good girl....على كرسى الاعتراف..

علي فكرة انت المفروض انك تقسم قبل ما تجاوب انك بتقول الصدق
ودة من اصول اللعبة

ودى الاسئلة الي ما جوبش عليها رضا


- ما هو تعريف الحب ؟
- هل تؤمن بالحب ؟
- هل تؤمن بالحب من أول نظرة؟
- هل يختلف معنى الحب عبر العصور؟
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
- أيهما أنجح ,الزواج عن طريق الأهل أو عن معرفة سابقة؟
- هل ممكن ان تحب أكثر من مرة؟
-هل يمكن أن يكره الأنسان الشخص بعد أن أحبه؟
- هل للمادة دور رئيسي في استمرار الحب؟
- نجاح الحب مستحيل أم ممكن , و كم نسبة نجاحه؟
- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
- أيمكن للحب ان يغير مجرى حياتك؟
- البعد أيخفف المشاعر أم يلهب الأشواق؟
- هل يتغير الحب بعد الزواج؟
- بوجود الحب أيشترط وجود السعادة؟
- هل الغيرة ضرورية في الحب و ما دورها ؟ سلبي أم ايجابي؟
- أيهما أخلص الشب أم البنت؟
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

أولاً ...

عندما أقول لك ( أنا ) بأني أحبك .. هل تصدقني ؟ ولماذا ؟

ثانياً ...

عندما تقول لك ( هي ) أنها تحبك .. هل تصدقها ؟ ولماذا ؟

ثالثاً ...

عندما أقول لك بأنك كاذبٌ بحبك لي .. كيف تـُـثـبت لي ذلك ؟

رابعاً ...
ماهو الحب بالنسبة لك أنت ؟ وماهو الحب بالنسبة لكِ أنتِ ؟

خامساً ...

ماذا تعني لك كلمة ( أحبك ) من فتاة ؟ وماذا تعني لك من رجل ؟

سادساً ...

ما الفرق بين الإعجاب والحب بالنسبة لك ؟ وما الفرق بين الحب الكاذب والبغض الملموس ؟

سابعاً ...

هل جعلت في يوم من الأيام كلمة ( أحبك ) وسيلة لك ؟

( الإجابة بكل صراحة .. ؟.. نعم أو لا )

ثامناً ...

متى آخر مرة سمعت فيها كلمة أحبك ؟ ومتى آخر مرة لفظت بها ؟ ولمن ؟ ولماذا ؟

تاسعاً ...

ما الفرق في كلمة ( أحبك ) الآن وفي السابق .. بالنسبة لك ؟

عاشراً ...

ماهي المدة التي تجعلك تحدد متى تقول كلمة ( أحبك ) لمن يستحقها ؟


(( هذه عشرة أسئلة للصريحين فقط )),,,

اكتب الاسئلة وبعدين الاجوبة

ونا اعرف انت مجاوب علي سوال اية دلوقتى
ولا اشوف كل سوال واجابتة

ولا احفط الاسئلة كلها واشوف الاجابات

انت لية بتفكرنى يعنى

محمد ... بما انك بتموت فتامر وانا بموت فعمرو دياب كام سؤال عالماشى كدا ..؟

اغنيه تاعبه كل الناس مين اللى ملحنها سورى اللى سارقها ياترى تامر ولا المغنى الاجنبى اللى كلنا سمعنا الاغنيه بتاعته طبعا .؟!

قرب حبيبى ظهرت واتلحنت الاول ولا اغنيه اشوف عنيكى فالبوم عمرو فالبوم غنى من قلبك .؟.

هتعمل ايه لو قابلت تامر فشارع صدفه جدا ... هتسجدله زى ماعملها واحد عالمسرح قبل كدا ..؟


اخيرا انا اسف جدا جدا جدا جدا لو كنت تقلت ومش بس ليك انا اسفى لكل الاعضاء علشان عارف ان الكل هيزعل منى بس لما يزعلوا منى انا احسن مايزعلوا من محمد جبريل بسبب حبه الزيادا لتامر .

