good girl....على كرسى الاعتراف..

محمد ريكاردو00انا من الاخر خت انطباع عنك انك راجل جدع وشخصيه محترمه



ايه الكلام الجامد ده يا بوب احنا مش قدك والله

وباين من ردودك انك شخص محترم اوى وفاهم الدنيا صح

وبجد والله من اول ما انت دخلت المنتدى وانت عامل شغل جامد جدا

والناس كلها عارفه كده

ميرسى يا وائل على كلامك الجميل ده

ويلا خلص الاسئله دى عشان اسألك يا بوب.

كل دى اسئله 0000يا خبر ابيض000اوك حجاوب بصراحه
ايه اكتر قسم بتحيه فى المنت
فضفضه
ايه اكتر موضوع عجبك فى المنتدى
مممممممممممممممم00طالب صايع اخر حاجه
يعنى ايه صداقه بالنسبه لك
يعنى حب وتسامح وجدعنه
التاريخ اللى انت لا تنساه ايه الذكرى بتاعته ؟؟؟؟
خبر نجاحى السنه اللى فاتت
ايه هو حلمك ؟؟؟
انى اخلص الكليه والاقى وظيفه كويسه
حاجه نفسك الدنيا تديهالك ومتحرمكش منها ؟؟؟؟
حب الناس
طُلب منك اختيار أحد هذين الشخصين للجلوس معه ورعايته ( رجلٌ مسن أو طفلٌ صغير ) أيهم ستختار ؟ ولماذا؟
رجل مسن000لانه محتاج ان حد يقعد معاه ويسانده فى ظروفه الصحيه
ماذا تعني لكِ هذه المفردات :
القلم - البحر - الوقت - الشمس - القمر - الإعتذار - الأمل - الليل ..
القلم000النجاح
البحر000الجمال
الوقت0000السرعه القاتله
الشمس0000نور الحياه
القمر والليل000الهدوء والسكون
الاعتذار0000عقل ورزانه
الامل000احساس جميل
كل واحد عنده ذكريات .. ذكرى تتمنى انك تنساها وذكرى تتمنى انها تفضل معاك ؟؟؟؟
اتمنى انى انساها000يوم التنسيق000ذكرى انى تفضل معايا000ايام الثانوى العام
ما العنوان او الأسم الذي ستطلقه على الدنيا؟
ضحكه الدنيا
الشيء الذى لايمكنك الاستغناء عنة؟
اصدقائى
لمن تقول انت استاذى ومعلمى ؟
اقول لوائل نفسه انت استاذى ومعلمى
اتمنى صداقتك
اقول لكل اعضاء المنتدى اتمنى صداقتكم
نفسي اشوفك
كل اعضاء المنتدى
بعتب عليك
محمد الطباخ
جرجتنى وسامحتك
ويكا
مقدرش انساك
المرحوم لاعب الاهلى محمد عبد الوهاب
مفتقدك
واحد صاحبى اسمه سامح
متزعلش منى
انا مزعلتش حد منى بس لو فيه حد زعلان منى بقوله متزعلش
مبستحملش دموعك
والدتى
لو استرجعت شريط ذكرياتك ..... ماذا تحب ان تمحي من هذا الشريط؟
سنه اولى جامعه
لو معاك رساله واحدة بس هتبعتيها لمين ؟ وهتقولة اية؟
حبعتها لامى وحقولها يا رب تكونى راضيه عنى
الحمد لله كده اسئله روز دريم خلصت بس بجد اسئله حلوه اوى بشكرك ياروز على الاسئله الحلوه دى0000شويه كده وادخل على ويكا

