يوميات احمد ومنى .... الحلقه الثامنه

جوليت ١٣ كتب:: بصي يا نور
ادخلي ع الحلقة الاخيرة من بكرة

وحنزل اعلان كبير ف المنتدى ان الحلقة الاخيرة اول يوم العيد

ههههههههههههههههه

لازم اشوقكم شويه

امال الاعلام بيعمل معانا كده ليه

لازم تشوفه هنا كمان

هههههههههههههههه

Just a Muslim girl كتب:: هههههههههههههههههههه
لا يا دودو ما تخافيش
ده انا بهزر بس

الحمد لله طمنتينى ربنا يطمنك

ويهديكى ياجوليت وتبقى معانا

آميـــــــن ياربــــ

يا سلام

انت معانا ولا مع الناس التانيين

معاكم

احنا الناس التانيين

الحلقه الثامنه

بعنوان

"ربنا بيبارك ف البداية السليمة"

(8)

(ازيك يمنى ........... ياه ماشاء الله !!) قالها احمد بتلقائية كبيرة وهو يسلم على جعلت اخوتى

يبتسمون وانا وجهى احمر من الخجل وفوجئت ان يمدحنى هكذا أمام الجميع !!

لكن كنت سعيدة جدا بهذه الجرأة أو التلقائية لا أدرى ! ومددت يدى أسلم عليه وأكيد لاحظ ارتعاش يدى

وارتباكى ياااه فعلا التليفون أرحم من اللخبطة دى !!!

منى

بجد فوجئت بجمال منى اليوم وجهها نضر وملامحها تنطق بالجازبية والجمال رغم انها لا تضع ماكياج

والحمد لله لم استطع ان أخفى سعادتى عندما رأيت وجهها مرة ثانية والمرة دى أشعر انها ملكى

فازدادت جمالا فى عينى لكن أكيد والدتها وأخواتها بيقولوا على مدلوق جدا !!!

لا امسك نفسك شوية يا سى احمد ما تكسفناش !!

احمد

الله احمد بجد رقيق جدا جايب ورد معاه كنت خايفة يجيب فاكهة بقى وبطيخة والفيلم ده !

ونظرت الى الهدية الكبيرة فى ورقها اللامع وفرحت انه فكر يشترى لى هدية ده يدل انه انسان

كريم ورقيق الحمد لله يارب تفضل كده ياحمد !!

ياترى ح نقعد فين ؟ أكيد مش لوحدنا طبعا طيب أقعد فى الكرسى اللى جنبه ولا بعيد طب بابا موجود ازاى

أقعد جنب احمد فى وجود بابا ؟ ياسلام على الهنا بابا حسم الحدوتة

وقال ( تعالى أقعد جنبى هنا ياحمدر !!!)

منى

يا سلام على الهنا ح أقعد جنب حمايا العزيز اهى دى فيها ساعتين قناة الجزيرة وساعتين

عن مستوى الزمالك المنحدر وبعدها أكيد ح اكون استأذنت وروحت يا خسارة الورد والهدية !!!

الحمد لله منى قعدت فى الكرسى المقابل لنا أنا وعمى لا أدرى هل حمايا لاحظ انى أختلس النظرات الى

وجهها الجميل ؟ بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة

تجعلك لا تمل النظر لها وكنت غير منتبه الى كلام حمايا المطول غصب عنى وأرد فقط

ب طبعا طبعا يا عمى فعلا فعلا يا عمى ايوة فعلا يمنى !!!

وانتبهت الى خطأى واحمر وجهى من الخجل ولاحظ عمى هذا وضحك وقال لى

( ده انت مش معايا انا يا سيدى طب لما أسيبكم تتكلموا شوية وأقوم اتكلم فى التليفون !!! )

احمد

ضحكت جدا على احمد وفرحت بصراحة ان بابا قام وقعدت جنب عمر ولاحظت سعادته بهذا

وقال لى مباشرة ازيك يامنى افتقدتك جدا من المرة اللى فاتت!!) يااه كلمة الافتقاد دى كبيرة اوى

احلى بكتير من وحشتينى كان نفسى أقول له وانا كمان لكن اتكسفت جدا أول مرة أحس انى بنوتة بقى

وبتكسف دول كانوا مسمينى فى العيلة الكابتن من كتر تهريجى !! الظاهر انى ح أكتشف

منى جديدة خالص ما عرفتهاش قبل كده !!