انا اخوات وصحاب .. ماتخليش حبك لتيمو حبيب الكل يزعل حد منك على فكرا تامر انا بموت فصوته بس فالقرأن واعتقد ان انت لسه ماستمعتوش وبأذن الله هرفع السور اللى عندى بتاعه تامر واكيد الكل هيحبها ..

وانا قعدت عليه وحاطت رجل على رجل كمان

يلا فين الاسئلة

-
من انت ؟؟ *
محمد احمد


-2
باقة ورد لمن تهديها ؟؟ *
بصراحة اهديها لكل شخص بيحبنى واهديها اكتر للشخص اللى بيحبنى اكتر ما انا بحبه (طبعا عمرى ما حدخل جوة كل واحد صحبى واعرف هو بيحبنى اد ليه)
اهديها لكل واحد قدم لى نصيحة
اهديها ليك يا على لانك اول واحد اهتميت وسألتنى


-3
*باقة شوك لمن تهديها ؟؟
يعنى باقة الشوك دى قاصية شويه يا على بس فيه واحد كدة انا زعلان معاه شوية بس بردوا ما توصلش لدرجة الشوك
بس لو انت مصمم بردوا يباى لشخص خاين لبلدة واهلة




-4
اسوأ خبر سمعته؟؟ *
صدقنى السؤال دة وقف معايا كتيييييير يا على
الحمد لله مفيش خبر سيئ محدد يعنى
بس ممكن يكون وانا صغير عندما توفى جدى



-5
شخص لاترفض له طلبا ..؟؟ *
اصحابى طبعا



-6
من يطربك ؟؟ *
اليسا وتامر حسنى



-7
* ماهي التجربه التي تتمنى تكرارها ؟؟
اللى فات مات و ربنا عمروا ما بيكتب على انسان حاجة وحشه ابدا
والتجربه اللى انا اتمنى تكرارها دى اكيد انا فشلت فيها
خلاص بأى نبص قدامى نشوف اللى فيه الخير
والحياه كلها تجارب وعمرك ما حتنجح فى كل تجربه تخشها مفيش انسان بلا اخطاء ودى سنة الحياه



-8
من هو توأم روحك ؟؟ *
توأم الروح لازم يكون العقل ولازم افكر صح عشان معملش حاجة غلط تخسرنى واحد صحبى مثلا
ولو عايز شخص معين صدقنى مش حعرف اقولك واحد بالظبط عشان انا عندى 6 اصدقاء وعمرى ما حعرف افرق بحب مين اكتر من مين



-9

ماهو اكثر شئ تخشاه؟؟ *
بصراحة الموت



-10
مالذي يشعرك بأكثر قدر من الحرج؟؟
لو قولت رد سخيف قبل ما افكر فيه جيدا وفهمها الشخص دة بطريقة خطأ
اكيد حاحس بالحرج وحاروح اصالحة



-11
نزار شاعر المرأه. وانت شاعر من ؟؟
المرأة بردوا
لو كنت بعرف اقول شعر كنت حعمل كل القصائد بتاعتى عليهم عشان هما يستاهلوا كدة ومينفعش تعيش من غيرهم
كفايه ان اكتر اتنين بيكونوا قريبين منك هما امك و زوجتك ومن غيرهم مش حتعرف تتصرف



-12
حمامة زاجل استقرت على نافذتك تحمل رسالة من
مجهول فممن تتمنى ان تكون؟؟
لاه انا نفسى دى يا على بأة يكون حلم وانا نايم وتكون من الرسول صلى الله عليه وسلم عشان انا بجد نفسى اشوفه



-13
جريمه تتمنى ارتكابها؟؟
جريمة ايه بس يا على انت عايز تودينى ف دهيه ولا ايه
بس نفسى بصراحة اروح لرابح سعدان واقولة يا اما نروح كاس العالم مكانكم يا اما حغزك ياض




