صفحات من الحياه : (ياريت كل الاعضاء تدخل ضروري)

مليون شكر عزيزى عمر
والله انا بقيت باحترمك جدا
انت شخصية محترمة اوى وبتعرف تقدر الكلام اللى بيتكتب
وفعلا موضوع اكثر من رائع


اختى العزيزة جود
اسعدنى مرورك بصفحاتى المتواضعة
واتمنى انى اكون افدتك ولو بالقليل

السلام عليكم ورحمة الله وبركاته

يلا اختار الضيف التالى

علشان الموضوع ده عجبنى اوووووووووووووى

الله بجد يا عمر موضوع اكثر من ممتاز في تقديري انا ويارب ديما للامام يا صاحبي

الوووووووووووووووو
هههههههههههههه

اولا انا متشكرة جدا على الاستضافه
والموضوع اساسا جميل وده حقه انه يتثبت
وانشاء الله هابدا على طول

اول حلم فى حياتى
كان نفسى ادخل كليه الطب والحلم ده كان نفسى احققه
مش عشانى والله ابدا
عشان كل اللى حوليا كان نفسهم حد يكون طبيب عشان لما يحتاجه يلاقيه على طول
وميكونش زى الدكاترة اليومين دول
تحتاجه نص الليل مثلا يقولك معلش اصلى عندى شغل الصبح ومقدرش اسهر او اخرج من البيت

ولا اللى يعاملك وحش وخاصه فى المستشفيات اللى الناس الغلابه بتروحها
كل ده كان نفسى احققه عشان خاطرهم

بس للاسف الحلم ده لم يتحقق

بس الحمد لله على كل حال
اول ماعرفت نتيجه الثانوى انى مش هاقدر ادخلها
وفى السنه دى مجموع الطب كان عالى
ياااااااااااااااااااااااااااااااااه
كان جوايا حزن
بس ارجع واقول قدر الله وماشاء فعل
دخلت علوم
قابلنى فيها مشاكل كتير
اولا صحابى مش معايا
عرفت ناس تانيه
صحيح ان فى ناس تعاملها كويس
بس فى ناس كتييييييييييييير متكبرة
حاولت على اد مقدر ان ميكونش ليا تعامل معاهم
اشوف الكويس
واشوف دراستى الاول ودى كانت اهم حاجه عندى

وقلت طالما انى بقيت فى المكان ده يبقى لازم اثبت مكانى فيه
واحقق كل اللى كنت عايزاه
عشان اقدر اساعد كل اللى يحتاج
والحمد لله ربنا وفقنى فى حاجات كتييير
لحد موصلت لرابعه

معلش لو طولت
انتظرونى فى صفحه جديده

ان شاء الله ربنا هيوفقك لحد ما تحققى كل اللى بتتمنيه
وتقدرى تفيدى الناس اكتر
فى انتظار باقى صفحاتك يا دودو

الصبر يادعاء هو مفتاح الفرج
ومفتاح كل خير
وعسى ان تحبوا شيئا وهو شر لكم

لايعلم الغيب الا الله

نورتي اختى الصفحات وربنا يوفقك

شكرا esprit
لانك اتحت لى هذه الفرصه


انا متشكرة ياسمسمه على كلامك الجميل
واستنينى بكرة فى صفحه جديده


ميرسى يارضا
والله انا باعمل كده
والخير فيما اختاره الله
الحمد لله على كل حال

انا متشكرة ليكم كلكم والله

معلش انا اسفه بس انا لازم انى اقول اهم صفحه فى حياتى
ودى اللى اتعلمتها النهارده
كان ممكن اقولها بكرة بس انا مش مستحمله اكتر من كده
كنت باعتقد ان لما اقول لحد ماعرفهوش
انى باحترمكم زى اخواتى او انتوا عندى زى اخواتى
متتفهمش غلط

او ممكن يتخذوها كقصه او حكايه للتريقه والهزار
او حد مثلا يقول لصاحبه انا اللى كنت السبب فى كذا او كذا
او شوف انا عملت ايه وخلتها بقت ايه
ويزودوا كلام

