صفحات من الحياه : (ياريت كل الاعضاء تدخل ضروري)

كلامك رائع يا ويكا

كلامك مظبوط جدا ياعلى
والموضوع اجمل
شكرا على الموضوع

روعة ياعلى موضوع جامد

بس على اللى انا فهمته من البداية ان المفروض كل ضيف يحكى امور مر بيه وحصلته علشان نستفيد
انا مش باقلل من كلامكم الجميل ده
بس الاجمل لما تبقى مواقف حياتية مرينا بيه علشان غيرنا يستفيد

بس كده برده كويس وانا بشكرك جدا علي اهتمامك انا كنت محروج ارد واقول علشان انا وضحت في الموضوع
وانا بشكر كل الاعضاء ال شاركم معايا


ولا يهمك ادينى وضحت ويارب الكل يستفيد
بجد الفكرة عجبانى اوووووووووى
فياريت نتفاعل معها صح

موضوع رائع اخى العزيزى


فى انتظار بنت عمى (جوجو)

مختفى فين يابنتى امتا حتظهرى ع قناه الحياه

عوزاكى تحكى ياشهرزاد هو ع قولتهم اذا نورت البرنسيسه المنتدى اختفيت جوليت من المنتدى


هههههههههههههههههههه


فى انتظارك ياقمر والله انا لقيت جوليت دخلت الموضوع يالا بقا احكى صفحاتك

انتى حتكونى ع القناه الحياه مباشره

منورة يا ميرة
انا هنا ع الشاشة
بس مش فاهمة احكي ايه
اللي قبلي قالوا كلام كبير انا معرفش اقوله

اتمنى اكون ضيفة خفيفة
ثانكس ع الاستضافة انا قريت الموضوع تاني واللي فهمته اني اقول موقف من حياتي واستفدت منه ايه

اول صفحة افتكرها لما كنت ف ابتدائي كنت بخاف من الميس عشان بتضرب ع الخط ف تعملي ايه يا جوليت بطلت اصحح الكتاب وكل حصة كانت تسال حد لسه مش صحح وانا اقول لا
فضلت اكدب ترم كامل لحد مازيملتي فتنت عليه وانضربت 10 عصيان اهئ اهئ بس عمري منساهم

اتعلمت منهم ان مش اخاف من الصراحة ومش اكدب ومهما تكون النتيجة اكيد الصدق ارحم حتى لو الكدب نجانا ف ساعتها


اخر صفحة افتكرها هي وردة زرعنها ف البلكونة اتعلمت منها حاجات كتير اهمها
ان ف ف حياتنا حاجات لو مش اهتمينا بيها بتدبل وتموت


كفاية صفحتين ولا اقولكم
ف صفحات كتير من حياتي فيها اصحابي اعدادي وثانوي وكلية
اتعلمت من الايام دي ان الصداقة اجمل احساس بالوجود وان الصاحب بجد هو اللي بيقف جنبك مش لازم اقول موقف لان المواقف كتير اوي ف اصحاب جدعة اوي


تعلمت من رحلتي ف الحياة انها لا تقف عند لحظة
لو فشلت ف حاجة اكيد ف حاجة تانية وربنا وحده يعلم الخير فين


اهم حاجة اتعلمتها من صفحات حياتي
ان احمد ربنا ف كل وقت و ع كل حاجة وان ربنا لما بياخد من حد حاجة بيعوضه بحاجة تانية فالحمد لله بجد ع كل نعمه ويا رب مش تحرمني من الناس اللي بحبهم
اللهم ارضى عنا و اهدنا للخير ورضنا به حيث كان


يا رب تكونوا مش مليتوا مني واستفدتوا من صفحاتي حاجة

ههههههههههههههههه


ياااااااااااه انتى لسه فكره الميس فتحيه هههههههههه (سيده)


والله كلامك حلو اوى ياجوليت منتى طلعتى موهوبه اهو والدنيا ع قولتك زى مبتاخد زى ما بتدى


واحلا حاجه فيك انك مع الله واللى مع الله عمره ما بيضيع


كبرتى وحلوتى اهو وبقيتى بتعرفى تقولى كلام زى العسل

عندك حق فى كل كلمه قلتيها سبحان الله القادر ع كل شئ


شكرا لك ياقمر

كلامك حلو اوى يا جوليت

مهو انتي كنتي معايا ف الفصل يا برنسيسة بذمتك حد ينسى ميس سيدة
مرسي ع كلامك يا قمر وع التعليقات الحلوة من جود جيرل واسبريت حبيب

بسم الله الرحمن الرحيم

اقسم بالله العظيم انا فى حياتى صفحات كتيرة وممكن تفيد ولو شخص فيكم
واتمنى ان مش فى عضو يتخيل انى اقصد اى مجاملة من احد او رد باستعطاف

انا فى الحقيقة انسان طيب اووووووووى ومريت بصفحات كتير
بس اهم صفحة نفسى تستفيدوا منها هى رحيل والدى امام عينى فى حادث مؤلم
وكان نفسى اكون ضيف عليكم من حوالى 5 ايام لانى شفت نفس الحادث بنفس السيارة وهيئة الحادث ولكن بعد مرور 9 سنوات و5 شهور من حادث والدى

وحتى لا اطيل عليكم انا كنت فى 5 ابتدائى وامتحاناتى بعد بكرة وكنت راجع من درس
نادانى وتالدى على الشارع اشتريله حاجة وانا ماشى ناحيته كده
تخيلوا ان تاتى هذه السيارة من اين لانعلم ولكنه قدر
تاتى لتقتل والدى امام فى اقل من 5 ثوانى