-14
قطعة فحم صغيرة وجدار نظيف ماذا سترسم عليه ,,
وماذا ستكتب تحت الصورة؟؟
نرسم قلب وحكتب تحتة بحبك بس عشان بحبك اكتر مش حعترفلك عشان خايف اخسرك



-15
كلمه اخيره .. بعد ان اصابك الملل..؟؟
لاه لسه ما ملتش عشان فيه سؤال تحتة ويعتبر اجمل سؤال يا على وهو ايه رأيك فى الاعضاء



رايك في كل عضو


الملاك
الملاك يا على بأى صحبى جدا جدا ونفسى اشوفة واتعرف عليه الملاك بأي صحبى من شويه كلام فى المنتدى وهو شخصيه يجبر اى حد على انه يحبه عشان هو دموا خفيف جدا وشخصيه محبوبة ودة اللى ظهرلى من المنتدى ده


الطباخ
الطباخ بأه انا اتعرفت عليه فى الكليه قبل كدة وبشكره جدا جدا لان بسببه انا اتعرفت على اجمل شباب فى احلى منتدى فى الدنيا كلها وهو المدير ويستحق كدة فعلا تحس انه القائد وبسببه وبسبب المنتدى الجميل بتاعة احنا كل يوم بنخش وبنتسلى وبنشوف بعض وبنضحك مع بعض فى المنتدى دة
وده انتوا تحسوه اكتر منى عشان انتوا كلكم اصحاب وزمايل من زمان واكيد كله بيتمتع اما يخش المنتدى
فبقولة شكرا يا طباخ على فكره انشاء منتدى للكليه بتاعتنا



سنووايت
بصراحة معرفهاش على المستوى الشخصى
وهى بردوا بألها فتره كبيره ما دخلتش المنتدى بس اكيد طبعا هى بنت محترمة وجدعة



جوليت
جوليت طبعا بنت كويسه جدا بردوا ما اعرفهاش
بس هى بنت عنيدة اوى بس انا بردوا عنيد وعلى فكرة دى صفة كويسه جدا فيها وهى بصراحة بردوا عملا مجهود كبير جدا فى المنتدى دة واكيييد شخصية محترمه


كاتي جيرل
ما اعرفهاش بردوا بس هى بتنزل مواضيع فى منتهى الروعة وبتقوم بمجهود كبير بردوا


حياتي فداك
طبعا حبيبى وهو اللى مقعدنى عل الكرسى كمان وهو طبعا من الدفعة بتاعتى وانا بحبه وبعزه جدا و بفرح اما بشوفة فى الكليه وبقعد اتكلم معاه على طول وهو مدمن حاجة اسمها تامر حسنى بيموت فيه بطريقة غريبه وصدقونى ممكن تلاقوا على الموبيل بتاعة اغانى وصور لتامر اكتر من اللى موجودة فى موبيل تامر نفسه



وائل
وائل بأه عضو جديد بس سوبر وبينزل توبيكات فى وقت قصير وبدقة وبتكون كلها فى منتهى الروعة والجمال
وهو بجد اضافة كبيره جدا جدا جدااااااااااااا للمنتدى بتاعنا وبجد ردودة كلها حكم وانا بقرأها مره واتنين وتلاتة عشان بيكتب ردود فى منتهى الروعة



ويكا
مش عارف حاحكى واقول ايه بس
ويكا يعتبر قدوة لاى شخص فى المنتدى
على ويكا هو اول شخص انا اتعرفت عليه فى المنتدى عشان اسم ويكا دا مشهور فى الكليه مشهور طبعا عشان شخصيه زى العسل
على قال لى نصائح وبجد نصائح جامدة تدل على انه ولد زكى اوى اوى
بقولة شكرا على كل نصيحة
على بردوا مكسر المنتدى ما شاء الله وليه دور روعة وبالذات فى المنتدى الاسلامى بجد بارك الله فيه وربنا يزيده من الايمان والتفوق