يا لا بينا يا ويكا معلش اتاخرت عليكوا000
من انت ؟؟ *
انا اسمى وائل00الدفعه الثانيه00كليه العلوم00قسم كيمياء فيزياء00من مدينه المحموديه 00محافظه البحيره
باقة ورد لمن تهديها ؟؟ *
لوالدى ووالدتى
*باقة شوك لمن تهديها ؟؟
لكل انسان همجى قليل الذوق
اسوأ خبر سمعته؟؟
خبر وفاه جدتى
شخص لاترفض له طلبا
والدى
من يطربك ؟؟ *
عبد الحليم حافظ
* ماهي التجربه التي تتمنى تكرارها
اسافر مره تالته الساحل الشمالى
من هو توأم روحك
صديق لى اسمه حازم
ماهو اكثر شئ تخشاه؟؟ *
الفشل
مالذي يشعرك بأكثر قدر من الحرج؟؟
ان اكون نازل من البيت رايح مشوار مهم وافتح باب الشقه الاقى ضيف جاى يزورنى00
نزار شاعر المرأه. وانت شاعر من ؟؟
انا شاعر بشويه برد ودماغى وجعانى000ههههههههههه00ممكن تقول عليا شاعر البهجه والسعاده
حمامة زاجل استقرت على نافذتك تحمل رسالة من
مجهول فممن تتمنى ان تكون؟؟
من مستقبلى المجهول
جريمه تتمنى ارتكابها؟؟
انى اقتل حاجه اسمها الياس والاحباط
قطعة فحم صغيرة وجدار نظيف ماذا سترسم عليه ,,
وماذا ستكتب تحت الصورة؟؟
حارسم ورده كبيره واكتب تحتيها 00الحياه بجد حلوه
كلمه اخيره .. بعد ان اصابك الملل..؟؟
بالكلمه الحلوه ممكن تصل لقلوب كل الناس
16
رايك في كل عضو
الملاك
الطباخ
سنووايت
جوليت
كاتي جيرل
حياتي فداك
محمد ريكاردو
ويكا
البرنسيسه ميره
صمت الكلام
تويتي
انا قولت راى فيهم قبل كده واللى مقولتهمش زى تويتى وصمت الكلام والبرنسيسه ميره وحياتى فداك وكاتى جيرل 00كلهم بجد ناس محترمه جدا ويزدنى شرف ان اتعرف بيهم000بكدا اكون خلصت اسئله ويكا وكانت جميله جدا ورومانسيه جدا شكرا ليك يا ويكا ومستنى اسئله باقى الاعضاء000

انا شايف ان الاعضاء نسونى خالص0000لو معندكوش اسئله ممكن اسال انا واجاوب 000مستنى اسئله كتيييييييييييييييييييير

ازيك يا وائل

حاسس بايه وانت ع كرسي الاعتراف
عبر عن احساسك بكلمة واحدة
هو اخر يوم ليك ع الكرسي امتة
انت ايه اللي مصحيك دلوقت