للاسف ان الانسان ده ميبقاش انسان
ومش محترم لانه عارف ان الزمن دوار ومهما هيلف هيرجع ويدوق طعم المر
ويشوف كسرة النفس بتعمل ايه

انا مش عارفه اقول ايه بصراحه
بس لا املك الا ان اقول
منهم لله
لان الكلام اللى زودوا مثلا ده كان سبب فى جرح كبيييييييييييييير مش من السهل تداويه
والله اعلم الكلام ده كان عبارة عن ايه

انا اسفه انى باقول كده
بس انا تعبت
انا الحمد لله كنت باعتقد انى اقدر احكم على الناس فى افعالهم او اقوالهم
بس اكتشفت العكس تماااااااااااااااااااااااااااااما

الدرس ده علمنى
من النهارده انى مش ادى الامان لاى شخص تانى ابدا
مهما كان حتى لو كان من اهلى
للاسف انا فقدت الثقه فى كل الناس

لانى اللى شوفته بصراحه ميتحكيش
كفايه انى اتعلمت غلطتى

بصي يا بسمه امل انا ايوة معرفكيش لكن كل الي عايزك تعرفيه ان مش كل الناس زي بعضها اكيد في ناس كويسين يعني هل انا لو واحد مسلم عمل معيا موقف اقول ده المسلمين كلهم وحشين ولا اقول ده واحد منهم وبعدين انا لو ماشي في طريق وفي اول الطريق وقعت في حفره حقول الطريق ده كله كده من غير حتي مدخل فيه مع ان لازم ادخل الطريق ده ومفيش غيره انتي ممكن تحمدي ربنا علي الي حصل انا معرفش ايه بس قولي ان ربنا يقدرك علي نسيان الموقف ده وربنا حيقف جنبك وكملي واعملي الي ربنا يقدرك عليه ومتبقيش شكاكه زياده عن اللزوم ومتديش الامان الكامل لاي حد لازم يكون في حذر لكن مش لدرجه الشك اوك اسف علي الاطاله وربنا ميجيب زعل

انا مع الاستااذ طايش


كلامة معقول جدا

والله ماشاء كلام الاعضاء جميعا قمه الروعه والابداع

اتمنى انى اكون ضيفه خفيفه فى صفحه من صفحات العمر بجد الصفحه اللى حتكلم عنها هى ديه بجد اللى خلتنى اعرف مين العدو والحبيب مين الصديق بجد و و و
بجد الصفحه ديه هى اللى خلتنى اكبر وعقلى يفكر كنت وخده الحياه كلها ايزى
خالص كنت بقول اعيش يوم وكانت البسمه ما تفارقنى ابدا لدرجه الناس قالولى
انتى يابختك عيشه حياتك مفيش عندك مشاكل خالص بس الحمد لله ع كل حال
ع قلتهم تسلم الشده اللى تسلم الشده اللى تظهر العدو من الحبيب

ايوة يا ميرة نورينا بصفحاتك
ع فكرة انا فاكرة الصفحة اللي انتي حكيتي عنها دي
بس فين الباقي؟

مش عرفه ابتدى اذاى بس حتكلم

زى ما قلت انا كنت وخده كل حاجه ايزى جدا

فى السنه اللى كنت فى الصف الثانى الثانوى ع قلتهم كبرت وكده يعنى فلازم بقا تلاقى الباب