البرنسيسه
بصراحة مشفتلهاش اى مشاركة لحد دلوأتى او ممكن أكون شفت بس مش فاكر



ماندولين
دى بأه انا اعرفها عشان هى معايا فى علوم طبيعيه هى بصراحة ما بتدخلش على المنتدى خالص مش عارف ليه
بس هى بجد بنت محترمة جدا وذكيه جدا جدا
وفيها صفات كويسه كتير



صمت الكلام
بنت كويسه بردوا معرفهاش بس هى بتقوم بمجهود جامد جدا وبنت عاقله جدا ودا بيبان فى ردودها ومواضيعها



تويتي
بردوا ما بتدخلش عل المنتدى وبصراحة معرفهاش

منور يا محمد الكرسى

ايه الاجابات الجامده دى



يلا انا جيت باسئلتى استعد يلا

.......





ايه اكتر قسم بتحيه فى المنتدى



ايه اكتر موضوع عجبك فى المنتدى



يعنى ايه صداقه بالنسبه لك



التاريخ اللى انت لا تسيه ايه الذكرى بتاعته ؟؟؟؟ اعترف ههههه




ايه هو حلمك ؟؟؟



حاجه نفسك الدنيا تديهالك ومتحرمكش منها ؟؟؟؟



طُلب منك اختيار أحد هذين الشخصين للجلوس معه ورعايته ( رجلٌ مسن أو طفلٌ صغير ) أيهم ستختار ؟ ولماذا؟



ماذا تعني لكِ هذه المفردات :
القلم - البحر - الوقت - الشمس - القمر - الإعتذار - الأمل - الليل ..



كل واحد عنده ذكريات .. ذكرى تتمنى انك تنساها وذكرى تتمنى انها تفضل معاك ؟؟؟؟



هذه الدنيا التي نعيش فيها ...بأيامها وسنينها
بياضها وسوادها....حلوها ومرها
لو كانت هذه الدنيا كتاباً مجهول الهوية منتظراً عنواناً يُطـلَـق عليه
ما العنوان او الأسم الذي ستطلقه على الدنيا؟



الشيء الذى لايمكنك الاستغناء عنة؟



. لمن تقولى انت استاذى ومعلمى ؟



. لمن تهدى هذة الكلمات :



اتمنى صداقتك

نفسي اشوفك

بعتب عليك

جرجتنى وسامحتك

مقدرش انساك

مفتقدك

متزعلش منى

مبستحملش دموعك



لو استرجعت شريط ذكرياتك ..... ماذا تحب ان تمحي من هذا الشريط؟



لو معاك رساله واحدة بس هتبعتيها لمين ؟ وهتقولة اية؟ غلاسة بقي ههههههههههههه

معلش بقى طولت عليك

فى الاول يا روز يبقى عيب عليا لو ماقلدش اهم حاجة بتميزك فى المنتدى
انتى بصراحة بنت جدعة وبتقومى بمجهود جامد جدا



منور يا محمد الكرسى
طاب لو انا منور يا ريت تقولى منور بكام فولت
وحاجة تانيه لو انا منور انتى شايفانى ازاى
لا لا بجد انتى اللى منوره والله




يلا انا جيت باسئلتى استعد يلا
ربنا يستر



ايه اكتر قسم بتحيه فى المنتدى
منتدى خواطر وعذب الكلام



ايه اكتر موضوع عجبك فى المنتدى
كرسى الاعتراف



يعنى ايه صداقه بالنسبه لك
الصداقة بالنسبه لى يعنى الحب المتبادل بينى وبين صحبى
الصداقة يعنى الصدق
ان صاحبى يكون اول شخص يعاتبنى ويظهر لى عيوبى
انة عمروا ما يصدق كلام شخص معين ويكذبنى انا
الصديق هو اللى انا اقوله اسرارى واكنى بقولها لنفسى
يعنى بثق فيه لاعلى الدرجات
هو اللى بيق معايا ف اصعب الظروف هو اللى يبكى ويفرح معايا
صدقينى يا روز مهما كتبت واتكلمت عمرى ما حديله حقة