اذا كانت عندك ورقه فاضيه ايه اكثر شي تحب ترسمه عليها؟ وليه ؟

2) قطار حياتك الى اين يتجه ؟

3) صف نفسك فى بضع كلمات ؟

4) شخص في حياتك تحس انه مظلوم ؟

5) حقيبة اسرارك عند من تودعها؟

6) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟

7) أين تأخذك ذروة الغضب و كيف تعبر عنه ؟

8) ما أجمل شيء حبيته فـي المنتدى ؟

9) لماذا لم تصبح مشهور؟

10) متى يعاندك النسيان ؟

11) هل حدث أن انتصرت على نفسك يوما وأحصيت عيوبك ؟

12) ما هو انطباعك عن الحب ؟

13) هل انت فعلا تحب من قلبك الأن ؟

14) هل تعتقد انك مقصر فى حق من تحبه ؟

15) متى يقسو قلبك؟

16) متى تخجل من نفسك ؟

17) في زمن البحث عن المادة عن ماذا تبحث أنت؟

ايوه كده كنتى فين من زمان يا جوليت000انا زى الفل يارب تكونى انتى بخير000
حاسس بايه وانت ع كرسي الاعتراف
عبر عن احساسك بكلمة واحدة
سعيد جدا
هو اخر يوم ليك ع الكرسي امتة
يوم الاثنين القادم
انت ايه اللي مصحيك دلوقت
نفس السبب اللى مصحيكى 000يعنى من الاخر مش جايلى نوم
اذا كانت عندك ورقه فاضيه ايه اكثر شي تحب ترسمه عليها؟
انا اساسا مش حلو اوى فى الرسم بس ممكن ارسم ارض زراعيه وناس بتزرع الارض000علشان بشوف فيها السحر والجمال
قطار حياتك الى اين يتجه ؟
عند محطه الرمل0000ههههههههههه000بصراحه مش عارف يا جوليت
صف نفسك فى بضع كلمات ؟
مبحبش اوصف نفسى بحب الناس هى اللى توصفنى
شخص في حياتك تحس انه مظلوم ؟
اخويا000كان المفروض يتعين معيد بس محصلش نصيب
حقيبة اسرارك عند من تودعها؟
عند بعض لصدقائى المقربين جدا
احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟
انا شايف بالنسبه ليا صعب جدا جدا جدا0العيش بدون اصدقاء0لانى مرتبط باصدقائى ارتباط ابدى
أين تأخذك ذروة الغضب و كيف تعبر عنه ؟
الى حزن000واعبر عنه بالصمت التام
ما أجمل شيء حبيته فـي المنتدى ؟
الترابط والانسجام بين الاعضاء
لماذا لم تصبح مشهور؟
علشان انا مش لاعب كره ولا مطرب ولا فنان ولا عالم0000وقبل كل ده معنديش حظ
متى يعاندك النسيان ؟
عند الانهماك فى العمل
هل حدث أن انتصرت على نفسك يوما وأحصيت عيوبك
بجد كتير جدا
ما هو انطباعك عن الحب ؟
شى جميل 00وحاجه حلوه وجميله لما تلاقى انسان بيحبك بس بيحبك علشان شخصيتك وطباعك مش حب تيك اواى ومصالح شخصيه
هل انت فعلا تحب من قلبك الأن ؟
مش فاهم السوال والله يا جوليت مش فاهم تقصدى ايه
هل تعتقد انك مقصر فى حق من تحبه ؟
لو هو بيحبنى زى ما بحبه 00حيعرف انى مش مقصر00لان ظروف العمل والدراسه ساعات بتشغل الانسان شويه000بس اللى فى القلب فى القلب
متى يقسو قلبك؟
بجد والله العظيم عمرى ما بقسى قلبى00انا ممكن ازعل شويه بس بارجع تانى لمودى وحياتى الطبيعيه
متى تخجل من نفسك ؟
لما احس بالفشل
في زمن البحث عن المادة عن ماذا تبحث أنت؟
بابحث عن الحب اولا ثم الماده
باشكرك يا جوليت بجد على الاسئله الجميله دى ودى بجد اكتر اسئله فكرت فيها لحد دلوقتى00وفى انتظار اسئله باقى الاعضاء

انا rozy
واهدى الباقة لماما
باقة الشوق لكل شخص عمل معى اشياء مش بحبها
اسوا خبر يوم نتيجتى السنة الماضية
ماما وبابا
مفيش حد معين
انى اعيد الثانوية العامة تانى مع انها كانت ايام مش حلوة
اخى الصغير أحمد
النار وعذاب القبر
اكثر شى يشعرنى بالحرج حاجات كتيرة
معرفش بصراحة
فارس احلآمى
نفسى اقل اللى سرق تليفونى
مافيش شى محددللصورة
بصراحة هى فكرة جميلة جدا وارجو ان تكملها
بصراحة معرفهمش علشان انا جديدة على المنتدى معرفش الآعضاء دية

االسلام عليكم ورحمه الله وبركاته
بشكر كل الا عضاء اللى سالونى على كرسى الاعتراف وهم روز دريم وجوليت وويكا وريكاردو وكانت اسئله اجميله جدا وخاصه اسئله جوليت كانت محتاجه تفكير كبير0000وانا با ختار شهر ذاد تقعد على الكرسى مكانى ويارب تكونى سعيده على كرسى الاعتراف

اوك باختار محمود سالم على الكرسى

طاب انا مستني الاسئله؟!!!!

بس ينفع لو سؤال محرج بالنسبالي مجوبش ولا ايه؟!!!!!!

هوة لازم اعمل rais hand علشان أقعد ولا ايةالكلام

انا وانت واحد يا ماجيك...

ايه معندكش اسئله؟!!!

