صفحات من الحياه : (ياريت كل الاعضاء تدخل ضروري)

بسم الله الرحمن الرحيم

انا و الله مش عارفه اقول ايه بعد الكلام اللي اتقال بس اولا شكرا علي الاستضافه
و يا رب اكون ضيف خفيف

اكتر موقف بيحصل معايا بصراحه هوا اني بنخدع في الناس ناس كتير فكرتهم اصحابي و حبايبي

و طلعوا غير كده و اخدت علي دماغي منهم لغيت مقلت بس و لكن انا مش عارفه هل العيب فيا اني بتعامل مع الناس بحسن نيه ولا العيب فين بالظبط
يالا ما علينا و لكن انا دايما بقول ان الواحد لازم يتعامل مع الناس بقلب ابيض و ميسبقش بالشر لاني بجد عرفت ناس عكس كده تماما ناس حسيت ان ربنا بيحبني ان حطهم في طريقي

& & & & & & & &

حاجتين بحس انهم لازم يكونوا في الانسان لما يحب يتعامل مع الناس الصراحه و دي الاساس اللي الواحد المفروض يمشي عليه لان الصراحه و الصدق بتفتح كل الابواب اللي مقفوله
و بتحبب فيك الناس حتي لو في ناس زعلت فانت ارضيت من في السما
ء و سبحانه و تعالي هيرضي عليك من في الارض
فالصراحه دي شئ مفروض منه

تاني حاجه بقي بكرها كره العمي المجاملات الكدابه بحس انه نفااااااااااااااق متاصل يعني مينفعش تقول علي حاجه مش كويسه انها اجمل حاجه في الدنيا ده يبقي كدب و نفاق

بس ده ميمنعش من ابداء الاعجاب بشئ جميل هوا احيانا هيتقال عليكم دبش بس عادي ههههههههه
حصلت كتير

&&&&&&&&&&&

اكتر حاجه تضايقك لما الناس تفهمك غلط

لما يعتقدوا ان اعتزازك بنفسك و احترامك لذاتك اللي بيمنعك انك تعمل حاجات كتير غيرك ممكن يعملها عشان تحافظ علي صورتك و اخلاقك قدام الناس و قدام ربنا علي انهم كبر و غرور

و يتقال فلان متكبر و انت عمرك مكنت كده

بس الواحد اللي علي حق بيتعامل مع الخالق و ليس مع المخلوقين


*****
في النهايه اتمني اني اكون مطولتش عليكم و اني كنت ضيف خفيف و تتقبلوا كلامي
بصدر رحب لاني بجد كل حد تعاملت معاه في المنتدي كنت بتعامل معاه كأخ او كأخت

و ربنا يوفق الجميع