التاريخ اللى انت لا تسيه ايه الذكرى بتاعته ؟؟؟؟ اعترف ههههه
يعنى ايه كلمة لا تسيه دى يا ريت توضحى
بس لو اصدك ايه اهم تاريخ بالنسبه لى
هو تاريخ ميلادى 6 مايو




ايه هو حلمك ؟؟؟
حلمى ان انا ابطل احلم شويه عشان الاحلام اللى انا بحلمها بتضيع وقت كتير منى وبروح لبعيييييييييييد
وفى الاخر دى مجرد احلام مش حقيقة



حاجه نفسك الدنيا تديهالك ومتحرمكش منها ؟؟؟؟
انتى بتتكلمى عل الدنيا يبقى الصحة والفلوس
ولو عايزه حاجة منهم يبقى الصحة مدى الحياه
عشان الصحة بتروح وما بترجعش اما الفلوس بتروح وبتيجى




طُلب منك اختيار أحد هذين الشخصين للجلوس معه ورعايته ( رجلٌ مسن أو طفلٌ صغير ) أيهم ستختار ؟ ولماذا؟
هو سؤال صعب جدا بس انتى عارفة نبقى ظالم لو اخترت واحد وسيبت التانى عشان هما الاتنين متساويين ف الضعف وقلة الحيله
بس لو انتى عايزه اختيار محدد يبقى الطفل الصغير عشان هيصعب عليا وكمان لسه له مستقبل وحياه يعيشها
اما الراجل العجوز خلاص الدنيا اخدت وعطته كل حاجة مع احترامى له بردوا






ماذا تعني لكِ هذه المفردات :
القلم - البحر - الوقت - الشمس - القمر - الإعتذار - الأمل - الليل ..

القلم:القلم بالنسبه لى هو لسانى اللى بيكتب وكمان افضل من لسانى عشان بفكر وباخد وقت قبل ما اكتب

البحر:كما يقولون البحر غدار فعشان كدة انا بخاف منه شويه بس بقضى وقت ممتع كتير وانا بتمشى عليه
وساعات بمد بصرى اخر حاجة ويباى نفسى اعرف ايه اخره

الوقت:الوقت كالسيف اذا لم تقطعة قطعك المقولة دى اكيد كلكم عارفنها
بس للاسف الوقت دايما هو اللى بيقطعنى

الشمس:بتمثل لى المستقبل بتمثل لى صفحة جديدة فتحتها بتمثل لى ان انا فى يوم جديد احسن من اللى قبله
بس بزعل منها خاااااااااالص عشان بتاخد من عمرى يوم

القمر:بيمثل لى التفكير والعذاب والحب والعتاب
بيمثل لى التفكير ف الحاجات اللى انا عملتها النهاردة هل كانت صح ولا غلط
بيمثل لى العذاب لو بحب
بيمثل لى الحب اللى بيضيع وقت كتيييييييير
بيمثل لى العتاب اعاتب دا ولا اسامح ده انا اللى غلطان ولاهو اللى غلطان ولا احنا الاتنين غلطانين

الإعتذار:لو انا بعتذر لواحد هكون ف قمه الاحراج عشان اكيد انا عملت موقف سخيف معاه خلاه يزعل منى كدة
بس لو واحد اعتذرلى حسامحه بس المهم ما يكررش الغلط

الامل:يعنى الفرح والصبر واما واحد يكون عندة امل اكيد ربنا هيقف معاه لحد ما يحقق اللى هو عايزه بس لازم يكون مبنى على عزيمه وايمان

الليل:يعنى التفكير والعذاب والحب والعتاب زي ما قولت فوق
بس هضيف حاجة كمان المذاكره





كل واحد عنده ذكريات .. ذكرى تتمنى انك تنساها وذكرى تتمنى انها تفضل معاك ؟؟؟؟
لو مثلا بحب شخص معين واعتبرته صحبى بس من ورايا بينقل الكلام او كدة يعنى
نفسى يتكشف قدامى عشان يبقى مجرد ذكرى ونسيتها
بس خلى بالك اسوأ ذكرى حتفضل معاكى دايما وحتفضلى تحقدى على الشخص ده مدى الحياه
اما الذكرى اللى انا بتمنى ان تستمر هى حب اصحابى ليه وان شاء الله تستمر مدى الحياه