المنتدى منور بصحابه يا روز
بس الاسئله كتير بس معاكي واحده واحده.
1.في اقسام كتير حلوه ممكن (التنميه البشريه)و(المنتدي الاسلامي) وفي تاني اكيد.
2.اكتر موضوع عجبني موضوع ليكي اسمه (حبيبي) ودي مش مجامله...لو مش مصدقه روحي شوفي تعليقي هتتأكدي.
3.الصداقه بتعنيلي حاجات كتير اوي
مش هقدر اوصفها بكلمات
الصداقه يعني التضحيه والوفاء للصديق
وطبعا حطي تحت التضحيه ألف خط...
كل انسان بيبقى ليه صديق واحد بس مهما كان الناس ال بيحبوه كتير وبيحبهم...
4.التاريخ ال عمري ما هنساه(1\1)عشان بدايه السنه الجديده...هههههههههه
عشان فيه عيد ميلاد ناس غاليه عندي ومتفهمنيش صح...اكتر من شخص مش شخص واحد علي فكره عيد ميلادهم (1\1).
5.حلمي:اني لما اتخرج من الكليه اشتغل بالمؤهل بتاعي في مكان يليق بالمؤهل ده.
6.نفسي الدنيا تديلي زوجه صالحه.
7.هختار رجل مسن لأنه الاضعف من وجهه نظري.
8.القلم:رمز القوه
البحر:رمز التفكير العميق
الوقت:ده بقى اخطر حاجه (رمز الالتزام)
الشمس:رمز الحياه
القمر:رمز الحب
الاعتذار:رمز الاحساس بالذات
الامل:رمز الحياه ايضا(طول ما في شمس في امل)

الليل:رمز التفكير
9.ذكرى انساها:حاجه حصلت وانا طفل

ذكرى تفضل معايا:معرفتي بشخصيه اثرت فياا اا كتير (للاسف بقت ذكرى)
10.اسمي الدنيا:(بداية النهايه)

11.الحاجه ال مقدرش استغنى عنها:(حب الناس ليا).
12.استاذي ومعلمي(مدرس الرياضه في الثانوي)مش لانه مدرس بس !!! لأنه علمني ازاي ابقى ناجح وحسسني اني ابنو مش زي ابنو (ابنو فعلا).
13.اقول
اتمنى صداقتك:ل دكتور هيثم
نفسي اشوفك:الرسول(ص) في المنام

بعتب عليك:واحد صاحبي

جرحتني وسامحتك:مفيش حد(كلها حاجات مع الوقت بتبقى عاديه)
مقدرش انساك:حب من الابتدائي لحد دلوقتي
مفتقدك:اعز صاحب ليا(اسلام) اصلو مسافر

متزعلش مني:اي حد زعلان مني ومقليش انو زعلان بقوله متزعلش مني
مبستحملش دموعك:أمي طبعاااا.
14.احب امحي من شريط ذكرياتي:مرحله الاعدادي حاسس انها مكنش ليها لازمه...مرحله جافه خالص بالنسبالي
15.لو معايا رساله:هبعتها لدكتور حسن ترك...أقوله فيها (ألف شكر يا دكتور).

هههههههههه
معلش اصل أول مره ألعب اللعبه دي
بس علي فكره
أسألتك مش سهله خاااالص
ولو كانت الاسئله عاديه كنت هجاوب اجابات عاديه...
ربنا يستر بقى في الاسئله الجايه

سألتك مش سهله خاااالص
ولو كانت الاسئله عاديه كنت هجاوب اجابات عادي

مفيش حاجه سهله اليومين دوول

وبعدين ده انا اطيب واحده فى الاعضاء شوف دلوقتى واسئلتهم نازله ترف تقول الله يرحم اسئلتك ياروز

