.
كيميائى ذهبى
 mms : 
اوسمه : 
عدد الرسائل : 3654
العمر : 33
جنسيتك : مصر
السٌّمعَة : 17
تاريخ التسجيل : 26/03/2009
 | | موضوع: حكايه قلب الخميس فبراير 25, 2010 9:00 am | |
| حــكايـــة قـــلــــب ***
حكاية قلب
كان قلب طيب فيه خير كان قلب حي وبيحس بيبكي ويتألم
شايف طريق ............عارف انه لابد يمشيه
اخره جنه او نار ...رضا ربنا او سخطه سبحانه وتعالى
كان عارف طريقه لأنه ماكنش عايش في دنيا
كان دايما طواف حول عرش الرحمن كان معلق بحب الله كان مبسوط ومرتاح
كان الهموم تلف حولينه بس ماتقربهوش
الشيطان فقد فيه الأمل ورجع لأبليس
ياعم ده خلاص مافيش منه فايده
نسيبنا منه ونركز على قلب ضعيف
قلب سهل دخول اليه
ابليس فكر وفكر ورجع اعوانه تاني من اول وجديد يحاولو
يمكن بطريقه تانيه
بس الهدف هو هو
ينزل لسابع ارض
ينزل في وحل الغفله والشبهات ينزل تحت اكتر واكتر ينزل في جهنم والعياذ بالله
وابتدوا مع القلب من جديد اخدوه واحده واحده
واحده واحده
وابتدوا يحفروا في سد منيع سد الأستغفار والتوبه للأسف نجحوا
عرفوا يدخلو للقلب
القلب شاف شهوات كان بيشوفها ويغمض ابتدى يشوفها ويفتح
مهما كانت بسيطه وحاجات خفيفه
بس اهو عرفنا ندخل للقلب
براويز اتعلقت جوا ...مره اغاني ومره حب الدنيا ومره ضياع الوقت
ابتدى ينزل وينزل
ابتدى يفوق ويرجع
يحاول يطلع تاني
يرجع يطوف من تاني
يحس بحلاوه الصلاه والذكر
لكن كان فيه براويز شهوات لسا متعلقه ومش قادر يشلها
يحاول يقدم رجل ويأخر رجل يحاول وهو مبسوط بالي فيه
نزل اكتر بدل ماطلع
نزل ومن فقدان الحلاوه لترك الطاعه نزل اكتر واكتر
معاصي وذنوب وغفله
نور القلب انطفى
لقى الشيطان عامل حفله
جامع فيها ابليس واعوانه
ضحكوا عليه للصبح
نجحنا نجحنا
عرف انه اتضحك عليه
عرف انه اتاخد غدر
معقوله ماكنتش شايف
ماكنتش فاهم !!
شال ذنوبه على كتفه
حس بتقلها
اتكعبل ووقع
وقع على وشه
نزلت دمعه من عينه
نزلت دمعه مكسوره
مكسوفه
هو يمكن ؟؟
دمعه تانيه نزلت
دمعه تانيه مقهوره
محسوره على جنه ضيعتها
محسوره على معاصي وذنوب
دمعه تلاته نزلت
دمعة اشتياق
ياااااا
نفسي ارجع تاني ذي ماكنت
صوت انفجر من نفسه
يــــــــــــــــارب
طوفان نور
طوفان نور شال ذنوبه من على كتفه
طوفان نور اخد ابليس واعوانه
غرقهم
رجعهم محسورين
رجعهم خزلا ومحسورين
والقلب رجع بفضل الله ورحمته
رجع للنور
رجع طواف حول عرش الرحمن
رجع نادم ينادي
يا تواب
يا غفور
يا رحيم
سمع صوت من بعيد
طمنه
ريحه
رجعه
قال تعالى " وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحًا ثُمَّ اهْتَدَى "
الله الكريم
أنت عبده
عرفك الأسلام من غير ماتطلب
علمك اياه من غير ماتسأل
اذاقك حلاوة القرب من غير ماتسعى
فكيف وانت تائه حيران منكسر
تطلب التوبه والرجوع
تطلب العفو والمغفره
سبحان من لا اله الا هو
هو ارحم الراحمين واكرم الأكرمين وأجود الأجودين
يامن لا اله الا أنت
تقطعت بنا السبل
وندمنا على مافعلنا
ولا حياة لنا الا برضاك وعفوك
وكيف تطيب الدنيا وانت غير راضي عنا
يامن لا اله الا انت
سبحانك انا كنا من الظالمين
أنت الغفور
أنت الرحمن
أنت الرحيم
أنت لك الأسماء الحسني
وانت الله ذو الجلال والأكرام
اقبل عبدا ضعيفا يسألك
قلب طواف حول عرش الرحمن | |
|
حياتى كلها لله
كيميائى
mms :
عدد الرسائل : 351
العمر : 32
الموقع : البيت
العمل/الترفيه : طالب
المزاج : تمام
جنسيتك : مصر
السٌّمعَة : 2
تاريخ التسجيل : 16/02/2010
| | موضوع: رد: حكايه قلب الخميس فبراير 25, 2010 9:04 am | |
| الله عليكى والله ياروز وبيك جميل جدا والله | |
|
wael
كيميائى ذهبى
عدد الرسائل : 1620
العمر : 35
الموقع : https://demo.ahlamontada.net
العمل/الترفيه : chemistery
المزاج : عالى
جنسيتك : مصر
السٌّمعَة : 4
تاريخ التسجيل : 06/01/2010
| | موضوع: رد: حكايه قلب الخميس فبراير 25, 2010 9:16 am | |
| والله والله والله وبدون مجامله من احلى المواضيع اللى انا شوفتها من اول ما دخلت المنتدى ده دايما ياروز مواضيعك تتميز بالابداع والتشويق كانك بتحكى قصه ومستنيه نهايتها وبتلاقى نهايتها زى ما كلنا بنتمنى---- سعيده وجميله  | |
|
.
كيميائى ذهبى
mms :
اوسمه :
عدد الرسائل : 3654
العمر : 33
جنسيتك : مصر
السٌّمعَة : 17
تاريخ التسجيل : 26/03/2009
| | موضوع: رد: حكايه قلب الخميس فبراير 25, 2010 2:38 pm | |
| شكراا يا جماعه على مروركم
وكويس انى مواضيعى بتعجبكم | |
|