هذه الدنيا التي نعيش فيها ...بأيامها وسنينها
بياضها وسوادها....حلوها ومرها
لو كانت هذه الدنيا كتاباً مجهول الهوية منتظراً عنواناً يُطـلَـق عليه
ما العنوان او الأسم الذي ستطلقه على الدنيا؟
لأه السؤال دا مقدرش اجاوب عليه بدقة عشان احنا لسه صغيرين وتعتبر الدنيا لسه ولا اخذت مننا حاجة
بس ممكن العنوان يكون
لا تهتم بجمالى(الدنيا)فهناك من اجمل منى بكتير(الاخره)




الشيء الذى لايمكنك الاستغناء عنة؟
العقل عشان لو وقف يبأي انا وقفت معاه (الموت)



. لمن تقولى انت استاذى ومعلمى ؟
لمن تقولى بردوا
ههههه
المهم
اقول كدة لاى شخص بعامله معامله الاب ولاى شخص انا اخدوا قدوه ف حياتى






. لمن تهدى هذة الكلمات :



اتمنى صداقتك

نفسي اشوفك

بعتب عليك

جرجتنى وسامحتك

مقدرش انساك

مفتقدك

متزعلش منى

مبستحملش دموعك


اتمنى صداقتك :لواحد بيحبنى وانا ما اعرفش بكدة

نفسي اشوفك:نفسى اشوف البنت اللى هتجوزها حلوة ولا وحشه

بعتب عليك:يا اللى زعلتنى منك ف يوم

جرجتنى وسامحتك:عشان لسه بحبك وعمرى ما هنسى جمايلك عليا

مقدرش انساك:يا اى صاحب او مقدرش انساكى بردوا..........

مفتقدك:خلاص اللى سابنى هسيبه مش حقف عند شخص معين

متزعلش منى:اكيد انا مش قاصد ازعلك

مبستحملش دموعك:لو انا حزين وواحد صاحبى بكى عشانى حقوله كدة








لو استرجعت شريط ذكرياتك ..... ماذا تحب ان تمحي من هذا الشريط؟
امحى ذكريات اللى انا كنت كبير ف نظر ناس وحصل موقف خلانى اصغر ف نظرهم
وانا ما اتمناش كدة ليه او لحد فيكم





لو معاك رساله واحدة بس هتبعتيها لمين ؟ وهتقولة اية؟ غلاسة بقي ههههههههههههه
حبعتها للى بحبه وحقوله بحبك اوى ومش حقولك انا مين عشان مش عايز اخسرك لو زعلت منى عشان اعترفتلك بكدة
وطبعا مش حبعتها بالرقم بتاعى ذكاء بأى
عشان ممكن تدور وتعرف انه انا وتبقى وقعتى سودة
ههههههههههههههه






معلش بقى طولت عليك
ولا يهمك

ماذا ستكتب لنا لتعبر عن حياتك التي عشتها الى الان في كلمات قليله ؟
اقول ان انا ف حياتى اخدت خبره الى حد ما كويسه وبفرح اوى اما اكسب خبره جديدة
انا تولدت ف اسكندريه
وفضلت اكبر واكبر ودخلت الحضانة واتعرفت على ناس ونسيتهم على طول
دخلت الابتدائى اتعرفت على ناس والحمد لله اتعرفت على اصحاب وفيه منهم لحد دلوأتى اصحابى
فى اتنين بردوا عمرى ما حنساهم هما اتنين من اصحابى من ايطاليا بس مسلمين وبيتكلوا عربى عشان ابوهم وامهم مصريين دول قضوا معايا فتره الابتدائى والاعدادى واخدوا الثانوى من ايطاليا ودخلوا كليه اسنان
وهما خلاص استقروا هناك ف ايطاليا
وبردوا واحدة تانيه من فرنسا دى انا اعرفها وكانت معايا ف الابتدائى وكانت بتغيظنا وبتقول عندنا اهرامات احلى من اللى عندكم وعندنا اثار جميله ف متحف اللوفر عشان هى كانت بتروحة وتفضل تحكى عل الاثار الموجودة هناك
ودى معرفش عنها اى حاجة دلوأتى بس هى فى فرنسا يعنى من زمان
ف الثانوى اتعرفت على احسن اصحاب وهما دول الاصدقاء اللى بجد الحمد لله
فى الكليه يعنى بقى لى ترم واحد فيها بس والله اعلم هل حكمل فيها ولا لأه