منور الكرسي يا محمود
مش حطول في المقدمة يلا يا بطل

بالنسبة للمنتدى
حاجة عجباك فيه
حاجة مضيقاك منه

مين اكتر حد بتحبه مامتك ولا باباك وليه

كم مره تعرضت لموقف حسيت بيه بالظلم اوي وانك نفسك الارض تتشق وتبلعك

ايه معنى الحياه في نظرك

عندك كام اخ وكام اخت

انت من النوع اللي بيحب يهتم بمظهره قدام الناس ولا عادي مش تفرق عندك

كم مره حبيت ومين هي وفي الكليه ولا حب الثانوي

انت من النوع اللي بيؤمن بالحب من اول نظره




لو عينوك رئيس الجمهوريه اول قرار تتخذه وليه

شايف ان مصر ممكن في يوم من الايام تبقي دوله متحضره

شايف انك انسان ناجح في حياته وممكن تتطلع حاجه الناس تتكلم عليها في يوم من الايام

اكتر موقف حسيت فيه بالاحراج وكان فين ومين اللي احرجك

اكتر حاجه ممكن تجذب نظرك في كتاب

شايف نفسك من النوع الموهوب وايه موهبتك

بتحس بالاحراج لما تقول سنك ادام حد


حاسس انك دخلت علوم غصب عنك ولا خلاص (ارضي بنصيبي )

ايه اكتر موقف خلاك تبكي ومكنتش قادر تمسك دموعك

ايه احلي حلم ممكن تحلم بيه بس ما تعرفش تحققه

ايه انطباعك عن كل دول

الحياه
البحر
السما ء
الخضره
فكرت في يوم تنتحر وايه الموقف اللي خلاك تعمل كده

قول رايك عن دول

روز

سنووايت

جوليت

ويكا

ميمو

مؤه

طباخ

حماده

الملاك البريء

محمد ريكاردو

ستانك جيرل
البرنسيسة ميرة
الماجيك
مصطفى حلمي

اول يوم ليك في الكلية كان عامل ازاي
اخر يوم امتحناتك كان عامل ازاي
يوم حصلك موقف خلاك تقول يا ريتني مجيت الكلية النهاردة؟
ايه هو الموقف المحرج ده؟


اكتر حاجة بتزعلك
اكتر حاجة بتبسطك

نفسك في ايه دلوقت حالا

1.كل إنسان فينا له خصاله السيئة و الحسنة ، إذا ما هي بعض خصالك السيئة و الحسنة التي تحب ذكرها لنا?
السيئه:قلوق,حساس وباخد كل حاجه علي اعصابي,انطوائي شويه علي راي واحد,قليل الزيارات للاقارب والاصحاب...
الحسنه:صحابي يقولو دي مش انا...2.مالذي تفعله إذا وجدت آراء مخالفة لتفكيرك ؟
بحترم الاراء دي بس مش من السهل اني اقتنع بيها...3.ماذا تعني الصراحة بالنسبة لكِ?
بتعنيلي كل حاجه صح واتعلمتها من جدي الله يرحموا...
4.محطات الفشل كثيرة ، تمر بالإنسان و تحطم الكثيرين ، هل مرت بكِ محطة من هذا النوع ؟!؟ و ما كان تأثيرها عليك ؟!
الحمد لله مفيش فشل خالص لحد دلوقت...5.الحب رابط مقدس بدونه تصبح حياتنا جحيم لا يطاق ، و لكن قد يكون سبب للتعاسة و الألم ، في نظرك متى يكون الحب مصدر للألم و الأسى ؟
لما يكون من طرف واحد...6.أحلى برنامج تلفزيوني بالنسبة لك ؟؟
العاشره مساءا...7.ما هو الشيء الذي تحس أنك مبدع فيه ؟؟
التأليف.اغاني وقصص وكده...8.لمن تهدي هذه الهدايا ؟؟
كتاب :لاعز صحابي اسلام
سيارة :لبابا
وردة : لأمي
لاب توب :لاخويا
شلن :ليكي يا روز !!!!
موبايل:لاختي9.ايه اكتر لحظه ممكن تخليك تعيط فى حياتك؟ امتى بكيت من قلبك ؟
لما بحس اني مظلوم بدمع بس طبعاااا بكون لوحدي مش قدام حد...10.بتعترف بمعنى الكرامه فى الحب ولا لا؟
طبعاااا بعترف بالكرامه في الحب
لازم الحب يكون في كرامه واحترام وتقدير...11.ايه رايك فى الغيره فى الحب وهل بتعتبرها عدم ثقه فى النفس ولا حب زايد؟
الغيره مطلوبه في الحب بتحسس الشخصين ببعض
بس الغيره عممال على بطااال مش حلوه وف الحاله دي بتبقى عدم ثقه...12.لو حصل لقدر الله ليك مشكله من اول حد بتروح ليه وتحكى ليه؟
اعز اصدقائي اسلام صاحبي...
13.نفسك فى ايه ومش حققتيه؟
نفسي اخلص دراسه والاقي شريكه حياتي...14.نفسك فى ايه وحققته؟
اخلص ثانويه عامه...
15.نفسك تكون ايه فى المستقبل؟
نفسي اشتغل بالمؤهل بتاعي في مكان يليق بالمؤهل ده...ويا ريت ابقى عالم فزيائي وليه لأ !!!! ربنا يسهل...16.تتمنى ايه لبلدك ؟
اتمنا لبلدي تلاقي ناس تخاف عليها
وتتقدم في جميع المجالات...

