس حغيره
عشان انا بقعد ساعتين او ساعة ونص لغايه ما اروح دمنهور
بكافح والله يا جدعان

اكيد طبعا بنكافح كفايه الساعتين الموصلات بالسواقين الاغبيه دول

محمد ع الكرسي
وقعت و محدش سمى عليك
ليه حتدبحينى ولا ايه اهدى شويه يا جوليت
احنا مش أدك



سؤال ما توقعت حد يساله لك واتسالك؟
السؤال اللى جاى





سؤال اتوقعت انه يتسالك ومحدش قاله؟
ايه رأيك فى دفعتك




ايه اجابة السؤال ده؟
انا شايف ان بيولوجى مستوى تفكيرهم احسن وشايف ان هما رجاله اكتر مننا شويه للاسف طبعا عشان انا كنت اتمنى انى اكون مع الناس الاحسن
بس بردوا يعنى معايا ناس كويسه
وفى ناس منهم تجيب الشلل بصراحة من الطبيعة يعنى





سؤال تتمنى محدش يساله ليك؟
حبيت قبل كدة وكان بجد ولا تسليه؟




اعتبرني سالته ايه اجابتك؟
ههههههههههههههههههه
لا مأدرش اجاوب عشان دى خصوصيات جامدة
وحطى نفسك مكانى وانا عارف انك لو مكانى مش حتجاوبى





اول يوم ليك في الكلية كان عامل ازاي
زباله وكنت أرفان عشان رحت دمنهور بس والله دمنهور مش وحشه يا جماعة
بس المواصلات بس والتعب هو اللى بيأثر شويه






اخر يوم امتحناتك كان عامل ازاي
يا ريت مكنتيش تفكرينى والله دا بأى كان يوم زباله اكتر من اول يوم كمان
ومشيت ومسلمتش على دفعت الطبيعة عشان كنت مخنوق منهم جامد جامد جامد مش كلهم بس كتير منهم
ومشيت مع البيو عشان والله رجاله ودمغتهم مش فاضيه زى الطبيعه
ورحنا ولعبنا كوره فى الاستاد كمان





يوم حصلك موقف خلاك تقول يا ريتني مجيت الكلية النهاردة؟
يوم ما دكتور محمد الشيخ اخد اسمى فى الانسان والبيئه





ايه هو الموقف المحرج ده؟
هو كدة مش موقف محرج هو موقف يعصب شويه بس روحتلوا فى المحاضره اللى وراها
واتأسفت وكان والله راجل محترم معايا وقبل الاعتذار
وكمان كتب اسمى ف الحضور بتاع المره اللى قبلها
يعنى من الاخر كده ظبطنى





اكتر حاجة بتزعلك
اما ميكنش فى اهتمام بيه خالص
دى اكتر حاجة بتزعلنى




اكتر حاجة بتبسطك
اما اكسب صاحب جديد






نفسك في ايه دلوقت حالا
انى اكمل اجابات الاسئلة دى






امنية نفسك تحققها
اشتغل فى الامارات





كفاية عليك كدا النهاردة
هييه هييه





انت معانا ليوم الاتنين
امتى ييجى يوم الاتنين ده واخلص

ربنا يخليك يا محمد ده من ذوقك بس
لا والله انتى اللى ذوق وحضيف كمان ان انتى دمك خفيف ما انتى ادكاويه بأى
بلد مامتى






ده انت شكلك حكايه ب2 فولت ههه
يا سلام عل البخل
ادكو صباح الفل
ههههههههههههه






ردروك كانت حلوة اووى بتمنالك التوفيق فى حياتك
شكرا على اهتمامك روز

قولهم المعديه عادى وقول ادكو عادى يابنى انت هتتكسف ولا ايه دى احسن من دمنهور اصلى ادكاويه بقى فلازم نقف فى صفك
والدماهره دلوقتى هيهيجو علينا دول احسن ناس بردو
اسكتى ما تتكلميش ف المنتدى على الدماهره احنا ف بلدهم
فى منتداهم يعنى وبعدين الطباخ يزعل ويمشينا
هههههههههههه








اكيد طبعا بنكافح كفايه الساعتين الموصلات بالسواقين الاغبيه دول
كفايه المطبات بس فى مطبين ايه تحفه اكيد انتى عارفاهم طبعا
بحس ان انا راكب جمل مش عربيه
العربيه تنزل النزله وبعدين تطلع تانى تنزل النزله وبعدين تطلع تانى
اكيد انتى عارفاهم
والسكه ممله ويا سلام ف يوم الشابوره يبقى سبحان الله السواق ماشى
فى طريق ابيض ف ابيض مش عارف بيسوق ازاى
خبره الادكاويه بأى انتى حتأوليلى عليها
ناس خبره جامد يعنى
ويا سلام بأى ف الايام العاديه يكون على يمينى وشمالى اخضر ف اخضر
والله خايف ازرع بعد كدة

اوعى تكونى زعلتى يا روز
اول ما قولت

يا سلام عل البخل
ادكو صباح الفل
ههههههههههههه


انا بهزر والله
وازاي اقول كدة وانا خلانى ادكاويه
لا بجد والله الادكاويه احسن ناس
وناس محترمه جدا

اوعى تكونى زعلتى يا روز
اول ما قولت

ههههههههههههههههههههههههههههه

ازعل مين ياعم صباح الفل
الزعل ده اخر حاجه ممكن افكر فيها اساسا
وبعدين كفايه مامتك من عندنا منقدرش نتكلم