. اذا اردت ان تبكي الان , فعلى من تبكي؟
على الاسئلة اللى بالهبل اللى تحت




من ستختار ليمسح دموعك ؟
انت عشان انت اللى كاتب الاسئله




لو خيروك بين حبيبك وبين اعز صديق فمن تختار ؟
حبيبتى طبعا عشان هى حتقف معايا وتعوضنى عن اى صاحب حخسره





.ماهو تقييمك لهذا المنتدى بصراحه ؟
كفايه ان انا اتعرفت على شباب تانيه وتالته فى الكليه بسبب المنتدى دا




.من يسكن قلبك؟
عقلى طبعا
احسبها صح تعيشها صح





.هل تعتقد ان حظك سيئ؟
ساعات وساعات
يعنى مثلا ساعات اليوم يكون باين من اوله زى يوم امتحان التطبيقيه كدة روحت متاخر ساعه بسبب المواصلات ويا ريتنى ما روحت
وساعات يكون يوم جميل بردوا بيبان من اوله




.هل هزمك حزنك في يوما من الايام؟
لازم طبعا دى سنه الحياه




.((مستحيل انساك)) لمن تقولها ؟
لاصحابى





.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
ما اتمناش ف حياتى انى اقول كدة
وانا بتوقع النتيجة قبل حدوثها يعنى بعرف وكل دا حسب المجهود اللى انا قمت به




.(( انت كل شيء بحياتي )) لمن تقولها ؟
ماما و لحد ما اشوف شريكه حياتى
حيبقوا هما الاتنين





متى اخر مره بكيت؟
مش عارف والله امتى ولا عارف حتى السبب
سورى يا محمد




اي الدول تتمنى ان تزورها ؟
المانيا والامارات والسعوديه وانجلترا فرنسا ايطاليا يعنى بصراحة نفسى ألف العالم كله




هل لديك الجرأه ان تقول عمرك أمامنا ؟
مش فاهم السؤال يا محمد يا ريت توضح شويه





هل انت راضي عن نفسك ؟
لأه





.هل تؤيد الزواج العاطفي ام الزواج التقليدي ؟ ولماذا ؟
الحب العاطفى عشان حيستمر مدى الحياه بينى وبينها





.ايهما اهم شهادتك الجامعيه أم الزواج ممن تحب ؟
الزواج ممن احب عشان هى حتعوضنى عن اى حاجة فى الدنيا وحتقف معايا وحنبنى مستقبلنا سوا




.هل تعترف بشيء اسمه الصداقه بين الرجل والمرأة ؟
اه دى حاجة عاديه وانا ليه اصحاب بنات




.هل انت مدمن تفكير؟
ساعات
يعنى على حسب المواقف اللى حصلتلى فى كل يوم
يعنى التفكير بييجى زى ما بيقولوا كدة بظروفها




.من هو اكثر شخص تفكر فيه؟
مفيش شخص معين عشان بيختلف من وقت لاخر
يعنى بردوا على حسب ظروف الايام اللى انا فيها
وبصراحة ما اقدرش احكم من هو اكتر شخص فكرت فيه




.اذا تم تعيينك ملكا لجميع البلاد العربيه فما اول قرار ستتخذه ؟
انا عمرى ما فكرت ف كدة
بس اكيد يعنى ارجاع القدس لفلسطين ما خلاص بأي حنبقى ايد وحدة وحيبقى فى حاكم واحد وقبطان واحد للسفينة