تنوري يا

مش ناسيكي يا جوليت بس بجد انا تعبان خالص ...هرتاح شويه واجاوب علي أسألتك كلها ان شاء الله ...

منور الكرسي يا محمود
بنورك يا جوليت
1.بالنسبة للمنتدى
حاجة عجباك فيه:المواضيع والافكار مفيده جداا
حاجة مضيقاك منه:الطباخ موقفني دفاع في منتخب الكليه وانا مش بعرف ادافع خالص !!!.
2.مين اكتر حد بتحبه مامتك ولا باباك وليه؟
بحب الاتنين زي بعض بالظبط لان كل واحد فيهم ليه واجباته ال التاني مش بيعرف يعملها يعني الاتنين بيكملو بعض.
3.كم مره تعرضت لموقف حسيت بيه بالظلم اوي وانك نفسك الارض تتشق وتبلعك؟
السؤال مش فاهمه بصراحه !!! يعني لو انا حسيت بالظلم ايه ال هيخليني احس ان الارض تنشق وتبلعني !!! بالعكس انا هحاول اوضح اني مظلوم او هحاول اخد حقي من ال ظلمني.
4.ايه معنى الحياه في نظرك؟
باختصار شديد وسيله لدخول الجنه او النار.
5.عندك كام اخ وكام اخت؟
اخ واخت
6.انت من النوع اللي بيحب يهتم بمظهره قدام الناس ولا عادي مش تفرق عندك؟
بحب اهتم بمظهري اكيد سواء الصفات أو اللبس.
7.كم مره حبيت ومين هي وفي الكليه ولا حب الثانوي؟
مره واحده من الابتدائي لحد دلوقت.
8.انت من النوع اللي بيؤمن بالحب من اول نظره؟
ساعات مش دايما...بس اخطر حاجه علي فكره حب النظرات ده جاااااااااامد.
9.لو عينوك رئيس الجمهوريه اول قرار تتخذه وليه؟
هخرج معظم الناس الكبار في السن من الوظائف الحكوميه علي المعاش وهعين الشباب بمرتبات معقوله.
10.شايف ان مصر ممكن في يوم من الايام تبقي دوله متحضره؟
اكيد انا بتمنى لبلدي تبقى دوله متحضره واحسن دوله كمان...فمن باب التفاؤل شايف ان شاء الله هتبقى دوله متحضره.
11.شايف انك انسان ناجح في حياته وممكن تتطلع حاجه الناس تتكلم عليها في يوم من الايام؟
انا بحاول اعمل الواجبات بتاعتي في الحياه وبجتهد وسايب التوفيق علي ربنا...ربنا يسهل.
12.اكتر موقف حسيت فيه بالاحراج وكان فين ومين اللي احرجك؟
ههههههههههه...في الكليه وانا في القاعه وكنت سرحان وعامل رجل علي رجل ادام الدكتور وكان كل شويه يبصلي وانا مش واخد بالي وبقول يا ترى هو كل شويه يبصلي ليه ولما خدت بالي اتحرجت كتيييييير ونزلت رجلي علي طول.
13.اكتر حاجه ممكن تجذب نظرك في كتاب؟
الفهرس والعنوان.
14.شايف نفسك من النوع الموهوب وايه موهبتك؟
في التأليف...اغاني وشعر وكده.
15.بتحس بالاحراج لما تقول سنك ادام حد؟
لا طبعاااا...يا جماعه انا عندي عشرين سنه .
16.حاسس انك دخلت علوم غصب عنك ولا خلاص (ارضي بنصيبي )؟
مكنتش راضي وانا داخلها فعلا...بس دلوقت راضي الحمد لله.
17.ايه اكتر موقف خلاك تبكي ومكنتش قادر تمسك دموعك؟
وفاه ابو واحد صاحبي كنت بحبه اوي...الله يرحمه.
18.ايه احلي حلم ممكن تحلم بيه بس ما تعرفش تحققه؟
اني اطلع مهندس بترول.
19.ايه انطباعك عن كل دول
الحياه:لازم الانسان يتعامل معاها بجديه عشان متتعبوش ويرتاح بعد كده...
البحر:لما بشوفو بحس اني بفكر تفكير عميق بس ف ايه؟ مش بعرف احدد...ههههههههه
السما ء:بتفكرني بكلمه سبحان الله والمطر وكده
الخضره:بحب اشوف الخضره وبشوف فيها الناس الغاليه عندي.
20.فكرت في يوم تنتحر وايه الموقف اللي خلاك تعمل كده؟
لا لا اعوز بالله مفكرتش ومش هفكر ان شاء الله
بس اكيد فكرت في الكلمه وليه الناس بتعمل كده.
21.قول رايك عن دول