منى

أنا جبت لك هدية يمنىة يارب تعجبك بتحبى الدباديب ؟ فوجئت ان منى نطت من مكانها وحضنت الدبدوب

وقبلته ونيمته فى حضنها وقالت بسعاد طفولية ( الله ده تحفة يا احمد بجد يجنن !!) فرحت جدا برد فعلها

الطفولى الجميل ورغم ان الجميع كانوا حولنا الا انى كنت لا أشعر الا بى وبها فقط

يارب ما تتغيريش يامنى وتفضلى لذيذة كده على طول مش عارف ليه ساعتها

كنت عاوز أقول لكل العالم ان هذه الطفلة الجميلة طفلتى أنا !!!

احمد

ايه الجنان ده ؟أكيد ح يقول على عيلة دلوقت !!! طب ماهو اللى غلطان كان لازم يجيب دبدوب يعنى ؟

ده أنا باموت فيهم يوووووه هو أنا لازم أفضل محتارة على طول ؟ لازم يتعود على زى ما أنا !!

بس كل صديقاتى قالوا لى اتقلى واعملى فيها الراسية العاقلة وماما بتبص لى من بعيد نفسها تقتلنى !!

بس احمد فيه فى عينيه نظرة حنان جميلة بتخلينى أطلع كل اللى جوايا بدون اى تصنع

وده اللى مخلينى معجبه بيه

منى

ياااه انا نسيت كل الموجودين ونسيت الوقت معقول بقى لنا ساعتين بنتكلم ؟!

انا نسيت انى ضيف ولازم ما أقعدش كتير اوى كده !!! بجد كلام منى لذيذ جدا

وحبل الكلام بيننا ممتد الى مالا نهاية بدون أى تكلف ولاحظت انها قارئة جيدة مش روشة طحن زى بقية

البنات ومخها أبيض ودى حاجة عاجبانى فيها جدا بتحسسنى انى قاعد مع الف بنت :

1-صديقة

2- وأخت

3-وزميلة

4- وطفلة

5-وأنثى

6-وقريبة

ووووو ووووو

7-"حبيبة"

احمد

احمد مشى من قليل وبجد انا مرتاحة جدا دلوقت حسيت انى سعيدة لأننا على درجة كبيرة من التفاهم او

على الأقل فيه ناس باحس انى مخنوقة منهم بسرعة لكن مع احمد لا

دايما باحس انى على طبيعتى وعاوزة اقول له كل اللى جوايا بدون زواق ومش محتاجة اتكلف اى حاجة

علشان أعجبه ومتهيألى دى حاجة كبيرة ووو

قطع تفكيرى صوت اسراء(احمد على التليفون هو لحق وصل!!!! )

نطيت رفعت السماعة وانا طايرة من الفرح : الو ايوة يا احمد انت وصلت ؟

- لا باتكلم من عند البقال!! ايوة وصلت طبعا انا كنت سايق على 120 علشان أوصل بسرعة وأكمل كلامى

معاكى دى ماما اتخضت وانا باجرى على اودتى علشان أكلمك !!

- ..................

- ساكتة ليه ؟

- مش عارفة أقول ايه ؟ انا بجد فرحانة وقلقانة ومبسوطة وخايفة وووو

- ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى

لكن

-

ياعم قول ياباسط أحمد السقا ههههههههههه

- كده يامنى الله يسامحك طب ادينى ضحكتك ياستى قولى لى خايفة من ايه ؟

- خايفة اننا بنقرب لبعض بسرعة أوى وانا ماليش تجارب قبل كد فخايفة أكون فرحانة

بس بفكرة الحب والارتباط ومش قادرة أقيم الموضوع صح واطلع غلطانة فى الاخر

- ما تخافيش من أى حاجة فى الدنيا طول ما انا جنبك يا حبيبتى

- ( ياااه ياحمدر بجد انت اللى غالى )