يدق مين عريس الهنا المهم اتقدم واحد وشفته وكده وكان اللى جيبه احد اقاربى قال ايه كويس وليه مركزه وكلام المصرين ده اللى بجد بيشلنى اوى لازم يكون ويكون علشان يليق بيك
فطبعا انا كنت لسه طيشه بس بجد قلت لاء انا مش مرتاحه كونه شخص ارتبط بيه فطبعا الجميع قال عريس الهنا ده نادر لما تلاقى زيه قلت لوالدى فى سعتها لاء والله هما جم بالليل وكانا مسفرين الصبح بظبط وكانو عوزين الرد فى سعتها ياايوه يا ايوه بجد كانت حاجه صعبه اوى فانا لما قلت لاء الكل انصدم فقالو اى وحده تتمناه قلتلهم لاء فبابا قالى فكرى قلتله اوك حصلى الصدمه الكبرى بقا لما خلتى دخلتلى فى الغرفه وقالتلى انتى بحبى السفر وبتحبى
الدلع كله و و و من الاخر يعنى ده يعنى اللى يحقق ليك كل اللى تتمنيه فطبعا قلتلها بجد ياخلتى مش معقوله وكده فسكت فطلعت قالت لاخويه قولك لباباك انها وفقت وكده يااااااااااه
من كتر والله الزن ع الودان والكلام وكنت مش بعرف ارد عليها بس صحيت الصبح بعد ماصليت قلت لابى انى مش موفقه ع الشخص ده قالى ما خلاص مش انتى انبارح وفقتى مقدرش اقول للناس انك رافضه وارجع كلمتى قعدت سنه والحزن بقا انا وهو اصدقاء الانتيم
فطبعا كنت اصلى وادعى خلصت السنه بكل مافيها من هموم والله كانت اسوء سنه عشتها فى حياتى كلها بمشاكلها طبعا مكنش حد يقولى مالك اللى صديقه عمرى فقط لاغير لها (زينب )هى اللى كانت جنبى المهم نزلت مصر نزلت للهنا كله بس كنت مستعده لاى مشاكل حتحصل تانى فعدى فرح اختى لما نزلنا وبدا يتصل ع باباى وكده فقلت لخلتى انى مش موافقه قليله بس مع الاسف للمره التانيه اثق فيها لاكن مع الاسف طبعا اعطتنى املى %انها قلتله انى مش موفقه وهو مش حيجى البيت طبعا فرحت اوى بس بعدها اتصل والدى بيها وقلته حدد موعد
وحصل اللى حصل المهم انى قلتله فى وشه كده انى مش موافقه عليك طبعا الكل زعل منى اوى بس انا قلت انا اللى حعيش مش هما اللى حيعيشو وطبعا انتم عرفين الاب حيعمل ايه
وطبعا بعد ما انتهى الموضوع وقلت للعريس كده حصلت مشاااااااااااااكل والله واخدت اللى محدش يستحمله وملقتش حد يوسينى خالص فى مصر بقيت اصلى وادعى ان يتفك هذا الحصا عنى ياااااااااااااااااااه ايام بس صعبه اوى نكتفى بذالك لانى بجد بتصعب عليه نفسى لحد دلوقتى بس بجد صدق اللى قال الصبر مفتاح الفرج







اتعلمت ايه بقا من القصه الطويله ديه

اتعلمت انى متسرعش خااااااااااااااااااااااااااالص وافكر فى اى حاجه اعملها مره واتنين
وميه ومحطش ودنى لاى حد اى ان كان هذا الشخص ولازم اكون واثقه من كل كلمه اقوله
علشان مندمش زى ما حصل



تانى حاجه اتعلمتها بقا انى مش ع حسابى اسعد الناس واتعس حياتى مدى العمر لازم زى ما هما بيحو يسعدو ويفكرو فى نفسهم ويشوفو رحتهم فين انا كمان اشوف رحتى فين
بجد مش اكتر الناس اللى تنصحك ولا تقولك ع حاجه لمصلحتك نااااااااااادر والله اللى ينصحك نصيحه تفيدك فى حياتك دلوقتى لازم يطبخوها لمصلحتهم (اللى من رحم ربى )



اتعلمت كمان مش كل حد تقولى عليه ده صديقى بجد الصديق اللى يقف جنب صديقه وقت الشده ويطلعه من محنته مش اللى من قدامك بكلام ومن وراك بكلام
وقت لما تكون فرحان تلاقيهم يحسدوك ع فرحتك ويقعدو يتكلمو ع اللى فيهم وانتى واجب عليك تسمعلهم وتوسيهم وفى الاخر تلاقيهم ميستهلوش انك فى يوم وقفتى جنبيهم وسعدتيه ع قد ما تقدرى