روز:مواضيعها كويسه جدااا,مرتبه,واقعيه ممكن,بتحب الهزار,مسامحه,عارفه هيا بتعمل ايه...والله أعلم
سنووايت:مواضيعها حلوه...
جوليت:ممكن رومانسيه,بتتخيل كتير,بتحب تسمع وتاخد أراء الناس والله أعلم...
ويكا:محترم جدااا,زميل دراسه وبحبه أوي,طيب,جدع,...
ميمو وموءه:مشفتش ليهم مواضيع ومش هعرف اقول فيهم حاجه...بس اكيد ناس محترمين.

طباخ:زميل دراسه ,وجدع,محترم,...

حماده وريكاردوا:شباب زي الفل,بيحبو أصحابهم,وبيحبو يتعرفو علي الناس,محترمين,مواضيعهم جميله,...

الملاك البريء:زميل دراسه وبحبه,متسرع شويه,طيب,انسان محترم بمعنى الكلمه...
ستانك جيرل:مواضيعها جميله اوي,ممكن خجوله,متواضعه,احلامها بسيطه,راضيه بكل حاجه والله أعلم.

الماجيك:شخص جميل,طيب,نشيط علي طول,بيحب صحابه وبيحبوه,جدع,من الاخر ماجيك.
مصطفى حلمي:ختامها مسك...صديقي وجدع أوي,مواضيعو في الصميم,صاحب صحبه,طيب,بيسأل عليه علي طول,فيه الخير واللهي...
22.اول يوم ليك في الكلية كان عامل ازاي؟
اكيد كنت مبسوط,مرحله جديده وكده,شوفت ناس واتعرفت على ناس,كان لذيذ يعني...
23.اخر يوم امتحناتك كان عامل ازاي؟
مكنش لطيف خالص !!! الامتحان كان صعب وطويل وكنت مدايق...بس ال خلاني افرح اليوم ده فوز مصر بكاس افريقيا وعملت عمايل محدش عملها قبل كده...يعني حزن الصبح وفرح بليل كان يوم ملغبط.هههههههه
24.يوم حصلك موقف خلاك تقول يا ريتني مجيت الكلية النهاردة؟
لما بيبقى عندي محاضره واحده والدكتور يغيب بقول يا رتني ما جيت النهارده !!
25.اكتر حاجة بتزعلك:لما حد يفهمني غلط أو ياخد عني انطباع مش صح.
اكتر حاجة بتبسطك:لما بحس اني راضي عن نفسي.

نفسك في ايه دلوقت حالا:نفسي ف كانز عطشان أوي...هههههههه