صفحات من الحياه : (ياريت كل الاعضاء تدخل ضروري)

حابس نملة ومعذبها كتب:

الشخص ده يا جماعة يبقه عمر زايد esprit habib وعلى فكرة والله انا عندى زميلى كلهم غلاوة وحدة احسن حد يزعل بس عمر يعتبر اقرب حد ليا زى ما فهمتكم شوفت يعم عمر مصيتك ازاى انا هعدى عليك النهاردة تعزمنى على طبق كشرى بالكبدة فاكر يوم الشطة يا ظالم

عارف والله يا محمد
انت من اعز اصدقائى
وده شرف ليا

تسلم يا عمرمشكور على مروك الجميل

ايوه فى يا عمر بس ححط اللكلام فى الوقت المناسب
وبعدين لو مبطلتش تريقة حخطفك

فكرة الموضوع رااااااااااااااائعه

وانا ف الانتظار عشان اعرفكم
اكتر لاني مستجده

اية دة


مين الملاك البرئ دة


قصدى


اعمل اية يعنى


انا مش فاهم حاجة

بجد يا عمر والله انا عمرى ما في موقف جامد يعنى حصلي اثر فيا


او اتاثرت بية


او افتكرة اصلا


لان انا بنسي بسرعة جدا وما بفتكرش اى حاجة بنسى بسرعة جدا والله

ما تزعلش يا عمر


والله العظيم عمر ما في موقف افتكرة اثر فيا او اتغير بسببة او كدة


عادى يثعنى انا عايش كدة وخلاص


يا رب ما تزعل منى بجد

السلام عليكم

اولا احب اقولكم اني كتب كلام كتييييييييييير جدا وف كل مره النت يفصل
فادعولي الموضوع يكمل وكمان اقدر اجمع ولو ربع اللي كتبته
لان عشان تبقوا عارفين دي مواهب مش بتخرج غير مره واحده

عموما يلا ياجماعه هتنازل بس المره دي بس اتفقنا

ندخل ف الموضوع بقي عشان متملوش مني من اولها

ف البدايه والله بجد انا سعيده جدا بلاستضافه اللي تقريبا حد باصصلي فيها لان بجد ده حسسني اني بقيت جزء منكم

بالنسبه لخبراتي ف الحياه فكلها ناتجه عن سزاجتي واني بتعامل مع الناس بحسن نيه
بس زايده شويتين واي حد اعرفه وحصل منه اي حاجه حلوه خلاص بقي له معزه عندي وده بيحصل كتير مع الاصحاب
فبجد كتير اخدت ع راسي من الموضوع ده بس يعني كل مره ادينا بنتعلم حاجه جديده
وده اهم حاجه ان الانسان يتعلم من تجاربه عشان ميقعش فيها تاني
وذي ما قال الرسول صلي الله عليه وسلم لا يلدغ مؤمن من جحر مرتين"


بالنسبه للصداقه فهي اجمل شي ف الدنيا بس ده لو لقيت الصديق اللي بجد
مش معني كده انه مش موجود لا طبعاموجود وفعلا هتلاقيه بس لو انت اصلا دورت عليه ف المكان الصح من البدايه ذي صديق ف درس علم مثلا او اي مكان تاني اللي بيجمعكم فيه بس هو حب ربنا بتلاقي قد ايه ربنا بيبارك ف الصداقه دي وبتشوف فعلا فيه نفسك
وده بجد عن تجربه
فممكن نخلي شعار لينا
"هتلاقي الصديق الصح ف المكان الصح"

الموت
الموت ده اكبر مصيبه ف الدنيا بالذات لو الشخص ده روحك فيه بتحس بعد فراقه ان خلاص الدنيا انتهت وده حصل معايا من سنتين ف نفس الايام دي والله مش عيزه اوصفلكم قد ايه اني كنت بموت وانا عايشه ف كل لحظه"ع فكره كانت بنت خالي وف ابتدائي"بس مش هتصدقوا لو قولتلكم اني لما كنت بتكلم معايا ف اي حاجه برتاح اكتر من اي حد كبير بس الحمدلله من نعم ربنا علينا انك بتحس ان الشخص ده مسافر وهتتقابلوا ف يوم من الايام وبتعيش ع الاحساس ده شويه الم لفراقه وشويه امل ف اليوم اللي هتشوفه فيه والحياه بتستمر


ف النهايه يارب مكنش ضيفه تقيله عليكم
ومعلش اعزروني لو ف اي تقصير لاني مستجده وانتم دخلتم سخنين عليه
فلازم بقي تستحملوني لما اتعلم
ومتقلقوش بتعلم بسرعه ربنا بس يديكم طوله العمر وتشوفوا اليوم ده


سلاااااااااااااااااااااام

كلامك جميل ياشيم

وعندك حق طبعا والله اصعب حاجه تدى الامان لحد ويغدر بيكى

الحمد لله على كل حال

انا هاقولك حاجه

الموت فى اوقات بيكسر الانسان

لانه بيفقد انسان كان بيحبه اووووى

بس ده قضاء ربنا كلنا اتخلقنا وكلنا هانموت

انا عارفه انك بتحبى بنت خالك
وصعب جدا اما تكونى معتاده على حد وفجأه مش تلاقيه قدامك