.هل تكره شخص بشده في حياتك ؟
كل واحد رخم انا بكره
بس رخامه عن رخامه تفرق
يعنى ممكن اقولك انت رخم بس تكون هزار يعنى




.ما هو اقتراحك الذي تتمنى ان يحدث في هذا المنتدى ولم يحدث الى الان ؟
منتدى اخبار النجوم والمشاهير







.هل ملابس الشخص امامك تؤثر فيك لتأخذ عنه انطباع ؟؟
طبعا دى حاجة اساسيه




.ماالذي يلفت انتباهك بسرعه في الشخص لكي تعجب به ؟
انى احس انه احسن منى



اذا احببت شخصا في الوقت الخطأ وفي المكان الخطأ فماذا تفعل ؟؟
حسب شخصيه الفرد دا لو كويس مش حسيبه لو وحش حسيبه طبعا




.حكمة تؤمن بها جدا؟؟
العقل السليم ف الجسم السليم




.عاده تفعلها دائما تتمنى ان تتركها ؟
السيئات اللى انا بعملها نفسى تقل شويه شويه لحد ما اتخلص منها خالص





ماهو اجمل اسم لولد واجمل اسم لبنت من وجهة نظرك؟
عمر
منار





.ماذا تفعل اول شيء اذا ربحت مليون ؟
حسجد لله واشكره





.هل انت من لديهم رغبة حب التملك واذا تملك الشيء اصابه الملل منه ؟
اه بحب انى امتلك اى حاجة
بس بصراحة يا محمد مش فاهم باقى السؤال




.اعتذار تريد ان تقدمه لمن؟
لواحد حيمثلى حاجة كبيره ف المستقبل مثلا ويكون زعلان منى ولا حاجة

وجهة نظرك يا على غير وجهة نظري عشان كل واحد فينا فهم السؤال بطريقه غير التانى خالص


طُلب منك اختيار أحد هذين الشخصين للجلوس معه ورعايته ( رجلٌ مسن أو طفلٌ صغير ) أيهم ستختار ؟ ولماذا؟
زى ما انا قولت يا على هو سؤال صعب وغامض شويه بصراحة
انا فهمت السؤال على انها رعايه لفتره مؤقتة و اخترت الطفل ارعاه عشان لو سيبته حيموت ولسه قدامه حياه يعيشها

اما انت فهمت السؤال بطريقة تانيه غيرى خالص فعشان كدة وجهة نظرك كانت كدة
وانا على فكرة محترم وجهة نظرك جدا
ويا ريت نسمع رأى اللى حاطة السؤال دا (روز دريم) ونعرف ايه وجهة نظرها




ميرسى يا بوب على الاهتمام بقراءه الردود بتاعتي

منور الكرسي يا بوب


انا لسة عارف دلوقتى ان انت الي علي الكرسي

طبعا انت لسة جديد وما تعرفش انا بعمل اية في الي بيقعد علي الكرسي

انت مش محتاج حد يقولك لانك حتشوف بنفسك

نبدا


س/ ازاي وصلت للمنتدى ؟؟؟
س/ اسمك الحقيقي ايه ؟؟؟
س/ ليه اختارت الاسم ده في المنتدى ؟؟؟
س/ مين العضو اللي تهديه ورده حمرا ؟؟؟
س/ مين العضو العصبي ؟؟؟
س/ مين العضو الحنون ؟؟؟
س/ مين العضو الترفيهي ؟؟؟
س/ 4 اعضاء بتحبهم اوي ؟؟؟
س/ 4 مشرفين بتحبهم اوي ؟؟؟
س/ مين العضو المحبوب ؟؟؟
منتظر اجاباتك الجميله ........[/size]

""بطاقتكــ الشخصيهــ""
الاسمــ::
العمر::
الحالهــ الاجتماعيهــ::
السكنــ::
مستواكــ الدراسيــ::
هواياتكــ::
كلـ مايخصـ شخصيتكــ::


املا البيانات دى ياغ بوب