ايه اللى استفدته انا من هذه الصفحة المؤلمة

انى اتعلمت ازاى اتحمل المسئولية وابحث عن شغل من وانا ابن 10 سنوات رغم انى والحمد لله كنت متفوق
واتعلمت اكون صاحب قلب رحيم
وامسح على شعر اليتيم زى ما كتير كان هذا العمل يريحنى نفسيا حينما كنت اذهب للصلاة
انا كنت فاهم ان ده لانى يتيم علشان كده كنت بابكى دم منة جوايا انى والدى مش جنبى فى الصلاة بعد وفاته
اتعلمت برده انى مش اسيب فرض من صلاتى علشان ادعيله فى كل سجدة
اتعلمت انى لما يكونلى صاحب والده توفى زى ماحصل من يومين انى افضل جنبه وازره علشان يتعدى المحنة وانصحه فى وشه وادور وشى ابكى من قلبى واقوله حاسس بنارك اللى مش بتنتهى
اتعلمت برده اهم شئ انى اقرب لربنا اوى
واعتمد على نفسى بشكل رئيسى لانى لو مش عملت كده لا امى ولا اختى عمره ماهيبقوا فخورين بيا


كفاية كده ودى صفحة واحدة من حياتى
ولو حبينا اكمل عرفونى
لو اتخنقتم هاحذف الكلام ده والله
بس انا اتمنى الافادة

ياه الهى الله يرحمه البقاء لله

والله حاجه صعبه اوووووى ربنا ميكتبها ع حد انا مش عرفه اقول ايه


الموقف صعب اوى بس احسن حاجه عملتها انك صبرت وبتصلى وبتدعيله


اكيد هو بحاجه لدعائك وانك تقدر تعتمد ع نفسك والله حتفيدك فى المستقبل


وان شاء الله ربنا حيعوضك خير باذن الله


اللهم اغفر للمسلمين والمسلمات الاحياء منهم والاموات انك انت الله سميع مجيب الدعوات يارب العالمين



ياريت لو تكمل من صفحاتك اخى العزيز والله كلامك دائما قمه من الروعه والابداع

ربنا يعوضك خيرا اخى العزيز وشكرا على كلامك الجميل

شكرا اختى الفاضلة دائمة التالق فى ردودك ميرة


اتمنى اكون وصلت ولو فكرة دون ان اطيل عليكم

ولو تسمحوا لى اكمل صفحاتى ده بعد اذن صاحب الموضوع

ايه يا استاذ انت بتحرجنى كده والله

وبعدين انت كنت فاكر كل واحد يحكى موقف وخلاص


وانا عمرى ماهعدى ال3 ايام

انتظروا ثوانى بس اخلص شغلانة كده واخدكم بعون الله للصفحة القادمة

بسم الله الرحمن الرحيم

انا والحزن

بعد كده حزنت كتير لرحيل والدى وابن خالى اللى كان اقرب حد شخصى لروحى
ورحل فى ريعان شبابه 31 عام
لقيت نفسها وقتها ولا ول مرة بامسك الكلام واكتب خواطر واقلد الشعراء علشان ارثيه بكلمات ولو بسيطة
بس وقتها كان لها كل التاثير داخليا على كل من يقراها

اتعلمت من رحيله هو ووالدى
ان قدر الله ينفذ على كل الخلق ولا ينظر لاالى شباب ولا الى شيخوخة
ولا صحة ولا سقم انما كل الحكاية هى رفعت الاقلام وجفت الصحف
وكان ده تانى دافع ليا انى اعرف ربنا اكتر
وافرا كتب كتيرة واشعا ر عن عذاب القبر ونعيمه واهوال القيامة
وانى اجتهد انى ابقى حد كويس
وبالتالى كنت لازم ارتب على دفعاتى فى ابتدائى واعدادى
وكنت والله وبلا فخر الطالب المثالى على مستوى الابتدائى والاعدادى





الصفحة الثالثة


الحب احساس جميل يدق القلوب يشعرك بقدر كبير من السعادة والحب للحياة ولكل الناس
وكمن كتر حزنى على والدى كنت دائم البعد عن مواضيع الحب وسيرته
والله والله كنت باشوفه مقدمة للفشل

ولكن مع الوقت دق الحب ده بابى كان معظم الوقت مراهقة وتفهات وبتنتهى بسرعة ولكن من عيوبى اللى عايزكم تاخدوا بالكم منها انى من النوع اللى بيتاثر بالمواضيع اوى وبيديها اكبر من حجمها
يعنى الخلاصة كنت با زعل ع اللى مش يستاهل


الى انت اتى الموضوع الحقيقى ولكن ليس فى الوقت المناسب بالمرة لانى من سنة و9 شهور فاتت ماكنش ينفع ارتبط بواحدة من سنى
ولكنى حبتها اوووووى وكنت اعاملها بما يرضى الله وكانها من بيتى والله
الى ان اتى نصيبها وتزوجت واتالمت وتعبت كتييييييير لانى حبتها اوووووى وهى حبتنى وبمنتهى البراة بنا
وقبلت بالزواج تقديرا لوالدها اللى شفناه مريض انها رفضت اول مرة
نهايته
اللى استفدته من المو ضوع ده

ان الحب الحقيقى والصح لما بين فى وقته المناسب ولزوجتى مش قبل كده والله العظيم
وكل اللى هنمر بيه قبل كده تفهات لو كنا من عدم اصحاب الضمير
ولو اخلصنا زى انا وهى ماعملنا هنفضل نتعذب لاوقات كتيرة لانه ماكنش فى وقته المناسب

يارب تكون الفكرة والنصيحة وصلت وماكنش طولت



انتظروا صفحتى غدا


انا والاصدقاء


مستنى المناقشة

والسلام عليكم

اتمنى الكل يستفيد ان شاء الله

شكرا لردك الجميل