انا مريت بالموقف ده

بس قدرت اتغلب عليه واستفدت منه

اننا لازم نعمل لاخرتنا

بصى ياجميل احسن حاجه تعمليها

انك تدعى لها بالرحمه والمغفرة

ربنا يقويكى ياقمر

على فكرة انتى مش ضيفه انتى صاحبه مكان

ومش فى ملل خالص

وقلتلك اهو لو عايزة اى حاجه كلنا هنا موجودين معاكى

فى انتظار باقى صفحاتك ياشيم

الملاك البرئ كتب:

ما تزعلش يا عمر


والله العظيم عمر ما في موقف افتكرة اثر فيا او اتغير بسببة او كدة


عادى يثعنى انا عايش كدة وخلاص


يا رب ما تزعل منى بجد

عيب عليك يا شعبان بيه انت اكتر من اخويا
حد يزعل من اخوه ياباشا ولا يهمك اي حاجه
ويارب ما تعدي عليك مواقف زى دي وكل سنه وانت طيب

علم وينفذ

بعد اذنكم طبعا تم حذف الرد الاول للتشابه الكبير

انتى منورانا والله بصفحاتك الجميلة اللى بجد انا استفدت منها
او بمعنى اصح يعنى لاقتيها فعلا ماشية مع الكلام اللى انا بقوله لنفسى ساعات
وبجد الله ينور واحنا فى انتظار باقى صفحاتك

جميل جدا

فين الصفحات يامحمد عايزين نستفيد

بسم الله الرحمن الرحيم
في البدايه انا اسف اني بعيد بقالي فتره كبيره بس هي كانت شويه ظروف والحمد لله عدت علي خير بس انا اول مادخل الاقي نفسي مدبس كده منك لله يالي في بالي المفروض انكو عايزينكل يوم موقف لمده 3 ايام انا حبدا بوقف انهارده وده يعتبر اكبر موقف في حياتي واهمهم لانه بجد غيرني ..........................................
كان ياما كان في قديم الزمان كان ليا صاحب اسمه فلان علي فكره مش من زمان اوي ...
صاحبي ده قعدت معاه 3 سنين في الثانوي وبعد الثانوي طبعا كل واحدبيشوف حاله بس انا كنت متفق معاه اني مسيبهوش لكن طبعا الشغل نساني حاجات كتير من ضمنها صاحبي ده المهم مرت السنين وعرفت ان صاحبي ده تعبان جدا وانا مكنتش اعرف لكن عرفت واتصلت بيه لقيت صوته متغير بنسبه 180 درجه المهم اطمنت عليه وقفلت ومكنتش مطمن وبعد كام يوم وفي رمضان الي فات اتصلت عليه مره تانيه وفي المرة دي طلب مني اشروح ازوره روحت اشوفه واقسم بالله انا ندمت اني روحت لقيت حد غير اني اعرفه خالص شخص اعمي مشلول تم تركيب دعامه بطول جسمه انا اتصدمت واول مسلمت عليه سالته ايه الي حصلك قالي كلام بجد اثر فيا
قالي ابعد عن اي صاحب وحش وابعد عن السجاير والمخدرات وخلافه كررت سوالي ايه الي حصل قالي صحابي خلوني اشرب مخدرات وضغطو عليه يشرب لحد ماتعمي واتحرقت الشبكيه واربع جلتات بالمخ حاجه بجد صعبه اوي اوي بس هو تاب ورجع ويمكن ربنا جعله التعب ده علشان يرحمه من عذاب الاخرة وعلي فكره هو يوم العاشر من رمضان الي فات توفاه الله انا فرحت انه مات لانه بجد كان متعذب بمرضه وكمان سمعت من الي كان معاه انه مات ناطق الشهاده الحمد لله بس انا اتعلمت حاجات كتير اوي منه اني ابعد عناصحاب السؤ لانهم هما الي ورا اي مصيبه وكمان لو ليا واحدصاحبي مسيبهوش يضيع نفسه انا ندمت علي وعدي ليه اني مش كنت حسيبه ولكن سيبته اهه ضيع نفسه وانا كان ممكن اكون مكانه يمكن هو ربنا امرضه ورجع وتاب علي الي عمله لكن ممكن اي حد تاني يموت فجاة وميلحقش من هنا بقول ان اي حد بيعمل اي ذنب يلحق يتوب انا عارف اني طولت عليكو بس كان لازم اقولكم علشان تلحقو نفسكو وتلحقو اصحابكم او صحباتكم لانه الموضوع ده ممكن يحصل لاي حد وربنا يسترها وربنا يغفرله ويرحمه ويتوب عنه ويدخله فسيح جناته ااامين يارب العالمين

ربنا يسترها وربنا يغفرله ويرحمه ويتوب عنه ويدخله فسيح جناته ااامين يارب العالمين
اللهـــم آميـــن
فعلا حاجه صعبة اوى
ربنا يسامحنا ويسترها معانا جميعا