اكيد طبعا بنكافح كفايه الساعتين الموصلات بالسواقين الاغبيه دول
كفايه المطبات بس فى مطبين ايه تحفه اكيد انتى عارفاهم طبعا
بحس ان انا راكب جمل مش عربيه
العربيه تنزل النزله وبعدين تطلع تانى تنزل النزله وبعدين تطلع تانى
اكيد انتى عارفاهم
والسكه ممله ويا سلام ف يوم الشابوره يبقى سبحان الله السواق ماشى
فى طريق ابيض ف ابيض مش عارف بيسوق ازاى
خبره الادكاويه بأى انتى حتأوليلى عليها
ناس خبره جامد يعنى
ويا سلام بأى ف الايام العاديه يكون على يمينى وشمالى اخضر ف اخضر
والله خايف ازرع بعد كدة



ده انت دماغ دماغ يعنى

لو فى سؤال مكرر ابقى اكتب انه مكرر اوك
يا رب كله يكون متكرر



يلا









كل إنسان فينا له خصاله السيئة و الحسنة ، إذا ما هي بعض خصالك السيئة و الحسنة التي تحب ذكرها لنا
كل واحد يا روز زى ما انتى بتقولى عنده صفات كدة وصفات كده
بس دى خصوصيات وانتى عايزه الصراحة وانا مش عايز اكدب





مالذي تفعله إذا وجدت آراء مخالفة لتفكيرك ؟
مش حسيبهم لحد ما اعرف انا اللى صح ولا هما اللى صح
بس ساعات بكبر واريح الجمجمة





ماذا تعني الصراحة بالنسبة لكِ
اهم حاجة






محطات الفشل كثيرة ، تمر بالإنسان و تحطم الكثيرين ، هل مرت بكِ محطة من هذا النوع ؟!؟ و ما كان تأثيرها عليك ؟!
لاه الحمد لله
والثانوى معتبرهاش فشل عشان مكنتش بذاكر الا اخر شهر
بس مش بندم والله عادى عادى





الحب رابط مقدس بدونه تصبح حياتنا جحيم لا يطاق ، و لكن قد يكون سبب للتعاسة و الألم ، في نظرك متى يكون الحب مصدر للألم و الأسى ؟
وجهه نظرى هى اما البنت تخونك
او اما تكون بتحب واحدة ومش عارف توصلها





أحلى برنامج تلفزيوني بالنسبة لك ؟؟
بمل من البرامج بصراحة
لو عايز اعرف خبر بعرفه من النت وخلاص
بس برامج رمضان جامدة
اه فكرتينى بحب اسمع فيل اور نو فيل
اصدى ديل اور نو ديل





ما هو الشيء الذي تحس أنك مبدع فيه ؟؟
مبدع ف كل حاجة
هههههههههه
وانا اشعرفنى يا روز
الناس هى اللى تحس مش انا





لمن تهدي هذه الهدايا ؟؟
كتاب :
سيارة :
وردة :
لاب توب :
شلن :
موبايل:


كتاب:ليه انا ويكون من الكليه فيه كل الامتحانات اللى انا حمتحنها بالاجابات كمان
مليش دعوه هما يحطوا الامتحانات من دلوأتى لسنه ربعة
هما حيلاقوا اغلى منى فين

سياره:طبعا ليه بردوا عشان خلاص قربت ف شهر خمسه حطلع رخصة

وردة : ليكى عشان انتى اللى قدامى بتسألى اهوه
بس مش حديهالك بالكسوف ده يعنى
ههههههههههه

لاب توب :للى عايز ما انا قاعد لكو على بنك

شلن :لواحد غلبان

موبايل:للى معوش موبايل







ايه اكتر لحظه ممكن تخليك تعيط فى حياتك؟ امتى بكيت من قلبك ؟
مش عارف ربنا يستر
بكيت من قلبى لا والله معرفش اعيط الا من عينى بس
جديده اعيط من قلبى دى :scratch:




بتعترف بمعنى الكرامه فى الحب ولا لا؟
يعنى لازم يكون معايا شخصيه مع البنت قويه
اجمد من شخصيتها والا تبقى مصيبه لو هى شخصيتها اجمد







ايه رايك فى الغيره فى الحب وهل بتعتبرها عدم ثقه فى النفس ولا حب زايد؟
حسب فتره الحب نفسه لو فتره كبيره يبقى حب زايد
لو فتره قليله يبقى عدم ثقه
او ممكن تكون فتره قليله بس الحب جامد
ودا يكون حب زايد





لو حصل لقدر الله ليك مشكله من اول حد بتروح ليه وتحكى ليه؟
بقعد مع نفسى وارتب الكلام وبعدين اروح لماما




نفسك فى ايه ومش حققتيه؟
ما انا قولت اسافر الامارات
دبى بالذات على فكره عشان ان شاء الله هشتغل هناك





نفسك تكون ايه فى المستقبل؟
اكون راجل
هههههههه





تتمنى ايه لبلدك ؟
انها تروح كاس العالم حرام كده







يمكن اجى تانى او مجيس انت وحظك بقى
الحمد لله خلصت
هيييه هيييه

ايه رايك فى الغيره فى الحب وهل بتعتبرها عدم ثقه فى النفس ولا حب زايد؟
حسب فتره الحب نفسه لو فتره كبيره يبقى حب زايد
لو فتره قليله يبقى عدم ثقه
او ممكن تكون فتره قليله بس الحب جامد
ودا يكون حب زايد



ايه اللك ده مش فاهمه ردك|؟؟

انا مريحاك وما بسالش
بس انا بحب احط اسالتي علي اخر يوم هههههههههه
هاظبطك عالاخر

ايه رايك فى الغيره فى الحب وهل بتعتبرها عدم ثقه فى النفس ولا حب زايد؟
يا روز الادكاويه يفهموها وهى طايره ولا ايه
بعد الزواج حب زايد
قبل الزواج عدم ثقه
يا رب الرد ده تفهميه