ووقت الحزن والله ما تلاقى حد يقف جنبك يقلولك احنا فينا اللى مكفينا وتلاقى الناس كانو من اقرب المحبين اليك تلاقيهم يقولو مالك بقيتى كده ليه يعنى ليهم بس انك تسمعلهم بس هما يوم ما يسمعو ليك تلاقيهم فرو ومرو مرور الكرام ياااااااااااااااااااااااااااااااااااااه بجد انا مش زعلانه انا بجد فرحانه علشان عرفت مين اللى بيحبنى بجد ومين اللى بيكرهنى

اتعلمت انى لازم ارضى ان لازم اللى مكتوب ع الجبين لازم تشوفه العين ولازم نؤمن بالقسوم واللى حيحصل سواء خير او شر الحمد لله ع كل حال

ولازم نعرف ان الضربه اللى ما تكسر تقوى والحمد لله والله بجد

وصبرت ونلت اللى كنت اتمناه ويارب زى ما حقق ليه حلم وعود اخر صبرى خير يحقق
ليه باقى ما اتمناه فى حياتى

اتمنى من الجميع ان يستفيدو من قصتى وع قلتهم الحياه مواقف ولازم نتعلم من اى موقف مر علينا ونكون قد الموقف حتى لو كنت اكبر منه عليك التحلى بالصبر
يارب مكنش تقلت عليكم بالاكلام الكتير بس بجد من يوم ما حصل ليه الوقف ده كبرت عشرين سنه بقيت اى حاجه تحصل افكر بعقلى واحط قدامى قواعد واسس وافكر واشوف الصديقه اللى اعتمدت عليها ولقتها وقفه جنى واشورها واستخير الرب وع قلتهم اللى مع الرب عمره
ما يقع ابدا مهما كان الناس كلهم ضده

امنياتى للجميع بحياه جميله ملئيه بطاعه الرحمن ويارب تكونو استفدتو ولو بشئ بسيط جدا

والسلام عليكم ورحمه الله وبركات

كلامك جميل جدا ياميرة
وحكم رائعه
ربنا يسعدنا وتحققى كل اللى انت عايزاه واللى بتتمنيه
وميهمكيش اى حد
دى حياتك وانتى اللى هاتعشيها

فى انتظار باقى صفحاتك ياجميل

اقتباس :

تانى حاجه اتعلمتها بقا انى مش ع حسابى اسعد الناس واتعس حياتى مدى العمر لازم زى ما هما بيحو يسعدو ويفكرو فى نفسهم ويشوفو رحتهم فين انا كمان اشوف رحتى فين

والله يا ميره الكلام ده لسه وايت قايلاهولى النهاردة
وقولتلها حاضر هعمل كده بس وانا متردده وبقول لنفسى
وانا مين يعنى عشان اتسبب فى تعاسه غيرى
بس بعد ما قريت كلامك انتى كمان اقتنعت
واضح ان انتوا اللى صح

شكرا يا ميره على كلامك الرائع

لا شكر ع واجب اخواتى فى الله

انا قلت ع فكره حكتب صفحه واحده فقط لانها هى ديه اللى اتعلمت فيها الصح من الغلط

نخلى باقى الاعضاء الحلوين يقللنا موقفهم اخى العزيز منتظر اختيارك الموفق

وشكرا لجميع الاعضاء اللى نورونى فى صفحتى المتواضعه اسعدنى تواجدكم

وتسلم اخى العزيز ع الموضوع الاكثر من رائع ابدعت والله فى اختيارك

شكرا لكم جميعا

نورتي يا ميرة هي صفحة واحدة بس فعلا كانت فيها دروس كتير
انا عمري منسى الايام دي صحيح انتي تعبتي فيها جامد بس كنتي جدعة وقد الموقف وعرفتي تتصرفي يا رب يجعل باقي ايامك سعادة وهنا

ابدا يا استاذ محمد
ونورنا بصفحاتك
وده تشجيع للبدايه