فى سرى طبعا

- الوووووووووو الوووووووووو

الو الو الو

منى سامعانى ؟

- ايوة ايوة ايوة

ههههههههههههه

- بصى ياستى انتى بتعدى الشارع وفيه عربيات؟

- طبعا

- بتدخلى مبنى ما دخلتهوش قبل كده علشان تخلصى مصلحة ليكى ؟

- أكيد

- بتركبى تاكسى لوحدك ؟

- ايوة ايوة ايه الأسئلة العجيبة دى كلها ؟

- طب ليه مش خايفة وانتى بتعدى الشارع عربية تخبطك لا قدر الله يبقى نبطل نعدى شوارع أحسن

ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟

يا منى لو خفنا من كل حاجة عمرنا ما ح نعمل حاجة ابدا وبعدين احنا واخدين الطريق الشرعى

أمام الله وأمام الناس ونيتنا احنا الاتنين اننا نرضى الله فى الحلال يبقى الخوف والفشل ح ييجوا منين ؟

- انا خايفة من اختلاف الشخصيات ياحمدر يكون سبب الفشل!!!

- بصى يامنى أكبر غلط كل البنات بترتكبه انها تتجوز واحد بشخصية معينة وتحلم انها تخلق

منه شخصية مختلفة 180 درجة مفروض اننا نحب الانسان بمميزاته وعيوبه

ونتقبله كما هو ونحبه زى ماهو

- مش بيقولوا مراية الحب عامية ؟

- دى مراية الحب مفتحة ولها عشر عيون بقى انا مش ح اشوف الانسان اللى باحبه ؟ امال ح اشوف مين

يعنى ؟ يعنى انا دلوقتى مش شايفك ؟

- ياااااااه أول مرة يعنى انت بتحبنى ياحمد؟؟؟؟ ( برضه فى سرى)

-بلاش كدب يمنى الواد قال لك قبل كده-

- منى انتى فين ؟

- انا سامعاك انت عارف يا احمد اكتر حاجة بتعجبنى فيك ايه ؟

- غير انى شبه احمد السقا ؟

- ههههه برضه مصمم ؟ ماشى يا سيدى لا بجد باحس انى باكلم حد من صديقاتى مش خطيبى يعنى

حاسة ان الصداقة بيننا بتكبر كل يوم ودى حاجة مفرحانى جدا

- على فكرة ده نفس احساسى انا كمان عارفة يامنى مهم جدا ان الأزواج يكونوا اصدقاء

ده بيخلى التفاهم بينهم كبير جدا

- انت عارف ياحمد الزواج عامل زى بيت من 3 ادوار الدور الاول الاعجاب والانبهار والرغبة الشديدة

والدور التانى الحب والدور التالت الصداقة فلو غبار الزمن والتعود والمشاكل طمس الدورين الأول والتانى

لا يمكن ح يوصل للتالت ابدا

- انا بجد لقيت كنز لما لقيتك يا منى انتى بجد مليتى على الدنيا انا حاسس انى مش محتاج

حد تانى من الدنيا الحمد لله يارب

- ربنا يخليك لى يااحمد

- انا لى عندك طلب يامنى ياريت نخلى حفلة خطوبتنا والشبكة نكتب فيها الكتاب كمان ايه رأيك؟

- كتب كتاب !!!! بسرعة كده !!!!!

- بصى يامنى ما تتخضيش خدى وقتك وفكرى بس انا مش عاوز أغضب ربنا فى حاجة جوايا كلام كتير مش

قادر أقوله ليكى ونفسى نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا

الاتنين وما تفتكريش انى كده بأقيدك او بألزمك بحاجة لا يوم ما تحبى تبعدينى من حياتك

ح ابعد بدون قيود

- ايوة بس

- بصى يامنى ربنا هو اللى جمعنا و اعطانا نعمة كبيرة اننا قربنا لبعض بفضله وحده

فمش معقول اننا نشكر النعمة دى بأننا نعمل معصية صدقينى لو أرضيناه ح يرضينا بصى فكرى براحتك

وردى على معلش طولت عليكى انا بجد اسف الوقت معاكى بيعدى من غير ما احس حاسيبك ترتاحى

دلوقتى خلى بالك من نفسك

- تصبح على خير

- تصبحى على خير يا ملاكى

» يوميات شله المنتدى ده
» يوميات ابليس
» يوميات طفل شقيان
» محششين بيتكلموا جدا .. ضيف الحلقه بوش
» يوميات شباب(الجزء الاول)